Lacid Bible © Bible Society of Myanmar, 2009. Recording of Lacid New Testament ℗ 2017 Hosanna

Lacid - BSM Version (NT) Non Drama

Lacid - BSM Version (NT) Drama

<div class="version vid390 iso6393lsi" data-vid="390" data-iso6393="lsi">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Ung: Khoug: Mo, Myo, Amyang Su: Ri:- Myo, Myang Loo Nhang: Khyoo:</div><div class="p"> 1Yesu khyoo: so" lo" nyid da" uri nya: myhi' ung: khoug: mo, myo, amyang da" su: dayug ri shau" myang. 2Cangzoo: yi: gi sara: we"- he: yug myo, amyang zigi hang" yooboo nghoid la". nya: yooboo yoo mo nghoid la". nya: myhi' nya: pho, yooboo yoo mo nghoid la"&#187; ga: zheing: myid: boem.</div><div class="p"> 3 Aseing Yesu phougtu" zigi Nya: yooboo mo we' anghoid. Nya: myhi' nya: pho, yooboo mo we' anghoid. Mangso: da" phung" yoeb nyang: mo bang thu' loo nhang wa yoomo nghoid. 4Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa. 5Ngoo gi he: mougmyid moo nyid shi" uri mougmyid shid' mo bidbang nghoid ga: tid.</div><div class="p"> 6Houg: su" ga: bain tid thang: ri Yesu gi myidjang: moo shikain" byi" teig lho: thoem" boeb' koid: yu wigi myo, amyang su: da" myojid" moo joid' byid: lho: 7Loo" we' Silon gyid thoem" moo myo, lo" cid" we' ga: tid kaid. (Silon ga: dangkang: gi nhang: kaid shau" bye: ga: zi nghoid.) Hau: yug we' lo" wigi myo, lo" cid" lho: myo, myang lo ziyo' doem tau" lo.</div><div class="p"> 8Nyang: gi mo: phyi: nghoid yoomo akhang: re nyang: ri lhoung myang nyid da" yhoem: kyoo" cang" yi gi he: yug gi zhoung: jo, lho: ngei lhoung: mho' nyid su: anghoid la"&#187; ga: myid go" nyid.</div><div class="p"> 9Byu dayham" gi nghoid ga: wigi we dayham" gi hau: yug anghoid hau: yug yo' du goo" su: dayug nghoid ga: wigi we tid ago".</div><div class="p">Houg: loug we' hau: yug nyang: tid zigi ngoo gi hau: yug nyang: nghoid bye&#8250;&#8250; ga: tid.</div><div class="p"> 10Byu yi gi Akhid" nang myo, khasu" wim doem myang lo lha"&#187; ga: myid nyid boem.</div><div class="p"> 11Hau: yug gi Yesu ga: su: thoem" boeb' dajhi' koid: yu lho: nga" myojid" moo joid byid: wigi ngoori Silon gyid thoem" moo myo, cid" nhang: kaid. Houg: yoomo ngoo lo" wigi myo, cid" lang" su'- myo, doem myang lo. ga: tid kyo.</div><div class="p"> 12Byu yi gi hau: yug akhid" khayoo" nyid ga: myid boem.</div><div class="p">&#8249;&#8249;Nyang: gi ngoo asi ga: doem tid.&#187;</div><div class="s">Myo, Jed, Ze: Ge Da" Khyoo: Ri:- Pharishe Yi Myid: Sho:</div><div class="p"> 13Byu yi gi shid' phyang" myo, amyang su: ri Pharishe yi jhang khyoo: khe: shu" yhe: lo" boem. 14Yesu thoem" boeb' koid: yu lho: hau: yug ri myo, myang loo nhang: da" bidnyid gi Yuda Dougno: Bidnyid nghoid. 15Pharishe yi gi hau: yug myo, myang lo da" khyoo: ri doem: myid: boem. Hau: yug gi nyang: gi nga" myojid" moo thoem" boeb' joid byid. Hau: thang: ri ngoo myo, yhe: cid" lang" akhid" ngoo myang lo ga: tid kyo.