 If you would like a copy of this version please contact info@davaraudiobibles.org

Text: Kusaal Bible ©, Ghana Institute Of Linguistics, Literacy and Bible Translation (GILLBT). Audio: Kusaal Old Testament Audio Bible ℗ 2023, Davar Partners International.

Kusaal Old Testament

<div class="version vid3752 iso6393kus" data-vid="3752" data-iso6393="kus">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="s">Ku'om la da kpi&#603;n la y&#603;la</div><div class="p"> 1Wina'am da t&#603;nr Noa n&#603; sian'arin b&#651;nk&#596;nbid n&#603; yin b&#651;nk&#596;nbid ban&#603; da b&#603; anr&#651;&#331;&#651;n la y&#603;la ka t&#651;m sisi'em ka li k&#603; ka ku'om la kpi&#603;n. 2O da y&#596;' ku'osuoya ban&#603; tans te&#331;in la ka y&#596;' ku'osuoya ag&#596;l ka saa la da gu'oe niib. 3Ka ku'om la da pin'ili kpi&#603;nd bi'el, bi'eli ti paae dabisa k&#596;biga n&#603; pisnu daar ka ku'om la nan sied, 4ka lin ti paae nwadis ay&#596;p&#596;i dabis pii n&#603; ay&#596;p&#596;i daar la, anr&#651;&#331; la da zuon n&#603; Ararat zuor zug. 5Ku'om la da maligim siedn&#603; hali, ka nwadis piiga la pin'il&#651;g daar ka zuoya zut y&#651;'&#651;n nied.</div><div class="p"> 6Dabpisnaasi nya'a&#331; ka Noa y&#596;'&#596;g takoro kan ka o maal anr&#651;&#331;&#651;n la 7ka t&#651;m agaung ka o yina ian'adi giligid ka p&#651; l&#603;b naa, hali n&#603; ku'om la ti kpi&#603;n. 8Ka Noa da l&#603;n t&#651;m dawan ye o g&#596;s ye ku'om la kpi&#603;n yaa? 9Ka ku'om la da nan p&#603;'&#603;l zin'ig w&#651;sa la zug, dawan da p&#651; paam zin'ikan&#603; ka o na zuon&#603;, ka g&#651;'&#651;&#331;i l&#603;b Noa san'an anr&#651;&#331;&#651;n la na. Ka Noa ti&#603;n o nu'ug&#651; gban'e o kp&#603;n'&#603;s. 10Ka o da gu'us daba ay&#596;p&#596;i ka l&#603;n t&#651;m dawan la ya'as. 11Ka dawan l&#603;b zaam na ka m&#596;r olif vanma'asiri o n&#596;&#596;rin. Ani ka Noa y&#651;'&#651;n ba&#331; ye ku'om la kpi&#603;n naae. 12Ka o l&#603;n gu'us daba ay&#596;p&#596;i ka l&#603;n t&#651;m dawan la ya'as, ka o yi ka p&#651; l&#603;n l&#603;b naa.</div><div class="p"> 13Y&#651;&#651;m kan&#603; da paasid Noa y&#651;ma k&#596;bisyuob&#651; n&#603; yinne (601) la, li nwadig yinne pin'il&#651;g daar ka ku'om la kpi&#603;n naae te&#331;gbau&#331; la zug. Ka Noa yis din&#603; ligil anr&#651;&#331; la ka ny&#603; ka te&#331; la w&#651;sa k&#651;dig. 14Nwadis ayi' la dabpisi n&#603; ay&#596;p&#596;i la daar ka te&#331;gbau&#331; la y&#651;'&#651;n k&#651;dig w&#651;sa. 15Ka Wina'am y&#603;l Noa ye, 16&#8220;Yim anr&#651;&#331;&#651;n la, f&#651;n n&#603; f&#651; pu'a n&#603; f&#651; biis n&#603; ba pu'ab la. 17M&#596;r b&#651;nv&#651;ya k&#596;n'&#596;b-k&#596;n'&#596;b ban&#603; an niimis n&#603; b&#651;nk&#596;nbid n&#603; ban&#603; w&#651;sa vuud te&#331;in la yina ka ba du'a n&#596;bigi p&#603;'&#603;l dunia la.&#8221; 18Ka Noa y&#651;'&#651;n yina n&#603; o biis, n&#603; o pu'a, n&#603; o bipu'ab la. 19B&#651;nk&#596;nbid la w&#651;sa n&#603; ban&#603; w&#651;sa vuud te&#331;in n&#603; niis n&#603; lin&#603; w&#651;sa b&#603; te&#331;gbau&#331;&#651;n la da yi anr&#651;&#331;&#651;n la fuor-fuor.</div><div class="p"> 20Ka Noa m&#603;' maan bimbimi tis Zugs&#596;b la, ka n&#596;k b&#651;nk&#596;nbid n&#603; niis ban&#603; an nyain ka ba m&#596;ri maan mal&#651;&#331; la maal maann&#603; tis o. 21Ka Zugs&#596;b la w&#651;mmi li nyuug ka li malis o, ka o y&#603;l o s&#651;&#651;nrin ye, &#8220;M k&#651; l&#603;m p&#596; n&#596;&#596;ri tis te&#331; la ninsaal zug&#596;, la'an n&#603; ninsaal w&#651;sa p&#651;t&#603;n'&#603;re an b&#603;'&#603;d lin yi o biilimin sa laa. M m&#603; k&#651; l&#603;n san'am b&#651;nv&#651;ya nw&#603;n&#603; mam daa maal si'em laa. 22Te&#331;gbau&#331; la ya'a nan kp&#603;m b&#603;, b&#651;dib n&#603; bunib sa&#331;a, waad n&#603; t&#651;&#651;l&#651;g sa&#331;a, s&#603;&#603;ung n&#603; &#651;&#651;n, ninta&#331; n&#603; y&#651;'&#651;&#331; k&#651; gu'oe.&#8221;</div>
 </div>
 </div>
</div>

