I Versetti Biblici più popolari da Mateusi 8

Condividi

Aepo e'i kupa remeve, Jesu omã'ẽ javo ijupe kõ. – Pekyje sõ! e'i. “Aje” napejẽive sipõ eayvukasia pè? e'i. Aepo e'i paire opõ'ã. Oporegeta kasi yvytu ai pè, pãranã pè teve. – Epi! e'i. Ameve py'awarà mõ opi yvytu ai ijayvu rupi. Yy nopipoi teve ky'y.

Ãmẽ sota rõvijã e'i Jesu pè: – Jõvijã, nekatu ywe'ei ije. Ajawyi nereike'ãi kuwa eretã wyry pè. Akuwa neayvukasiay wete mã'ẽ tè ene poromokatua rè, e'i. Ajawyi ike wyive emokatu neayvu rupi, a'e ene. Akuwa ikatupatà neayvu rupi, e'i.

Ãmẽ aepo jaa Jesu wenu remẽ, – Haa! Aepo e'i sipõ sota rõvijã? e'i. Ajawyi e'i oupi oo mãe kõ pè: – Aje kee a'e pejẽ. Naesaive ãwĩvo eayvukasia pè “aje ywete” e'i mã'ẽ mõ Isaeu kõ pytery pè. Emã'ẽ. Juteu rõwã mã'ẽ ipe remẽ, a'evo tesõ!

Aepo e'i paire, e'i Jesu sota rõvijã pè: – Neremĩgwai ikatupatà ky'y, “aje” ere Janejare'e kasia pè rewarà mõ, e'i. Ajawyi ejivy eo neretã gyty ky'y, e'i tõvijã pè. Ojivy oo ãmẽ. Ãmẽ jakatu sikaepo ikatupa emĩgwai ky'y.

Omoãgyo kõ tesõ a'evoa rè emimo'earà kõ omã'ẽ remẽ. Ajawyi e'i ojiupe kupa: – Haa! Ava sipõ awi janerõvijã, ãwĩvo tesõ tijayvukasiay wete? e'i kupa. Emã'ẽ! “Epi” e'i yvytu ai pè remeve, opi! Yy a'evo ve. Omomi ve yy kasia, e'i kupa. [Ãwitõ janeremĩgwai mõ janererovija, “teene” eu ijupe remẽ, ãwĩvo yvytu ai janerõvijã pè, e'i kupa.]