</div><div class="p"> 16Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago".</div><div class="p">Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.</div><div class="p"> 17Houg: yoomo Pharishe yi gi Myo, amyang nyid led: loo su: ri nang ri myo, myang loo nhang: su: gi kha yhang te" su: nghoid ga: doem zheing: myid: sho: boem.</div><div class="p">&#8249;&#8249;Hau: yug gi lapi: dayug nghoid ga: doem phoid: kyo.&#187;</div><div class="p"> 18Nyhoid' loug we' Yuda zoug: myeing" ci: mo, gi akhang: re hau: yug myo, amyang wim lid: lo da" khyoo: ri we' akhuid myo, myang lo zi: ri nyangnu" aloem" jeing" yoomo nya: myhi' phoo yi ri khe: myid: yu ago". 19Nyangnu" gi he: yug gi nanu" da" nya: zoo: anghoid goo" la". nanu" tid ziyo' dakhyoo" ti"-- ung: khoug: mo nyang: myo, amyang zi nghoid la". Houg: su" nghoid ri ciwim wigi akhid" myo, myang la"&#187; ga: zheing: myid: boem.</div><div class="p"> 20Nya: myhi' phoo yi gi He: yug gi ngoonu" nya: zoo: nghoid. Ung: khoug: mo nyang: myo, amyang gu khu: re" zi ri ngoo nu" se. 21Nghoidloug we' khasu: wigi myo, myang lo zi ngoonu" asi. Nyang: ri hang" wigi myo, myang loo: nhang: zi ngoonu" asi. Nyang: gi nheig boo bye. Nyang: ri myid: yu" ge'. nya: khyoo: ri nyang: yo" tid kyoo" wa ga: phoid: kyo" boem. 22Hid: su" ga: phoid: kyo" zigi Yuda zoug: myeing" ci: mo, ri gyoug yoomo nghoid. Aseing: ri Meshia nghoid ga: loem" jeing" mo, bain sho' ri Tarha" jung: mo khaid thu' wa ga: Yuda zoug: yi sham: phyid' go" too" bye.</div><div class="p"> 23Houg: yoomo myhi, phoo yi gi nyang: nheig boo bye: nyang: ri myid: yu" ge' ga: tid zi nghoid.</div><div class="p"> 24Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.</div><div class="p"> 25Hau: yug gi he: yug yooboo dab su: nghoid anghoid zi ngoo asi- ngoo gi goonham, mo myo, jed' nghoid loug we' akhid" gi ngoo myo, myang bye:- houg: za: ngoo date: se' ga: tid.</div><div class="p"> 26Houg: bang: gi nyang: gi nang ri khasu" koid re" myojid" ri khasu" doem myang loo nhang: ga: doem myid: boem. Hau: yug gi Nanu" ri ngoo dalheing: tid kyoo" bye:- nanu" atam" gyo: boem.</div><div class="p"> 27Ce: noem wim wigi-doem poug gyoo: noug go" lha". Nanu" we nya: da cang: zoo: bui" noug go" la". ga: myid: da. 28Houg: bang: gi nang za: nya: cangzoo: danghoid. Ngoonu" gi Moshe da" cangzoo: yi nghoid ga: nyang: ri juang" ago".</div><div class="p"> 29Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem. 30Myo, amyang led: lo yu" su: gi nyang: gi ngoori myo, myang loo nhang: su: nghoid. loug: nanu" gi hau: yug khayo re" zi asi ga: zigi moug" cang bo nyid nhung: lha"&#187; ga: phoug tu. 31Mangsoo gi yooboo yoo" mo, da" Kyu" mho' dang: ri atam" gyoo:- Aseing: ri loem: khau: phau" myang: lho: Mangsoo vho: khyo" koid; su: da" thui: ri za: date: tam" gyoo: byid. 32Nya: myhi' da" ung: khoug: mo myo, amyang su: ri dayug yug wigi myo, myang loo nhang: ga: zigi mougmyid jo, shid" jang" mo wigi khanham we' hang" we' ashug" gyo: yu" da" khyoo: nghoid.