I Versetti Biblici più popolari da Mateo 26

Condividi

Nichjeꞌenta ndo Dio ko tarichrinꞌanta ixi jaña sinchengachrueꞌa Xixronꞌanxrée asáanta ixi espírituanta tjée ndo Dio ko ntauꞌanta tjaunꞌa.

Ko ndache ndo sen: ―Tsango jitoniꞌe aséenna xranchi ti xrokueꞌenna. Jaꞌanta ntiꞌi tituanꞌanta ko tarichrinꞌanta.

Ko sakjui ndo ícha kjínxin ko bakeꞌexin ntatuchiꞌin ndo ko kuisée ndo ti ngataꞌa inche ko jaꞌin nichjeꞌe ndo ndotée ndo: ―Ndotána, siá chao, tájonnta juachaxin ixi tsiꞌa ti tsango itsjá jitjiá copa jiꞌi. Ko ntatjunta ixi tsoenꞌa xranchi janꞌan tjaꞌon. Naꞌi. Jaꞌanta ncheꞌenta xranchi jaꞌanta tjaunnta.

ixi jiꞌin ndée tu uva meꞌe xrokjui xranchi jnina, jni̱ konchjianxin ley natjúá, ko tsintji jni̱ kondeexin itsjé chujni ko jaña tsoméxin ti ndakoꞌa juincheꞌe na̱.

Ko xrastene sen, ndo Jesús itsé ndo naa nutja ko kuajon ndo juasaya ngajin ndo Dio. Tjumeꞌe konchrinjin ndo nio ko konchjeya ndo nio ngajin sen chrikao ndo ko ndachro ndo: ―Itsenta nutja ko intenta nio, ixi nutja jiꞌin xranchi xrokjui cuerpona.

Tjumeꞌe itsé ndo naa vaso jitjiá ndée tu uva ko kuajon ndo juasaya ngajin ndo Dio ko chjée ndo sen ko ndachro ndo: ―Tinꞌinnta kainnta

Ko tjumeꞌe ikjan ndo Jesús ti no kuintuꞌe ndo sen ko jeꞌe sen stejua sen. Ko jaꞌin ndache ndo ndo Pedro: ―¿Á juaꞌi kuarichonnta naa hora?

Ko jai ntatjunta ixi ítsiꞌa ndée tu uva íjngo, ti tsijija nchakon tsojuna ti jii juachaxin tetuanꞌan ndo Dio. Ko nchakon meꞌe tsiꞌi ndée tu uva natjúá íjngo.

Ko ndo Pedro xraxaon ndo ti nichja ndo Jesús: “Ko xraxrotsje̱ꞌa kuntaxichíká níi vez, jaꞌa xrondachrua ixi chuxinꞌana.” Tjumeꞌe ndo Pedro kuachrje ndo nduja ko tsango tsjanga ndo.

Tingatjennta sachjina ixi ó kui̱i̱ xi sinchekjina ko jai tsajonna xa.

Ko tjumeꞌe ndachro ndo Jesús: ―Xraxiꞌian chika ña̱ ngaya tjueꞌé chika, ixi kain sen tjayaxin chika espada, chika espada tsenxin sen kaxon.