Wina'am da tɛnr Noa nɛ sian'arin bʋnkɔnbid nɛ yin bʋnkɔnbid banɛ da bɛ anrʋŋʋn la yɛla ka tʋm sisi'em ka li kɛ ka ku'om la kpiɛn. O da yɔ' ku'osuoya banɛ tans teŋin la ka yɔ' ku'osuoya agɔl ka saa la da gu'oe niib. Ka ku'om la da pin'ili kpiɛnd bi'el, bi'eli ti paae dabisa kɔbiga nɛ pisnu daar ka ku'om la nan sied, ka lin ti paae nwadis ayɔpɔi dabis pii nɛ ayɔpɔi daar la, anrʋŋ la da zuon nɛ Ararat zuor zug. Ku'om la da maligim siednɛ hali, ka nwadis piiga la pin'ilʋg daar ka zuoya zut yʋ'ʋn nied.
Dabpisnaasi nya'aŋ ka Noa yɔ'ɔg takoro kan ka o maal anrʋŋʋn la ka tʋm agaung ka o yina ian'adi giligid ka pʋ lɛb naa, hali nɛ ku'om la ti kpiɛn. Ka Noa da lɛn tʋm dawan ye o gɔs ye ku'om la kpiɛn yaa? Ka ku'om la da nan pɛ'ɛl zin'ig wʋsa la zug, dawan da pʋ paam zin'ikanɛ ka o na zuonɛ, ka gʋ'ʋŋi lɛb Noa san'an anrʋŋʋn la na. Ka Noa tiɛn o nu'ugʋ gban'e o kpɛn'ɛs. Ka o da gu'us daba ayɔpɔi ka lɛn tʋm dawan la ya'as. Ka dawan lɛb zaam na ka mɔr olif vanma'asiri o nɔɔrin. Ani ka Noa yʋ'ʋn baŋ ye ku'om la kpiɛn naae. Ka o lɛn gu'us daba ayɔpɔi ka lɛn tʋm dawan la ya'as, ka o yi ka pʋ lɛn lɛb naa.
Yʋʋm kanɛ da paasid Noa yʋma kɔbisyuobʋ nɛ yinne (601) la, li nwadig yinne pin'ilʋg daar ka ku'om la kpiɛn naae teŋgbauŋ la zug. Ka Noa yis dinɛ ligil anrʋŋ la ka nyɛ ka teŋ la wʋsa kʋdig. Nwadis ayi' la dabpisi nɛ ayɔpɔi la daar ka teŋgbauŋ la yʋ'ʋn kʋdig wʋsa. Ka Wina'am yɛl Noa ye, “Yim anrʋŋʋn la, fʋn nɛ fʋ pu'a nɛ fʋ biis nɛ ba pu'ab la. Mɔr bʋnvʋya kɔn'ɔb-kɔn'ɔb banɛ an niimis nɛ bʋnkɔnbid nɛ banɛ wʋsa vuud teŋin la yina ka ba du'a nɔbigi pɛ'ɛl dunia la.” Ka Noa yʋ'ʋn yina nɛ o biis, nɛ o pu'a, nɛ o bipu'ab la. Bʋnkɔnbid la wʋsa nɛ banɛ wʋsa vuud teŋin nɛ niis nɛ linɛ wʋsa bɛ teŋgbauŋʋn la da yi anrʋŋʋn la fuor-fuor.
Ka Noa mɛ' maan bimbimi tis Zugsɔb la, ka nɔk bʋnkɔnbid nɛ niis banɛ an nyain ka ba mɔri maan malʋŋ la maal maannɛ tis o. Ka Zugsɔb la wʋmmi li nyuug ka li malis o, ka o yɛl o sʋʋnrin ye, “M kʋ lɛm pɔ nɔɔri tis teŋ la ninsaal zugɔ, la'an nɛ ninsaal wʋsa pʋtɛn'ɛre an bɛ'ɛd lin yi o biilimin sa laa. M mɛ kʋ lɛn san'am bʋnvʋya nwɛnɛ mam daa maal si'em laa. Teŋgbauŋ la ya'a nan kpɛm bɛ, bʋdib nɛ bunib saŋa, waad nɛ tʋʋlʋg saŋa, sɛɛung nɛ ʋʋn, nintaŋ nɛ yʋ'ʋŋ kʋ gu'oe.”

Ascolta Pin'ilʋg 8