</div><div class="p"> 33He: yug gi Mangso jang" mo ju" ri" su: anghoid rigi Hid: te" moo" daja: we' yo" zei: zi anghoid ga: nyang tid.</div><div class="p"> 34Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"&#187; ga: tid boem lho: tarha" jung mo khaid thu' kaid.</div><div class="s">Venyi: Myo, Jed' Da" Khyoo:</div><div class="p"> 35Hid: su" khaid thu' kaid zi: Yesu shaug" gyoo: lang" hau: yug yo" shau" go" lho: nang gi byu da" nya: zoo: ri loem" jeing" la"&#187; ga: myid: yu.</div><div class="p"> 36Hau: yug gi Ludaid' phoo we"- ngoo yo" loem" jeing" wa shid' re" hau: byu nya: zoo: gi hang" nghoid lha"&#187; ga: myid.</div><div class="p"> 37 Aseing Yesu phougtu" zigi nyang: ri nang myang yu" bye. Akhid" nang yo" doem: go" nyid su: gi hau: yug nyang: nghoid bye.</div><div class="p"> 38Hau: yug gi Yesu shid' moo poid' thug thoug lho: Aseing: we" ngoo loem" jeing" bye: ga: tid.</div><div class="p"> 39 Aseing Yesu gi-myo, amyang mo, ri myo, myang nhang: wa ziyo'- myo, myang mo, myo, jed' loo" wa shid' re" dang: phyed' byid: wa he: mougmyid khyoo: ngoo ju" re zi nghoid ga: tid.</div><div class="p"> 40Yesu da" anam, moo zheing: nyid da" pharishe gi hau: dang: ri zheing: shau" gyo: boem yoomo ngoonu" ri we' myo, amyang mo, nghoid ein: wigi tid nau la"&#187; ga: wigi myid: boem. 41Aseing Yesu gi nanu" myo, amyang mo, jen" nghoid rigi yooboo yo" boem wa zi anghoid. Akhid" nanu" gi ngoonu" myo, myang mo, nghoid ga: tid boem yoomo hau: zigi nanu" moo yooboo yo" nyid zi nghoid bye.</div>
 </div>
 </div>
</div>

Yesu khyoo: so" lo" nyid da" uri nya: myhi' ung: khoug: mo, myo, amyang da" su: dayug ri shau" myang. Cangzoo: yi: gi sara: we"- he: yug myo, amyang zigi hang" yooboo nghoid la". nya: yooboo yoo mo nghoid la". nya: myhi' nya: pho, yooboo yoo mo nghoid la"» ga: zheing: myid: boem.
ASEING Yesu phougtu" zigi Nya: yooboo mo we' anghoid. Nya: myhi' nya: pho, yooboo mo we' anghoid. Mangso: da" phung" yoeb nyang: mo bang thu' loo nhang wa yoomo nghoid. Ngoori nhang: kaid su: da" moo" ri nyid" ayo nghoid shi" ri ngoonu" koid; wa zi nghoid. Hang" we ce" moo" we' ayo" zei: lo da" myen" ayo, gi ju" loo wa. Ngoo gi he: mougmyid moo nyid shi" uri mougmyid shid' mo bidbang nghoid ga: tid.
Houg: su" ga: bain tid thang: ri Yesu gi myidjang: moo shikain" byi" teig lho: thoem" boeb' koid: yu wigi myo, amyang su: da" myojid" moo joid' byid: lho: Loo" we' Silon gyid thoem" moo myo, lo" cid" we' ga: tid kaid. (Silon ga: dangkang: gi nhang: kaid shau" bye: ga: zi nghoid.) Hau: yug we' lo" wigi myo, lo" cid" lho: myo, myang lo ziyo' doem tau" lo.
