© Scripture text used by permission
℗ 2016 Hosanna

Semai - WBT (NT+) Drama

<div class="version vid3920 iso6393sea" data-vid="3920" data-iso6393="sea">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s1">Danan Lazarus</div><div class="p"> 1Mong numom keral imuh Lazarus. Kek, Maria, ru Marta naigei ku kampug Betania. Ku nanek arik Lazarus kinyik. 2(Maria ajehloh de kikoh minyak wangi ku jog Tuhan, lalu kisapu ya isog. Lazarus de nyik ajehloh imenang.)#Yoh 12:3 3Jadi, nar mom itenek ajeh baikirep gah nu Yesus, &#8220;Tuhan, kawat de Jenhok ajeh tengah kinyik.&#8221;</div><div class="p"> 4Bile Yesus Kicerngai gah ajeh, Kek Kiurok, &#8220;Nyaknik ajeh pek kibeh Lazarus doh kidat tapi hal ajeh kitejadi supaye Jenang bipemulie ru IKenon pen bipemulie.&#8221;</div><div class="p"> 5Yesus mimang Kihok ha Marta, Maria, ru Lazarus. 6Tapi hamapen ya Kikep gah tentang nyaknik Lazarus, Kek lekat Kigei ku tempat ajeh nar arik nij. 7Telas ajeh baruloh Yesus Kiurok nu Ipengikot-pengikot, &#8220;Bei hilos nij nu lengrik Yudea.&#8221;</div><div class="p"> 8Ipengikot-pengikot naiberlag, &#8220;Guru, pai padehjeh mai Yahudi ku pajeh naiha-pej Jen ya batu tapi lekat Jenha-los nijka nu majeh?&#8221;</div><div class="p"> 9Yesus Kiberlag, &#8220;Nuyahnah iluniu mong 12 jam. Bok de kicekcip ku arik yah, kek doh pek kitades kerana cahaya dunia adeh kiperlau kek.#Yoh 8:12 10Tapi amen sengoi ajeh kicekcip ku ikenglem, kek kitades kerana walah cahaya ku kek.&#8221; 11Telas Kiurok begei ajeh, Yesus Kiurok nij, &#8220;Kawat hik Lazarus ya kibukbet tapi Eng Ngha-et nu majeh Ngha-beryol kek.&#8221;</div><div class="p"> 12Ipengikot-pengikot naiurok, &#8220;Guru, amen Lazarus kibukbet, kek doh kibor.&#8221;</div><div class="p"> 13Sebenarnye Yesus Kibelwal tentang danan Lazarus tapi Ipengikot-pengikot naisangka Lazarus betol-betol kibukbet. 14Kerana ajeh, Yesus Kibeteros-terang nu enai. Kiurok, &#8220;Lazarus ya dat. 15Tapi Eng Ngbesyukor kerana Eng pek mong ku pajeh supaye engkek buleh engkepecaya nu Eng. Beiloh hiet nu kek.&#8221;</div><div class="p"> 16Tomas de bicereg &#8216;Kerbar&#8217; kiurok nu pengikot-pengikot Yesus de kilek, &#8220;Beiloh hidalag Kek supaye hidat besama ru Kek!&#8221;</div><div class="s1">Marta Kiterbuk nu Yesus</div><div class="p"> 17Mase Yesus Kilei nu kampug Betania, Lazarus ya dat ru ya empat arik ku kateh penep. 18Kampug ajeh kira-kira nik kilometer inyaknak ju kote Yerusalem. 19Ku pajeh jeoi mai Yahudi naisueg Marta ru Maria naiha-tulog ubai ru naiha-pesenang sengik ubai kerana menang ubai ya dat.</div><div class="p"> 20Bile Marta kicerngai mai naiurok Yesus tengah Kihol nu majeh, Marta pen kihol ju kampug ajeh ru kiterbuk nu Yesus. Tapi Maria lekat mong ku padeg. 21Marta kiurok nu Yesus, &#8220;Guru, amen Jen mong ku padeh mase menang eng kinyik, tentu kek lekat sui hunen! 22Tapi hunen pen ngpanei Jenang doh Kiog ma taleh de Jensemanj.&#8221;</div><div class="p"> 23Yesus Kiurok nu Marta, &#8220;Menang hek doh kisui nij.