I Versetti Biblici più popolari da Mathae 5

Condividi

Okoe hõ diuhe jeretʼkate khạclạkʼte do bako hạrupʼ esetʼkakʼa, bickom bạti dohowakʼ cetanregeko dohoea. Onate oṛakʼren sanam hoṛge marsalko ńama. Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

“Ape do dhạrti reakʼ marsal kanape. Buru coṭ reakʼ nagraha do oho danaṅ daṛelena.

Okoeakʼ ontor khạṭigetako onkogeko bhạgana, ente onko do Isorko ńelea.

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Menkhan ińiń metapekana, aperen bạiriko dulạṛkope. Ar okoe apeko santaoetʼpe onko do koeakope.

“Monre reṅgejokʼkogeko bhạgana, ente serma raj do onkoakʼkangea.

Sulukokʼkogeko bhạgana, ente onko do Isorren hoponko ńumogokʼa.

Dukokʼkogeko bhạgana, ente onko do jiwi raṛecʼko ńama.

Dhorom iạte santao ar khed ocokʼkogeko bhạgana; ente serma raj do onkoakʼkangea.

Mãyãkʼkogeko bhạgana, ente onko do mãyãko ńama.

“Bhạgangeape iń iạte hoṛko opoman arko santao lepere ar ạuṛiakʼte sanam lekan bạṛicʼakʼ reaṅko roṛlepere. Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Mạhirkogeko bhạgana, ente dhạrti do onkogeko ạidạrijoṅa.

“Ape do dhạrti reakʼ buluṅ kanape, menkhan buluṅ sabakʼlen khan cekate rahamokʼa? Ona do ar okaṭakʼ kạmirege baṅ lagaokʼa. Eken bahrete giḍikakʼ ar hoṛko lebetʼakʼ lek hoyokʼa.

Onate aperen sermaren Baba cetʼlekae khạṭige, onkage ape hõ khạṭiko hoyokʼpe.

Ape do, ‘Hẽ khan hẽ,’ ar ‘Baṅ khan baṅpe,’ Ar noa khon bạ̃ṛtiakʼ okaṭakʼkan, ona do Soetan ṭhen khonge hijukʼa.

“Ańjomakadape roṛlena mente, ‘Mẽtʼ hala hạli mẽtʼ ar ḍaṭa hala hạli ḍaṭa.’ Menkhan ińiń metapekana, jãhãe ape tulucʼ bạṛicʼko beohar khan onko birudre cetʼhõ alope cekaea; bickom jãhãe jojom johae thapame khan uni do eṭakʼ joha hõ thapa ocoaeme.

Amakʼ jojom mẽtʼe kại ocome khan ona do hoṭor oḍokkakʼme. Amakʼ goṭa hoṛmo norokre khadlekʼ khon ona mitʼ hạṭiń bạṛicʼ ocoakʼge am lạgitʼ bhagea. Amakʼ jojom tiye kại ocome khan ona do samakʼ giḍikakʼme. Amakʼ goṭa hoṛmo norok seṅgelre khadlekʼ khon hoṛmo reakʼ mitʼ hạṭiń nosṭo ocoakʼge am lạgitʼ bogea.