Nyang: gi mo: phyi: nghoid yoomo akhang: re nyang: ri lhoung myang nyid da" yhoem: kyoo" cang" yi gi he: yug gi zhoung: jo, lho: ngei lhoung: mho' nyid su: anghoid la"» ga: myid go" nyid.
Byu dayham" gi nghoid ga: wigi we dayham" gi hau: yug anghoid hau: yug yo' du goo" su: dayug nghoid ga: wigi we tid ago".
Houg: loug we' hau: yug nyang: tid zigi ngoo gi hau: yug nyang: nghoid bye›› ga: tid.
Byu yi gi Akhid" nang myo, khasu" wim doem myang lo lha"» ga: myid nyid boem.
Hau: yug gi Yesu ga: su: thoem" boeb' dajhi' koid: yu lho: nga" myojid" moo joid byid: wigi ngoori Silon gyid thoem" moo myo, cid" nhang: kaid. Houg: yoomo ngoo lo" wigi myo, cid" lang" su'- myo, doem myang lo. ga: tid kyo.
Byu yi gi hau: yug akhid" khayoo" nyid ga: myid boem.
‹‹Nyang: gi ngoo asi ga: doem tid.»

Byu yi gi shid' phyang" myo, amyang su: ri Pharishe yi jhang khyoo: khe: shu" yhe: lo" boem. Yesu thoem" boeb' koid: yu lho: hau: yug ri myo, myang loo nhang: da" bidnyid gi Yuda Dougno: Bidnyid nghoid. Pharishe yi gi hau: yug myo, myang lo da" khyoo: ri doem: myid: boem. Hau: yug gi nyang: gi nga" myojid" moo thoem" boeb' joid byid. Hau: thang: ri ngoo myo, yhe: cid" lang" akhid" ngoo myang lo ga: tid kyo.
Pharishe dayham" gi hau: yug Dougno: Bidnyid tarha" ri acang yoomo Mangso jang" mo gyoo" loo su: age bui" ga: tid ago".
Gootu: dayham" gi Yooboo dashoid vhang: nyid su: gi khasu" wim wigi hid: yhang: ti" tid boem. Hid: su" nghoid yoomo houg: bang: gi myid azhung" goo" loo: nyid boem.
Houg: yoomo Pharishe yi gi Myo, amyang nyid led: loo su: ri nang ri myo, myang loo nhang: su: gi kha yhang te" su: nghoid ga: doem zheing: myid: sho: boem.
‹‹Hau: yug gi lapi: dayug nghoid ga: doem phoid: kyo.»
Nyhoid' loug we' Yuda zoug: myeing" ci: mo, gi akhang: re hau: yug myo, amyang wim lid: lo da" khyoo: ri we' akhuid myo, myang lo zi: ri nyangnu" aloem" jeing" yoomo nya: myhi' phoo yi ri khe: myid: yu ago". Nyangnu" gi he: yug gi nanu" da" nya: zoo: anghoid goo" la". nanu" tid ziyo' dakhyoo" ti"-- ung: khoug: mo nyang: myo, amyang zi nghoid la". Houg: su" nghoid ri ciwim wigi akhid" myo, myang la"» ga: zheing: myid: boem.
Nya: myhi' phoo yi gi He: yug gi ngoonu" nya: zoo: nghoid. Ung: khoug: mo nyang: myo, amyang gu khu: re" zi ri ngoo nu" se. Nghoidloug we' khasu: wigi myo, myang lo zi ngoonu" asi. Nyang: ri hang" wigi myo, myang loo: nhang: zi ngoonu" asi. Nyang: gi nheig boo bye. Nyang: ri myid: yu" ge'. nya: khyoo: ri nyang: yo" tid kyoo" wa ga: phoid: kyo" boem. Hid: su" ga: phoid: kyo" zigi Yuda zoug: myeing" ci: mo, ri gyoug yoomo nghoid. Aseing: ri Meshia nghoid ga: loem" jeing" mo, bain sho' ri Tarha" jung: mo khaid thu' wa ga: Yuda zoug: yi sham: phyid' go" too" bye.