&#8221;</div><div class="p"> 24Marta kiberlag, &#8220;Ngpanei kek doh kisui nij bile dikdij mai dat biberkos ku arik kiamat.&#8221;</div><div class="p"> 25Yesus Kiurok nu Marta, &#8220;Engloh Ilei de Ngberkos mai dat ru Ngog sinui de lei ditehjeh. Bok de kipecaya nu Eng doh kisui nij hamapen kidat. 26Mai de kisui nij kerana kipecaya nu Eng, kek doh pek kidat lei ditehjeh. Hapecayaka bengwal Eng adeh?&#8221;</div><div class="p"> 27Marta kiberlag, &#8220;Hooh Tuhan, ngpecaya. Eng ngpecaya Enjen ajeh Kenon Jenang. Enjen Peselamat de bijanji ya Jenang ha dunia adeh.&#8221;</div><div class="s1">Maria Kiterbuk nu Yesus</div><div class="p"> 28Telas Marta kiurok begei ajeh, kek pen kijog nu madeg ru kicereg imenang Maria, lalu kibiseg nu kek, &#8220;Guru mong ku padeh. Kek Kicereg ha hek.&#8221; 29Maria deras kikos lalu kiterbuk nu Yesus. 30(Ku mase ajeh, Yesus pekseg lagi Kimuj nu kateh kampug ajeh. Kek lekat mong ku tempat Marta kiburuk Ilei cinek.) 31Bile mai Yahudi de tengah naipesenang sengik Maria ku padeg naineng Maria deras kikos lalu kihol, naisangka kek kaha-et nu penep Lazarus ru kaha-jinjap ku pajeh. Enai pen naijoi kek.</div><div class="p"> 32Bile Maria kilei ru kibakek Yesus, kek kibelutot ku jog Yesus ru kiurok, &#8220;Tuhan, amen Jen mong ku padeh mase menang eng kinyik, tentu kek lekat sui hunen!&#8221;</div><div class="p"> 33Yesus ihad Kisedeh ru susah Isengik bile Kineng Maria ru dikdij mai Yahudi de naihol besama ru kek naijinjap. 34Kek pen Kitanya nu enai, &#8220;Ku belok ipenep?&#8221;</div><div class="p">Naiberlag, &#8220;Beiloh hineng, Tuhan.&#8221;</div><div class="p"> 35Yesus Kijinjap. 36Dikdij mai Yahudi ku pajeh naiurok, &#8220;Neng, Kijinjap! Tentu Kek ihad Kihok ha Lazarus.&#8221;</div><div class="p"> 37Tapi memerip urag ju enai ajeh naiurok, &#8220;Kek dapat Kibeh mai buta kinengneng. Yama Kek pek Kiperbor Lazarus supaye pek kidat?&#8221;</div><div class="s1">Lazarus Bipersui Nij</div><div class="p"> 38Yesus ihad Kisedeh nij lalu Kiet nu penep Lazarus. Penep ajeh hug de bitutop ya batu entoi.</div><div class="p"> 39Lalu Yesus Kiurok, &#8220;Tulak batu tenutop adeh.&#8221;</div><div class="p">Tapi Marta tenek Lazarus ajeh kiberlag, &#8220;Tapi Tuhan, ya empat arik kek ku kateh penep. Tentu ingoi ya seeg!&#8221;</div><div class="p"> 40Yesus Kiurok nu Marta, &#8220;Eng ya Ngurok nu hek. Amen hapecaya nu Eng, hek doh haneng kemuliean Jenang.&#8221; 41Jadi, enai pen naitulak batu ajeh. Telas ajeh Yesus Kiceog nu suig ru Kiurok, &#8220;Menek, Ngbesyukor nu Jen kerana Jencerngai sengmanj Eng. 42Ngpanei Jen selalo Jencerngai Eng tapi Ngbual begei adeh supaye dikdij sengoi ku padeh buleh naicerngai doa Eng ru naipecaya Jenngeng Eng nu dunia adeh.&#8221; 43Telas Kiurok begei ajeh, Yesus Kicereg ru suara kuat, &#8220;Lazarus, hol!&#8221; 44Lalu mai de dat ajeh pen kihol. Iteg ru ijog lekat bebalot ya abat mai dat ru irenes pen lekat betutop ya abat. Yesus Kiurok nu mai ku pajeh, &#8220;Tegloh abat benalot ajeh supaye kicip.