If you have would like a copy of this version please contact info@davaraudiobibles.org

The Gofa Bible, CC-BY-SA-4.0, The Word for the World International and The Word for the World Ethiopia. (Text). Gofa Audio Bible, CC-BY-SA-4.0, Davar Partners International, 2018. (Audio).

ጌሻ ማፃፋ

<div class="version vid4045 iso6393gof" data-vid="4045" data-iso6393="gof">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Am7e Woosa Leemiso</div><div class="p"> 1Yesuusi ba tamaareta azallonna ubba wode woossana mela tamaarsanaw koyidi yaagidi leemiso odis: 2&#8220;Issi kataman Xoossas yashetonna, asas yeellatonna issi daynni de7ees 3He kataman issi am7iya de7awusu. Iyaka, &#8216;Ta giddoninne ta morkiya giddon de7iya mootuwa pirda&#8217; yaagada ubba wode he daynnaako simeretawusu. 4Daynnay guutha wodes I odaa si7onna ixis, shin guyepe ba wozanan, &#8216;Taani Xoossas yayyonna, asas yeellatonna ixikoka, 5ha am7iya tana waaysiya gisho iw pirdana; yaatonna ixiko ubba wode yada tana salethana&#8217; &#8221; yaagidi qopis.</div><div class="p"> 6Godayka, &#8220;Geella daynnay gidaysa si7ideta; 7Xoossay qammanne gallas iyako waassiya ba dooridaysatas pirdeneyee? Entana maaddanaw gam7iyee? 8Ta hintew odeysa si7ite, ellesidi pirdana. Gidoshin, Asa Na7i yaa wode sa7a bolla ammano demmandesha?&#8221; yaagis.</div><div class="s1">Farsaawiyanne Qaraxa Qanxisiya Ura</div><div class="p"> 9Qassi zaaridi, Yesuusi, bantana xillo asada oothidi ceeqeteysatasinne harata kadheysatas haysada yaagidi leemiso odis: 10&#8220;Nam7u asati woossanaw Xoossa Keethi bidosona. Issoy Farsaawe hankoy qassi qaraxa qanxisiya asi. 11Farsaawey eqidi baw woossishe, &#8216;Xoossaw taani harata mela bonqancho, geellanne laymatiya asi, aadhada qassi ha qaraxa qanxisiya uraa mela gidonna gisho nena galatayis. 12Saamintafe nam7u toho xoomayis, ta demmiyaba ubbaafe asraata kessayis&#8217; yaagis.</div><div class="p"> 13&#8220;Shin qaraxa qanxiseysi haahon eqidi hari attoshin salo dhoqu gidi xeellanawka yayyidi ba tiraa iccishe &#8216;Xoossaw, tana nagaranchuwa maararki&#8217; gidi woossis.#Maato 23:12; Luqa 14:11. 14Ta hintew odeysa si7ite; Farsaawiyape haysi qaraxa qanxiseysi Xoossaa sinthan xillo gididi ba soo simmis. Ayis giiko, bana dhoqu dhoqu oothiya asi kawuyana, bana kawushiya asi dhoqu dhoqu gaana&#8221; yaagis.</div><div class="s1">Yesuusanne Yooga Nayta</div><div class="r">(Maato 19:13-30; Mar 10:13-31)</div><div class="p"> 15Yesuusi yooga nayta bolla ba kushiya wothidi anjana mela asay iyako ehoosona. Yesuusa tamaareti hessa be7idi &#8220;Ayis Yesuusako eheetii?&#8221; yaagidi kaccidosona. 16Shin Yesuusi nayta baako xeegidi, &#8220;Yooga nayti taako yaanaysa diggofite; yo giite. Ayis giiko, Xoossa kawotethay entada hanidaysatasa. 17Taani hintew tuma odayis; Xoossa kawotetha yooga naytatho ekonnay oonika yaa gelenna&#8221; yaagis.</div><div class="s1">Dure Ura Oysha</div><div class="r">(Maato 19:16-30; Mar 10:17-31)</div><div class="p"> 18Ayhude halaqatape issoy, &#8220;Keeha astamaariyaw, merina de7o demmanaw ay ootho?