Houg: yoomo myhi, phoo yi gi nyang: nheig boo bye: nyang: ri myid: yu" ge' ga: tid zi nghoid.
Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.
Hau: yug gi he: yug yooboo dab su: nghoid anghoid zi ngoo asi- ngoo gi goonham, mo myo, jed' nghoid loug we' akhid" gi ngoo myo, myang bye:- houg: za: ngoo date: se' ga: tid.
Houg: bang: gi nyang: gi nang ri khasu" koid re" myojid" ri khasu" doem myang loo nhang: ga: doem myid: boem. Hau: yug gi Nanu" ri ngoo dalheing: tid kyoo" bye:- nanu" atam" gyo: boem.
Ce: noem wim wigi-doem poug gyoo: noug go" lha". Nanu" we nya: da cang: zoo: bui" noug go" la". ga: myid: da. Houg: bang: gi nang za: nya: cangzoo: danghoid. Ngoonu" gi Moshe da" cangzoo: yi nghoid ga: nyang: ri juang" ago".
Mangsoo gi Moshe ri dang: tid byid: zi ngoonu" se' nghoid loug - He: yug gi khayo thu' lo zi ngoonu" asi ga: tid boem. Myo, amyang led: lo yu" su: gi nyang: gi ngoori myo, myang loo nhang: su: nghoid. loug: nanu" gi hau: yug khayo re" zi asi ga: zigi moug" cang bo nyid nhung: lha"» ga: phoug tu. Mangsoo gi yooboo yoo" mo, da" Kyu" mho' dang: ri atam" gyoo:- Aseing: ri loem: khau: phau" myang: lho: Mangsoo vho: khyo" koid; su: da" thui: ri za: date: tam" gyoo: byid. Nya: myhi' da" ung: khoug: mo myo, amyang su: ri dayug yug wigi myo, myang loo nhang: ga: zigi mougmyid jo, shid" jang" mo wigi khanham we' hang" we' ashug" gyo: yu" da" khyoo: nghoid.
He: yug gi Mangso jang" mo ju" ri" su: anghoid rigi Hid: te" moo" daja: we' yo" zei: zi anghoid ga: nyang tid.
Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

Hid: su" khaid thu' kaid zi: Yesu shaug" gyoo: lang" hau: yug yo" shau" go" lho: nang gi byu da" nya: zoo: ri loem" jeing" la"» ga: myid: yu.
Hau: yug gi Ludaid' phoo we"- ngoo yo" loem" jeing" wa shid' re" hau: byu nya: zoo: gi hang" nghoid lha"» ga: myid.
ASEING Yesu phougtu" zigi nyang: ri nang myang yu" bye. Akhid" nang yo" doem: go" nyid su: gi hau: yug nyang: nghoid bye.
Hau: yug gi Yesu shid' moo poid' thug thoug lho: Aseing: we" ngoo loem" jeing" bye: ga: tid.
ASEING Yesu gi-myo, amyang mo, ri myo, myang nhang: wa ziyo'- myo, myang mo, myo, jed' loo" wa shid' re" dang: phyed' byid: wa he: mougmyid khyoo: ngoo ju" re zi nghoid ga: tid.
Yesu da" anam, moo zheing: nyid da" pharishe gi hau: dang: ri zheing: shau" gyo: boem yoomo ngoonu" ri we' myo, amyang mo, nghoid ein: wigi tid nau la"» ga: wigi myid: boem. ASEING Yesu gi nanu" myo, amyang mo, jen" nghoid rigi yooboo yo" boem wa zi anghoid. Akhid" nanu" gi ngoonu" myo, myang mo, nghoid ga: tid boem yoomo hau: zigi nanu" moo yooboo yo" nyid zi nghoid bye.

Ascolta YOHAN 9