&#8221; </div><div class="s1">Nerancang ha Perdat Yesus</div><div class="r">(Mat 26:1-5; Mrk 14:1-2; Luk 22:1-2)</div><div class="p"> 45Jeoi mai Yahudi de naisueg Maria naipecaya nu Yesus bile naineng hal ajeh. 46Tapi memerip urag sengoi ku engkap enai ajeh naiet nu mai Farisi ru naipasal ma de bibeh ya Yesus. 47Lalu, mai Farisi ru raknak-raknak imam agame Yahudi naicereg anggote-anggote Mahkamah Agame Yahudi#11:47 Mahkamah Agame Yahudi: Adeh pihak bekuasa tetinggi de mong kuasa ku kateh hal sinui ru agame mai Yahudi. Enai ajeh tediri ju imam-imam agame Yahudi, mai Farisi, guru-guru Hukom Taurat, ru lain-lain nij juga. supaye naibecatuk. Telas ya naibekumpol, naiurok, &#8220;Ma de hiha-beh? Kerana, Sengoi adeh Kibeh jeoi tanda ajaib! 48Amen hibiar Kek teros Kibeh begei ajeh, dikdij mai doh naipecaya nu Kek. Pemerintah Rom doh naihol ru naigerteh Deg Jenang ru naiperdat bangse hik!&#8221;</div><div class="p"> 49Ku engkap enai ajeh mong numom de imuh Kayafas. Kek ajeh Imam Agong agame Yahudi ku tahut ajeh.#11:49 Kek ajeh Imam Agong agame Yahudi ku tahut ajeh: Imam Agong agame Yahudi bitukar jap tahut. Kek kiurok, &#8220;Engkek pek engkepanei ma de tengah tejadi. 50Engkek pek engkepanei ma de bor ha bangse hik. Lebeh bor amen numom kidat ha bangse hik daripade dikdij bangse hik biperdat.&#8221; 51Bengwal ajeh pek ju ilei sendiri tapi sebegei Imam Agong agame Yahudi ku tahut ajeh, kek kibenubuat Yesus doh Kidat ha bangse Yahudi. 52Kek kibenubuat Yesus doh Kidat pek ha mai Yahudi taleh tapi juga Kaha-catuk ru Kaha-penanek kekenon Jenang de naigei ku jap-jap tempat.</div><div class="p"> 53Sejak arik ajeh naibepakat naiha-perdat Yesus. 54Kerana ajeh, Yesus pek Kiperneng Idiri ku ngar mai Yahudi tapi Kiet nu kampug Efraim ku beg padag guron. Ku pajeh Kek Kigei besama ru Ipengikot-pengikot.</div><div class="p"> 55Ku mase ajeh, Arik Raya Paskah mai Yahudi ya kaha-merek. Jeoi mai ju kampug-kampug naiet nu kote Yerusalem naiha-beh upacare pembersehan berog sebelom naisamut arik raya ajeh.#Bil 9:6-12 56Ku laman Deg Jenang, naikek ha Yesus ru naitanya ratak liknai, &#8220;Harasa Kek Kiholka nu raya adeh?&#8221; 57Raknak-raknak imam agame Yahudi ru mai Farisi ya naiog perintah begei adeh: &#8220;Bok taleh de naipanei ku belok Yesus mong, pasalloh nu jik supaye buleh jicap Kek.&#8221;</div>
 </div>
 </div>
</div>

Mong numom keral imuh Lazarus. Kek, Maria, ru Marta naigei ku kampug Betania. Ku nanek arik Lazarus kinyik. (Maria ajehloh de kikoh minyak wangi ku jog Tuhan, lalu kisapu ya isog. Lazarus de nyik ajehloh imenang.) Jadi, nar mom itenek ajeh baikirep gah nu Yesus, “Tuhan, kawat de Jenhok ajeh tengah kinyik.”
Bile Yesus Kicerngai gah ajeh, Kek Kiurok, “Nyaknik ajeh pek kibeh Lazarus doh kidat tapi hal ajeh kitejadi supaye Jenang bipemulie ru IKenon pen bipemulie.”
Yesus mimang Kihok ha Marta, Maria, ru Lazarus. Tapi hamapen ya Kikep gah tentang nyaknik Lazarus, Kek lekat Kigei ku tempat ajeh nar arik nij. Telas ajeh baruloh Yesus Kiurok nu Ipengikot-pengikot, “Bei hilos nij nu lengrik Yudea.”
