If you have would like a copy of this version please contact info@davarpartners.org

Text: Yalunka Old Testament, CC-BY-SA-4.0, Pioneer Bible Translators, 2012. -- Audio: Yalunka Old Testament Audio Bible, CC-BY-SA-4.0, Davar Partners International, 2022

Yalunka Old Testament

<div class="version vid620 iso6393yal" data-vid="620" data-iso6393="yal">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s">Isiyaga bari l&#596;x&#596;na</div><div class="p"> 1Alatala yi hinan Saran na, a a falan nakamali. 2Saran yi fudikan. A yi diin bari Iburahima xa a foriyani Ala waxatin naxan fala a xa. 3Iburahima yi a diin xili sa Isiyaga, Saran naxan s&#596;t&#596;xi a xa.</div><div class="p"> 4A yi a dii Isiyaga banxulan a xii solomas&#603;x&#603;de l&#596;x&#596;ni alo Ala a yamari kii naxan yi. 5Iburahima bata yi &#626;&#603;&#603; k&#603;m&#603; s&#596;t&#596; siimayaan na, Isiyaga bari waxatin naxan yi. 6Saran yi a fala, a naxa, &#8220;Ala bata n nagele s&#603;wani. Muxun naxanye na n ma dii Isiyaga bari feen m&#603;, en birin s&#603;wama n&#603;n.&#8221;#21.6 Isiyaga bunna n&#603;&#603;n fa fala &#8220;A gelema.&#8221; 7A m&#596;n yi a fala, a naxa, &#8220;Nde yi n&#596;&#603; a fal&#603; Iburahima xa a l&#596;x&#596;na nde fama a lideni, Saran findima n&#603;n dii ngan na? Koni n tan bata diin bari a xa a x&#603;m&#603; foriyani.&#8221;</div><div class="s">Iburahima yi Hagara kedi</div><div class="p"> 8Diin to gbo, e yi a d&#603;&#603;n ba xi&#626;&#603;n na. Iburahima yi s&#603;wa sumunna belebele yit&#596;n, a dii Isiyaga d&#603;&#603; ba l&#596;x&#596;ni. 9Misiran kaan Hagara diin naxan barixi Iburahima xa, Saran yi na diin to gel&#603;. 10A yi a fala Iburahima xa, a naxa, &#8220;Konyi &#626;axanli ito nun a diin kedi. E nun n ma dii Isiyaga nama lu k&#603;&#603; kedenni.&#8221; 11Na falan mi rafan Iburahima ma a diina fe ra. 12Koni Ala yi a fala Iburahima xa, a naxa, &#8220;I nama x&#596;l&#596; i ya diina fe ra e nun i ya konyi &#626;axanla. Saran na feen naxan birin max&#596;din i ma, a birin liga a xa, bayo naxanye yat&#603;ma i b&#596;ns&#596;nna ra, ne minima Isiyaga b&#596;ns&#596;nna nin. 13N siyana nde fan naminima n&#603;n i ya konyi &#626;axanla diini, bayo i ya diin nan a fan na.&#8221; 14Iburahima yi keli subaxan ma. A yi burun nun kidi sagbaan tongo igen yi naxan kui. A yi na birin nate Hagara xun ma, a yi diin so a yii, a yi e birin kedi. Hagara yi a xun ti tonbon yiren na d&#603;naxan xili &#8220;B&#603;riseba.&#8221;</div><div class="p"> 15Igen to &#626;an a kidi sagbaan kui, a yi a diin sa wudidin bun ma. 16A yi siga, a sa d&#596;x&#596; a danna xalimakuli wolide keden &#626;&#596;x&#596;nd&#596;n yi. A yi a fala, a naxa, &#8220;N mi n&#596;&#603; n y&#603;&#603;n tiy&#603; n ma diin faxamat&#596;&#596;n na.&#8221; A yi siga, a sa d&#596;x&#596; a danna, a yi lu t&#603; a ma, a wuga. 17Ala yi diin wuga xuiin m&#603; kore. Alaa malekan yi Hagara xili, a yi a max&#596;din, a naxa, &#8220;Hagara nanse i s&#596;t&#596;xi? I nama gaxu bayo Ala bata diin wuga xuiin m&#603; kore. 18Keli i ti! I ya diin tongo i yii firinna ra, i xa a suxu, bayo n na a findima siya gbee kanna nan na.