I Versetti Biblici più popolari da Jɔn 15

Condividi

Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.

Bàw viŋ goꞌ taa ŋwaa mə, mə baa luu gòꞌ taa ŋwaa viŋ. Kaꞌ ntaŋ kee kwàanə vətaŋ me, tɨ̀ lɨꞌ laa ntaŋ ghɔ́ lùu mbɨɨ tɨ me. Sheꞌ nee, viŋ kee lùu taa ŋwaa mə me, buu kaꞌ viŋ kee kɨ kwaanə me.

Kɨ luu viŋ goꞌ taa fwi mə, buu yigisə nyaa goꞌ taa fwi siŋ nɨzi, buu viŋ taa kɔlə bitə kə, vɨ taa kɔ tɨ́ viŋ.

Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Ŋkawnə njyə faŋ nyə kwàlə shɔ̀ɔ, lùu faŋ wə bìŋ yiku tɔ vɨɨmba vi.

Ntaŋ tɨ̀ me ntaŋ faŋ ŋwə kee kwaanə vətaŋ me, buu vɨ taa fà ntaŋ ghɔ́, mèꞌ. Gə̀ fɨ maa ntaŋ faŋ ŋwə kwaanə jəə, ŋwə baa fìi, tɨ́ kaꞌ vətaŋ kɨ kwaanə shɔ jəə.

Ntɨ nyaa faŋ mə tɨ viŋ shɔ nə, lùu laa viŋ kɨ kawnə yiŋwaa yiŋ, sheꞌ faŋ mə nə kàw viŋ nə.

Nu ŋkɨə faŋ yizii Tii ŋwaa taa kɨ kwalə shɔ, lùu faŋ viŋ taa kɨ kwaanə vətaŋ vəyaŋ, yɨsə vənu vəjəəvə, də nɨniŋ laa viŋ lùu vɨɨ məzwetə nu kaŋ.»

Yeso baa gì tɨ́ vɨɨ məzwetə nu ki laa, «Mə lùu yaa tɨ taŋ jəənə. Tii ŋwaa lùu wə ntɨə faŋ ŋwə lootə vətɨ vɔ́.

Wə tɨ̀ me wə faŋ ŋwə kee lùu taa ŋwaa mə me, buu vɨ taa shia ŋwə yaa təntaŋ tə tɨ tɔ́. Ntə yɔŋ, vɨ shaꞌ twàŋ taa wi, ntə kɨɨ, mè.

Mə naysə nu kɔ́ tɨ́ viŋ, tɨ́ kaꞌ məŋaytə lwaŋ taa fwisə viŋ, sheꞌ faŋ ŋwə lwàŋ taa fwi mə. Bàw məŋaytə wiŋ lwaŋ taa fwisə viŋ bə.

Kaꞌ viŋ goꞌsə taa ŋkawnə nyaa faŋ viŋ nuŋsə ntɨsə saŋ, sheꞌ faŋ nshɨ-tɔ ŋwaa nə nùŋsə ntɨsə Tii ŋwaa, buu gòꞌsə taa ŋkawnə yi.

Lùu ntɨ nyaa nə, faŋ mə tɨ̀sə viŋ shɔ nə, laa viŋ kɨ kawnə yiŋwaa yiŋ.»

Viŋ nii toꞌ lùu vaŋ taa mbi, buu mbi kàw vaŋ vi. Luu nə, viŋ kee lùu vaŋ mbi nyə̀ me, buꞌ laa mə nə shòꞌ viŋ fɨ taa mbi laa viŋ luu vaŋ vaŋ. Mbi kɨ nii bee viŋ.