I Versetti Biblici più popolari da HAOKAPHOK 3

Condividi

Chieina sha̱nao china thingrong chi kashakazāwui vang mathai da kathei eina, kala mikli ngayam ngasak kahai eina kala thingrong china thangmei ngasaka jihaoda, ana chiwui athei chi khuida shai; kala agaharalila kateokha mi, kala ana shai.

Varena sākakhui ramsā saikorawui ngachaili phara̱na awor themmeikapsai. Ana sha̱nao chili hānga, “ ‘Yāmgui chili khalei thingrongwui athei akhala nani mashaipaimara’ da Varena hāngla?”

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

Sha̱nao chili ana hānga, “Ina nali nao khavaiwui kachotkachāng haklak eina mataisangmira, chotchānglak eina nana nao pharākhuira, chithālala nana nagaharali ningchāngchingra, kala ana nawuitungli mungra.”

Nana ngaleili malatvāranglakha eina tangda shairanra̱ shokta phazāra; kaja nali ngalei eina sākakhuina; na chifana, kala chifa ngasāluira.”

Kala Adamli ana hānga, “Nana napreiva̱wui tui khanganāwui vang, kala ina nali ‘Chi mashaialu’ da kaso kahai thingthei chi kashaiwui vang ngalei hi nawui vang eina khonkashi ngasāhaira; nawui mirin peida chotlak eina ot sāda phāshak phazāra

Ana hānga, “Na khamahong eina leili da khipāna hāngkhala? Ina nali mashaialu kaji thingrong chiwui athei shaihaola?”

Ana mi chili kashamshokhaowa; kala kharingwui thingrong shongfa chi mayon khavai Eden yāmguiwui zingshoshong cherubim kala achikun peida nganingung nganingkhavā meiwon kashoka raighai akha da haihaowa.

Mi china apreiva̱li Eve hoi, kaja ana kharing saikorawui ava̱va̱na.