I Versetti Biblici più popolari da Matei 7

Condividi

Mangen, ai dena tumen; roden, ai tume arakhena; malaven, ai putrena tumenge.

Ke kon mangel lel, kon rodel arakhel, ai putren kudaleske kai malavel.

Sa anda kudia, kon-godi ašunel kadala vorbi ai lel le opre, avela sar jekh manuš godiaver kai vazdias pesko kher pe jekh stanka.

Sa so tume kamen ke le manuš keren tumenge, keren sa kadia lenge, ke kudia si o zakono ai le profeturi.

Numa tang si o vudar, kjidini si e vurma kai ningerel ka o traio, ai tsiřa si kai arakhen la.

Den andre katar o vudar tang. Ke buvlo si o vudar, bari si e vurma kai ningerel ka o xasarimos, ai but den andre kothar.

T'avela kadia, nasul sar tume san, tume žianen te den laše dieli ka tumare šiave, sar mai but zurales tumaro Dad kai si ande o čeri dela vo mai laše dieli kudalenge kai mangen lestar.

Na de pe kris, eta te na aves dino pe kris. Ke von dena tumen pe kris krisasa sar tume dena kris, ai mezurina tumen sar tume mezurin.

Numa kon-godi ašunel kadala vorbi kai me phenav, ai či lel le opre, avela sar jekh manuš dilo kai vazdias pesko kher pe e kišai.

Sostar dikhes tu o sulum kai si ande e jakh tjire phraleski, ai či dikhes tu e beli kai si ande tjiri jakh? Vai sar tromas tu te phenes tjire phraleske: Muk ma te lav jekh sulum anda tjiri jakh, tu kai si tu jekh beli ande tjiri?

Arakhen tume katar le falši profeturi. Von aven tumende ande le tsalia le bakrenge, numa andral si ruva bokhale. Tume prinžiarena le ka lenge fruti. Kjidena tume struguro vai figi pe le kanře?

Sako lašio kopači del laše fruti, numa e čořo kopači del čoře fruti.

Jekh lašio kopači naštil te ninkerel čoře fruti, či jekh čořo kopači te ninkerel laše fruti.

Sako kopači kai či ninkerel laše fruti si šindi ai šiudini ande e jag.