&#8221; yaagidi oychis.</div><div class="p"> 19Yesuusi iyako, &#8220;Ayis tana keehaw yaagada xeegay? Issi Xoossafe attishin, hari keehi baawa. 20Laammofa, wodhopa, kaysotopa, wordo markatofa, ne aawanne ne aayiw boncha&#8221; giya kiita eray gidi oychis.#Kessa 20:12-16; Zaare 5:16-20.</div><div class="p"> 21Urayka, &#8220;Hessata ubbaa taani na7atethafe doomada naagashe gam7as&#8221; yaagis.</div><div class="p"> 22Yesuusi hessa si7ida wode, &#8220;Hiza, new issibay pacees; new de7iyaba ubbaa bayzada manqotas imma; salon nena shaloy naagees. Yaata simmada, tana kaalla&#8221; yaagis. 23Shin uray hessa si7ida wode iyaw daro shaloy de7iya gisho daro qiirotis.</div><div class="p"> 24Yesuusi uraa be7idi, &#8220;Dure asas Xoossa kawotethi geloy waanidi un7andesha? 25Durey Xoossa kawotethi gelanaysafe gimaley narpe luhora kantheysi kawuyees&#8221; yaagis.</div><div class="p"> 26Hessa si7ida asay, &#8220;Hessa gidiko ooni attanee?&#8221; yaagidosona.</div><div class="p"> 27Yesuusi, &#8220;Asas danda7etonabay Xoossas danda7etees&#8221; yaagis.</div><div class="p"> 28Phexroosi, &#8220;Heko nuuni nubaa ubbaa aggidi nena kaallida&#8221; yaagis.</div><div class="p"> 29&#8220;Yesuusi tuma ta hintew odayis; Xoossaa kawotethaas gidi ba keethaa woyko ba machiw woyko ba ishata woyko ba aawanne ba aayiw woyko ba nayta aggiday; 30ha wodiyan dako daro, yaana alamen merina de7o ekonnay oonika baawa&#8221; yaagis.</div><div class="s1">Yesuusi Ba Hayquwaba Heedzantho Odis</div><div class="r">(Maato 20:17-19; Mar 10:32-34)</div><div class="p"> 31Yesuusi tammanne nam7ata baako xeegidi, &#8220;Ane Yerusalaame boos, nabeti Asa Na7aba xaafidaba ubbay yan poletana. 32I Ayhude gidonna asaas aadhidi imetana. Enti iya toochana, cayananne iya bolla cuttana. 33Iya garaafidaape guye, wodhana, shin heedzantho gallasan I hayqope dendana&#8221; yaagis.</div><div class="p"> 34Shin iya tamaareti he ubbaafe issibaaka akeekibokona. Iya xuuray entaw qosetida gisho I woygidaako eribookona.</div><div class="s1">Qooqey Xeellis</div><div class="r">(Maato 20:29-34; Mar 10:46-52)</div><div class="p"> 35Yesuusi Iyaarko matiya wode issi qooqe uray oge gaxan uttidi woossees. 36Qooqe uray asay he bessaara aadhishin si7idi, &#8220;I aybee?&#8221; gidi oychis. 37Enti, &#8220;Naazirete Yesuusi haysara aadhees&#8221; yaagidosona.</div><div class="p"> 38I, &#8220;Dawita na7aw, Yesuusa, tana maararki&#8221; yaagidi waassis.</div><div class="p"> 39Sinthe sinthe biya asati, &#8220;Si7i ga&#8221; gidi hanqetidosona. Shin I, &#8220;Dawita na7aw, tana maara&#8221; yaagidi darsidi waassis.</div><div class="p"> 40Yesuusi eqidi uraa baako ehana mela kiittis. Urayka, iyako shiiqin, 41&#8220;Ta new ay oothana mela koyay?&#8221; yaagidi oychis.</div><div class="p">Qooqey, &#8220;Godaw ta xeellanaw koyayis&#8221; yaagis.</div><div class="p"> 42Yesuusi, &#8220;Xeella, ne ammanoy nena pathis&#8221; yaagis. 43Uray ellesidi xeelli aggis. Xoossaa bonchishe Yesuusa kaallis. Asa ubbay hessa be7idi Xoosse galatidosona.</div>
 </div>
 </div>
</div>

