I Versetti Biblici più popolari da Amatie 5

Condividi

La ba ka yõ'orɩ fɩtla vugra la pɩ'ɩgɔ, ba wʋn zoole ẽ na fɩtla zoolgo zẽ'a, tɩ a nẽegɛ peelem bɔ'ɔra nẽr-sɛba wuu n boe yire la pʋam na. Bɛla, basɛ-ya tɩ ya peelem nẽegɛ nẽrba tẽŋasʋka, tɩ ba yẽ ya tõon-sõma nã'asɛ ya Sɔ Nawẽnnɛ n boe saazuum.»

Yãma de la dũnia wã peelem. Tẽŋa n boe tãŋa zuo ka tã wʋn sʋgɛ.

Pʋpeelem dõma tarɩ zu-yẽlga, se'ere n soe la, ba wʋn yẽ Nawẽnnɛ.

Sɛba n boorɩ sɛla n masɛ Nawẽnnɛ yɛm la ba sũure wuu tarɩ zu-yẽlga, se'ere n soe la, Nawẽnnɛ wʋn bɔ ba sɛla tɩ ba boorɩ la tɩ la seke.

La mam yetɩ ya mɛ tɩ, ya nõŋɛ ya bɛ'ɛba, dee pʋ'ʋsra Nawẽnnɛ bɔ'ɔra sɛba n nãmsrɩ ya la.

«Nẽr-sɛba n mi tɩ ba ka masɛ Nawẽnnɛ nẽŋam tarɩ zu-yẽlga, se'ere n soe la, Nawẽnnɛ so'olʋm de la ba bõnɔ.

Sɛba n botɩ sũ-mã'asʋm bɔna nẽrba tẽŋasʋka tarɩ zu-yẽlga, se'ere n soe la, Nawẽnnɛ wʋn wi'ira ba tɩ a kɔma.

Sũ-sã'aŋɔ dõma tarɩ zu-yẽlga, se'ere n soe la, Nawẽnnɛ wʋn botɩ ba sũure mã'agɛ.

Sɛba n ɩtɩ sɛla n masɛ, tɩ ba nãmsra ba tarɩ zu-yẽlga, se'ere n soe la, Nawẽnnɛ so'olʋm de la ba bõnɔ.

Ninbãal-zɔtba tarɩ zu-yẽlga, se'ere n soe la, Nawẽnnɛ wʋn zoe ba ninbãalga.

Yãma sɛba tɩ ba tʋʋrɩ ya, nãmsra ya, tɔgra ya tɔg-be'ero dee parna bɔ'ɔra ya, yan dolɩ mam na ĩyã, tarɩ zu-yẽlga. Ẽŋɛ-ya sũ-yẽlga sɩrʋm, ya yɔɔrɔ n wʋn zo'oge Nawẽnnɛ yire la ĩyã. Ba mẽ daan nãmsɛ Nawẽnnɛ nõtɔ'ɔsrɩba n dẽŋɛ yãma la bɛla.»

Sũ-bʋgsʋm dõma tarɩ zu-yẽlga, se'ere n soe la, Nawẽnnɛ wʋn bɔ ba dũnia tɩ ba sɔna.

Azezi daan le yetɩ: «Wʋ yaarʋm n botɩ dia zã'asʋm na, yãma mẽ masɛ tɩ ya ãna wʋ yaarʋm dũnia wã pʋam. La yaarʋm sãn sabgɛ, bẽm n wʋn basɛ tɩ a le zã'asʋm? A lebge la zãŋa, a ka le tara yõorɔ, a de la ba lobe ẽ basɛ yẽŋa, tɩ nẽrba nẽ ẽ la nãma.

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Basɛ-ya tɩ ya ‹ẽe› dɛna ‹ẽe›, tɩ ya ‹ayɛɩ› dɛna ‹ayɛɩ›. La sãn gãŋɛ bɛla, sɛla n pa'asɛ la de la be'em dãana bõnɔ.»

«Ya wõm tɩ ba daan yetɩ: ‹Nẽra sãn pusge a tadãana nifo, ba mẽ pusge a nifo, nẽra sãn vike a tadãana yẽnnɛ, ba mẽ vike a yẽnnɛ.› La mam yetɩ ya mɛ tɩ, nẽra sãn ẽŋɛ ya be'em, ya da ẽŋɛ be'em lebse. La nẽra sãn wẽ fʋ zʋʋgɔ pɛka, fʋ basɛ tɩ a wẽ fʋ gɔbga pɛka pa'asɛ.

Fʋ zʋʋgɔ nifo sãn yetɩ a botɩ fʋ basɛ Nawẽnnɛ sore, fʋ kɩrgɛ ẽ lobe basɛ zãazãarɛ, se'ere n soe la, fʋ ĩyã sɛla ayɩla sãn ka bɔna mĩ sõɩ ba wʋn lobe fʋ ĩyã wuu bug-tẽŋa. La fʋ zʋʋgɔ nu'ugo sãn yetɩ a botɩ fʋ basɛ Nawẽnnɛ sore, fʋ wike ẽ lobe basɛ zãazãarɛ, se'ere n soe la, fʋ ĩyã sɛla ayɩla sãn ka bɔna mĩ sõɩ ban wʋn lobe fʋ ĩyã wuu bug-tẽŋa.»