&#8221;</div><div class="p"> 19Ala yi Hagara y&#603;&#603;n nabi, a yi x&#596;&#626;inna to, igena a kui. A yi na kidi sagbaan tongo, a sa igen sa a kui. A yi igen fi a diin ma. 20Ala yi a yengi lu diin x&#596;n ma han a yi gbo. A yi siga a sa d&#596;x&#596; tonbonni. A yi findi xalimakuli wonla ra. 21A yi d&#596;x&#596; Paran tonbonni. A nga yi Misiran kaa &#626;axalan keden fen a xa.</div><div class="s">Iburahima layirin naxan xidi e nun Abimeleki tagi</div><div class="p"> 22Na waxatini, Abimeleki nun a sofa mangana Pikoli, ne yi fa Iburahima li, e a fala a xa, e naxa, &#8220;Ala luxi i x&#596;n ma i ya feen birin yi. 23I k&#596;l&#596; n xa Ala xinli, fa fala i mi n yanf&#603;, i mi n ma diine yanf&#603;, i mi n mamandenne fan yanf&#603;. I xa hinan n na e nun b&#596;x&#596;ni ito muxune, i d&#603;naxan yi, alo n na a liga i xa kii naxan yi.&#8221; 24Iburahima yi a yabi, a naxa, &#8220;N bata n k&#596;l&#596; Ala yi.&#8221;</div><div class="p"> 25Iburahima yi a mawuga Abimeleki xa, a walik&#603;ne bata a x&#596;&#626;inna ba a yii. 26Abimeleki yi a yabi, a naxa, &#8220;N ma kolon naxan na feen ligaxi i ra. I mi d&#603;nt&#603;g&#603;ni ito saxi n xa, f&#596; to n tan yi fa a kolon.&#8221;</div><div class="p"> 27Iburahima yi y&#603;x&#603;&#603;ne nun siine nun &#626;ingene tongo, a yi e so Abimeleki yii. E yi layirin tongo e bode xa. 28Iburahima yi y&#603;x&#603;&#603; dii solofere tongo, a yi e sa e danna. 29Abimeleki yi a max&#596;din, a naxa, &#8220;Nanfera, i na y&#603;x&#603;&#603; dii soloferene saxi e danna?&#8221;</div><div class="p"> 30Iburahima yi a yabi, a naxa, &#8220;N ne soma n&#603;n i yii, alogo i xa a kolon, a n tan nan x&#596;&#626;inni ito gexi.&#8221;</div><div class="p"> 31Nanara, m&#603;nna xili saxi B&#603;riseba, bayo e firinna birin e k&#596;l&#596; m&#603;nna nin.#21.31 B&#603;riseba bunna n&#603;&#603;n fa fala &#8220;Marak&#596;l&#596; x&#596;&#626;inna.&#8221; 32E yi layirin tongo e bode xa B&#603;riseba. Na dangu xanbini, Abimeleki nun a sofa mangana Pikoli, e yi ti kiraan x&#596;n ma x&#603;t&#603; Filisiti b&#596;x&#596;ni. 33Iburahima yi tamaro wudi bili keden si B&#603;riseba b&#596;x&#596;n ma. A yi Alatala maxandi a xinla ra, Habadan Ala. 34Iburahima &#626;&#603;&#603; wuyaxi ti n&#603;n Filisiti b&#596;x&#596;ni.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Alatala yi hinan Saran na, a a falan nakamali. Saran yi fudikan. A yi diin bari Iburahima xa a foriyani Ala waxatin naxan fala a xa. Iburahima yi a diin xili sa Isiyaga, Saran naxan sɔtɔxi a xa.
A yi a dii Isiyaga banxulan a xii solomasɛxɛde lɔxɔni alo Ala a yamari kii naxan yi. Iburahima bata yi ɲɛɛ kɛmɛ sɔtɔ siimayaan na, Isiyaga bari waxatin naxan yi. Saran yi a fala, a naxa, “Ala bata n nagele sɛwani. Muxun naxanye na n ma dii Isiyaga bari feen mɛ, en birin sɛwama nɛn.” A mɔn yi a fala, a naxa, “Nde yi nɔɛ a falɛ Iburahima xa a lɔxɔna nde fama a lideni, Saran findima nɛn dii ngan na? Koni n tan bata diin bari a xa a xɛmɛ foriyani.”