Ipengikot-pengikot naiberlag, “Guru, pai padehjeh mai Yahudi ku pajeh naiha-pej Jen ya batu tapi lekat Jenha-los nijka nu majeh?”
Yesus Kiberlag, “Nuyahnah iluniu mong 12 jam. Bok de kicekcip ku arik yah, kek doh pek kitades kerana cahaya dunia adeh kiperlau kek. Tapi amen sengoi ajeh kicekcip ku ikenglem, kek kitades kerana walah cahaya ku kek.” Telas Kiurok begei ajeh, Yesus Kiurok nij, “Kawat hik Lazarus ya kibukbet tapi Eng Ngha-et nu majeh Ngha-beryol kek.”
Ipengikot-pengikot naiurok, “Guru, amen Lazarus kibukbet, kek doh kibor.”
Sebenarnye Yesus Kibelwal tentang danan Lazarus tapi Ipengikot-pengikot naisangka Lazarus betol-betol kibukbet. Kerana ajeh, Yesus Kibeteros-terang nu enai. Kiurok, “Lazarus ya dat. Tapi Eng Ngbesyukor kerana Eng pek mong ku pajeh supaye engkek buleh engkepecaya nu Eng. Beiloh hiet nu kek.”
Tomas de bicereg ‘Kerbar’ kiurok nu pengikot-pengikot Yesus de kilek, “Beiloh hidalag Kek supaye hidat besama ru Kek!”

Mase Yesus Kilei nu kampug Betania, Lazarus ya dat ru ya empat arik ku kateh penep. Kampug ajeh kira-kira nik kilometer inyaknak ju kote Yerusalem. Ku pajeh jeoi mai Yahudi naisueg Marta ru Maria naiha-tulog ubai ru naiha-pesenang sengik ubai kerana menang ubai ya dat.
Bile Marta kicerngai mai naiurok Yesus tengah Kihol nu majeh, Marta pen kihol ju kampug ajeh ru kiterbuk nu Yesus. Tapi Maria lekat mong ku padeg. Marta kiurok nu Yesus, “Guru, amen Jen mong ku padeh mase menang eng kinyik, tentu kek lekat sui hunen! Tapi hunen pen ngpanei Jenang doh Kiog ma taleh de Jensemanj.”
Yesus Kiurok nu Marta, “Menang hek doh kisui nij.”
Marta kiberlag, “Ngpanei kek doh kisui nij bile dikdij mai dat biberkos ku arik kiamat.”
Yesus Kiurok nu Marta, “Engloh Ilei de Ngberkos mai dat ru Ngog sinui de lei ditehjeh. Bok de kipecaya nu Eng doh kisui nij hamapen kidat. Mai de kisui nij kerana kipecaya nu Eng, kek doh pek kidat lei ditehjeh. Hapecayaka bengwal Eng adeh?”
Marta kiberlag, “Hooh Tuhan, ngpecaya. Eng ngpecaya Enjen ajeh Kenon Jenang. Enjen Peselamat de bijanji ya Jenang ha dunia adeh.”

Telas Marta kiurok begei ajeh, kek pen kijog nu madeg ru kicereg imenang Maria, lalu kibiseg nu kek, “Guru mong ku padeh. Kek Kicereg ha hek.” Maria deras kikos lalu kiterbuk nu Yesus. (Ku mase ajeh, Yesus pekseg lagi Kimuj nu kateh kampug ajeh. Kek lekat mong ku tempat Marta kiburuk Ilei cinek.) Bile mai Yahudi de tengah naipesenang sengik Maria ku padeg naineng Maria deras kikos lalu kihol, naisangka kek kaha-et nu penep Lazarus ru kaha-jinjap ku pajeh. Enai pen naijoi kek.
Bile Maria kilei ru kibakek Yesus, kek kibelutot ku jog Yesus ru kiurok, “Tuhan, amen Jen mong ku padeh mase menang eng kinyik, tentu kek lekat sui hunen!”
Yesus ihad Kisedeh ru susah Isengik bile Kineng Maria ru dikdij mai Yahudi de naihol besama ru kek naijinjap. Kek pen Kitanya nu enai, “Ku belok ipenep?”