The Word for the World International and The Word for the World Ethiopia

Yesuusi ba tamaareta azallonna ubba wode woossana mela tamaarsanaw koyidi yaagidi leemiso odis: “Issi kataman Xoossas yashetonna, asas yeellatonna issi daynni de7ees He kataman issi am7iya de7awusu. Iyaka, ‘Ta giddoninne ta morkiya giddon de7iya mootuwa pirda’ yaagada ubba wode he daynnaako simeretawusu. Daynnay guutha wodes I odaa si7onna ixis, shin guyepe ba wozanan, ‘Taani Xoossas yayyonna, asas yeellatonna ixikoka, ha am7iya tana waaysiya gisho iw pirdana; yaatonna ixiko ubba wode yada tana salethana’ ” yaagidi qopis.
Godayka, “Geella daynnay gidaysa si7ideta; Xoossay qammanne gallas iyako waassiya ba dooridaysatas pirdeneyee? Entana maaddanaw gam7iyee? Ta hintew odeysa si7ite, ellesidi pirdana. Gidoshin, Asa Na7i yaa wode sa7a bolla ammano demmandesha?” yaagis.

Qassi zaaridi, Yesuusi, bantana xillo asada oothidi ceeqeteysatasinne harata kadheysatas haysada yaagidi leemiso odis: “Nam7u asati woossanaw Xoossa Keethi bidosona. Issoy Farsaawe hankoy qassi qaraxa qanxisiya asi. Farsaawey eqidi baw woossishe, ‘Xoossaw taani harata mela bonqancho, geellanne laymatiya asi, aadhada qassi ha qaraxa qanxisiya uraa mela gidonna gisho nena galatayis. Saamintafe nam7u toho xoomayis, ta demmiyaba ubbaafe asraata kessayis’ yaagis.
“Shin qaraxa qanxiseysi haahon eqidi hari attoshin salo dhoqu gidi xeellanawka yayyidi ba tiraa iccishe ‘Xoossaw, tana nagaranchuwa maararki’ gidi woossis. Ta hintew odeysa si7ite; Farsaawiyape haysi qaraxa qanxiseysi Xoossaa sinthan xillo gididi ba soo simmis. Ayis giiko, bana dhoqu dhoqu oothiya asi kawuyana, bana kawushiya asi dhoqu dhoqu gaana” yaagis.


Yesuusi yooga nayta bolla ba kushiya wothidi anjana mela asay iyako ehoosona. Yesuusa tamaareti hessa be7idi “Ayis Yesuusako eheetii?” yaagidi kaccidosona. Shin Yesuusi nayta baako xeegidi, “Yooga nayti taako yaanaysa diggofite; yo giite. Ayis giiko, Xoossa kawotethay entada hanidaysatasa. Taani hintew tuma odayis; Xoossa kawotetha yooga naytatho ekonnay oonika yaa gelenna” yaagis.


Ayhude halaqatape issoy, “Keeha astamaariyaw, merina de7o demmanaw ay ootho?” yaagidi oychis.
Yesuusi iyako, “Ayis tana keehaw yaagada xeegay? Issi Xoossafe attishin, hari keehi baawa. Laammofa, wodhopa, kaysotopa, wordo markatofa, ne aawanne ne aayiw boncha” giya kiita eray gidi oychis.
Urayka, “Hessata ubbaa taani na7atethafe doomada naagashe gam7as” yaagis.
Yesuusi hessa si7ida wode, “Hiza, new issibay pacees; new de7iyaba ubbaa bayzada manqotas imma; salon nena shaloy naagees. Yaata simmada, tana kaalla” yaagis. Shin uray hessa si7ida wode iyaw daro shaloy de7iya gisho daro qiirotis.
Yesuusi uraa be7idi, “Dure asas Xoossa kawotethi geloy waanidi un7andesha? Durey Xoossa kawotethi gelanaysafe gimaley narpe luhora kantheysi kawuyees” yaagis.
Hessa si7ida asay, “Hessa gidiko ooni attanee?” yaagidosona.
Yesuusi, “Asas danda7etonabay Xoossas danda7etees” yaagis.
Phexroosi, “Heko nuuni nubaa ubbaa aggidi nena kaallida” yaagis.
“Yesuusi tuma ta hintew odayis; Xoossaa kawotethaas gidi ba keethaa woyko ba machiw woyko ba ishata woyko ba aawanne ba aayiw woyko ba nayta aggiday; ha wodiyan dako daro, yaana alamen merina de7o ekonnay oonika baawa” yaagis.


Yesuusi tammanne nam7ata baako xeegidi, “Ane Yerusalaame boos, nabeti Asa Na7aba xaafidaba ubbay yan poletana. I Ayhude gidonna asaas aadhidi imetana. Enti iya toochana, cayananne iya bolla cuttana. Iya garaafidaape guye, wodhana, shin heedzantho gallasan I hayqope dendana” yaagis.
Shin iya tamaareti he ubbaafe issibaaka akeekibokona. Iya xuuray entaw qosetida gisho I woygidaako eribookona.


Yesuusi Iyaarko matiya wode issi qooqe uray oge gaxan uttidi woossees. Qooqe uray asay he bessaara aadhishin si7idi, “I aybee?” gidi oychis. Enti, “Naazirete Yesuusi haysara aadhees” yaagidosona.
I, “Dawita na7aw, Yesuusa, tana maararki” yaagidi waassis.
Sinthe sinthe biya asati, “Si7i ga” gidi hanqetidosona. Shin I, “Dawita na7aw, tana maara” yaagidi darsidi waassis.
Yesuusi eqidi uraa baako ehana mela kiittis. Urayka, iyako shiiqin, “Ta new ay oothana mela koyay?” yaagidi oychis.
Qooqey, “Godaw ta xeellanaw koyayis” yaagis.
Yesuusi, “Xeella, ne ammanoy nena pathis” yaagis. Uray ellesidi xeelli aggis. Xoossaa bonchishe Yesuusa kaallis. Asa ubbay hessa be7idi Xoosse galatidosona.

Ascolta Luqaasa 18