I Versetti Biblici più popolari da Matiu 7

Condividi

“Mot in sasaring, ra din tabor mot, mot in sisio, ra mot in sio pasi, mot in pinpidik, ra din papos pas mot.

Uni det rop ra det sasaring din tabor det, ma osi ra i sisio in sio pasi, ma osi kai ra i pinpidik, din papos pasi.

“I mo ra det rop ra det longoro anung a kum wasiso ri, ma det muri, det elar nama tene mananos, ra i pam tar anun a rumu netes una wat.

A kibin a wasiso na Warkurai anun o Moses, ma a kum etowo anun a kum poropet i lenri: A kum utna rop ra mot nemi sur a taro det in pami torom mot, mot kai, mot in ser pami torom det.

Ikut a matansako ma a kisapi ra i wan sur a nilaun, i natino, ma a pak na taro kut det ser sio pasi.

“Mot in ruk una nat na matansako lik. Uni a matansako ma a kisapi ra i wan sur a iniru tukum, i perere ma i langolango, ma a susut na taro doko det ser ruk uni.

Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna.

“Gong mot takun tar taio, sako o God in takun mot. Uni a warkurai ra mot takun taio nami, i ut ra o God in takun mot melet nami. Asi na ngas na warkurai ra mot takun taio nami, ra i tokodos o ke tokodos, i ut ra o God kai in takun mot melet nami.

Det rop ra det longoro anung a kum wasiso ri, ikut ka det muri, det elar nama longlong, ra i utur tar anun a rumu netes kut una woio, ma ke por dekdek a kum pos.

Ilai ra u tama pasi kut a burbururup kura unin matan o tisim, ikut ko nuk pas a nuduwai pi kura ut unin matam? Ra a nuduwai pi kura kut unin matam, un watung petlani torom o tisim lena, ‘An rakon ru a burbururup gusun in matam’?

“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap. Mot in tama lele a kum torotoro na poropet tagun a windet ut. Pepetlai, din git pas in niwino wain tagun in kadas, ma in niwino fig tagun in suksuk? Awu, ken elar!

Lenkutkai ra a kum wakak na duwai rop det ser wu a wakak na windet, ikut in laulau na duwai i ser wu a kum laulau na wino.

In wakak na duwai ken wu lako laulau na wino, ma in laulau na duwai kai ken wu lako wakak na wino.

A kum duwai rop ra ka det wu a wakak na windet, din tau ru det, ma din woro tar det una sungun.