Naiberlag, “Beiloh hineng, Tuhan.”
Yesus Kijinjap. Dikdij mai Yahudi ku pajeh naiurok, “Neng, Kijinjap! Tentu Kek ihad Kihok ha Lazarus.”
Tapi memerip urag ju enai ajeh naiurok, “Kek dapat Kibeh mai buta kinengneng. Yama Kek pek Kiperbor Lazarus supaye pek kidat?”

Yesus ihad Kisedeh nij lalu Kiet nu penep Lazarus. Penep ajeh hug de bitutop ya batu entoi.
Lalu Yesus Kiurok, “Tulak batu tenutop adeh.”
Tapi Marta tenek Lazarus ajeh kiberlag, “Tapi Tuhan, ya empat arik kek ku kateh penep. Tentu ingoi ya seeg!”
Yesus Kiurok nu Marta, “Eng ya Ngurok nu hek. Amen hapecaya nu Eng, hek doh haneng kemuliean Jenang.” Jadi, enai pen naitulak batu ajeh. Telas ajeh Yesus Kiceog nu suig ru Kiurok, “Menek, Ngbesyukor nu Jen kerana Jencerngai sengmanj Eng. Ngpanei Jen selalo Jencerngai Eng tapi Ngbual begei adeh supaye dikdij sengoi ku padeh buleh naicerngai doa Eng ru naipecaya Jenngeng Eng nu dunia adeh.” Telas Kiurok begei ajeh, Yesus Kicereg ru suara kuat, “Lazarus, hol!” Lalu mai de dat ajeh pen kihol. Iteg ru ijog lekat bebalot ya abat mai dat ru irenes pen lekat betutop ya abat. Yesus Kiurok nu mai ku pajeh, “Tegloh abat benalot ajeh supaye kicip.”


Jeoi mai Yahudi de naisueg Maria naipecaya nu Yesus bile naineng hal ajeh. Tapi memerip urag sengoi ku engkap enai ajeh naiet nu mai Farisi ru naipasal ma de bibeh ya Yesus. Lalu, mai Farisi ru raknak-raknak imam agame Yahudi naicereg anggote-anggote Mahkamah Agame Yahudi supaye naibecatuk. Telas ya naibekumpol, naiurok, “Ma de hiha-beh? Kerana, Sengoi adeh Kibeh jeoi tanda ajaib! Amen hibiar Kek teros Kibeh begei ajeh, dikdij mai doh naipecaya nu Kek. Pemerintah Rom doh naihol ru naigerteh Deg Jenang ru naiperdat bangse hik!”
Ku engkap enai ajeh mong numom de imuh Kayafas. Kek ajeh Imam Agong agame Yahudi ku tahut ajeh. Kek kiurok, “Engkek pek engkepanei ma de tengah tejadi. Engkek pek engkepanei ma de bor ha bangse hik. Lebeh bor amen numom kidat ha bangse hik daripade dikdij bangse hik biperdat.” Bengwal ajeh pek ju ilei sendiri tapi sebegei Imam Agong agame Yahudi ku tahut ajeh, kek kibenubuat Yesus doh Kidat ha bangse Yahudi. Kek kibenubuat Yesus doh Kidat pek ha mai Yahudi taleh tapi juga Kaha-catuk ru Kaha-penanek kekenon Jenang de naigei ku jap-jap tempat.
Sejak arik ajeh naibepakat naiha-perdat Yesus. Kerana ajeh, Yesus pek Kiperneng Idiri ku ngar mai Yahudi tapi Kiet nu kampug Efraim ku beg padag guron. Ku pajeh Kek Kigei besama ru Ipengikot-pengikot.
Ku mase ajeh, Arik Raya Paskah mai Yahudi ya kaha-merek. Jeoi mai ju kampug-kampug naiet nu kote Yerusalem naiha-beh upacare pembersehan berog sebelom naisamut arik raya ajeh. Ku laman Deg Jenang, naikek ha Yesus ru naitanya ratak liknai, “Harasa Kek Kiholka nu raya adeh?” Raknak-raknak imam agame Yahudi ru mai Farisi ya naiog perintah begei adeh: “Bok taleh de naipanei ku belok Yesus mong, pasalloh nu jik supaye buleh jicap Kek.”

Ascolta YOHANES 11