Diin to gbo, e yi a dɛɛn ba xiɲɛn na. Iburahima yi sɛwa sumunna belebele yitɔn, a dii Isiyaga dɛɛ ba lɔxɔni. Misiran kaan Hagara diin naxan barixi Iburahima xa, Saran yi na diin to gelɛ. A yi a fala Iburahima xa, a naxa, “Konyi ɲaxanli ito nun a diin kedi. E nun n ma dii Isiyaga nama lu kɛɛ kedenni.” Na falan mi rafan Iburahima ma a diina fe ra. Koni Ala yi a fala Iburahima xa, a naxa, “I nama xɔlɔ i ya diina fe ra e nun i ya konyi ɲaxanla. Saran na feen naxan birin maxɔdin i ma, a birin liga a xa, bayo naxanye yatɛma i bɔnsɔnna ra, ne minima Isiyaga bɔnsɔnna nin. N siyana nde fan naminima nɛn i ya konyi ɲaxanla diini, bayo i ya diin nan a fan na.” Iburahima yi keli subaxan ma. A yi burun nun kidi sagbaan tongo igen yi naxan kui. A yi na birin nate Hagara xun ma, a yi diin so a yii, a yi e birin kedi. Hagara yi a xun ti tonbon yiren na dɛnaxan xili “Bɛriseba.”
Igen to ɲan a kidi sagbaan kui, a yi a diin sa wudidin bun ma. A yi siga, a sa dɔxɔ a danna xalimakuli wolide keden ɲɔxɔndɔn yi. A yi a fala, a naxa, “N mi nɔɛ n yɛɛn tiyɛ n ma diin faxamatɔɔn na.” A yi siga, a sa dɔxɔ a danna, a yi lu tɛ a ma, a wuga. Ala yi diin wuga xuiin mɛ kore. Alaa malekan yi Hagara xili, a yi a maxɔdin, a naxa, “Hagara nanse i sɔtɔxi? I nama gaxu bayo Ala bata diin wuga xuiin mɛ kore. Keli i ti! I ya diin tongo i yii firinna ra, i xa a suxu, bayo n na a findima siya gbee kanna nan na.”
Ala yi Hagara yɛɛn nabi, a yi xɔɲinna to, igena a kui. A yi na kidi sagbaan tongo, a sa igen sa a kui. A yi igen fi a diin ma. Ala yi a yengi lu diin xɔn ma han a yi gbo. A yi siga a sa dɔxɔ tonbonni. A yi findi xalimakuli wonla ra. A yi dɔxɔ Paran tonbonni. A nga yi Misiran kaa ɲaxalan keden fen a xa.

Na waxatini, Abimeleki nun a sofa mangana Pikoli, ne yi fa Iburahima li, e a fala a xa, e naxa, “Ala luxi i xɔn ma i ya feen birin yi. I kɔlɔ n xa Ala xinli, fa fala i mi n yanfɛ, i mi n ma diine yanfɛ, i mi n mamandenne fan yanfɛ. I xa hinan n na e nun bɔxɔni ito muxune, i dɛnaxan yi, alo n na a liga i xa kii naxan yi.” Iburahima yi a yabi, a naxa, “N bata n kɔlɔ Ala yi.”
Iburahima yi a mawuga Abimeleki xa, a walikɛne bata a xɔɲinna ba a yii. Abimeleki yi a yabi, a naxa, “N ma kolon naxan na feen ligaxi i ra. I mi dɛntɛgɛni ito saxi n xa, fɔ to n tan yi fa a kolon.”
Iburahima yi yɛxɛɛne nun siine nun ɲingene tongo, a yi e so Abimeleki yii. E yi layirin tongo e bode xa. Iburahima yi yɛxɛɛ dii solofere tongo, a yi e sa e danna. Abimeleki yi a maxɔdin, a naxa, “Nanfera, i na yɛxɛɛ dii soloferene saxi e danna?”
Iburahima yi a yabi, a naxa, “N ne soma nɛn i yii, alogo i xa a kolon, a n tan nan xɔɲinni ito gexi.”
Nanara, mɛnna xili saxi Bɛriseba, bayo e firinna birin e kɔlɔ mɛnna nin. E yi layirin tongo e bode xa Bɛriseba. Na dangu xanbini, Abimeleki nun a sofa mangana Pikoli, e yi ti kiraan xɔn ma xɛtɛ Filisiti bɔxɔni. Iburahima yi tamaro wudi bili keden si Bɛriseba bɔxɔn ma. A yi Alatala maxandi a xinla ra, Habadan Ala. Iburahima ɲɛɛ wuyaxi ti nɛn Filisiti bɔxɔni.

Ascolta Dunuɲa Fɔlɔna 21