If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkJHN">
 <div class="chapter ch16" data-usfm="JHN.16">
 <div class="label">16</div><div class="p"> 1&#8220;Namughorera agha ghose eri simwasighe idumusi lyenyu. 2Nawo wejemfunya kele sinagogi, hata ngelo ikujagha kila mundu emuulaghagha inyo uririkanya kamba ondemtumikila Mlungu. 3Nawo wedeagha agha kwa kukala siwamweni Aba hata imi. 4Ela namughorera agha, eri ngelo yake ikafika mukumbuke kamba nemughorerere.</div><div class="s">Kazi ya Roho wa Kuela</div><div class="p">&#8220;Simughorere malagho agha kungi kufuma kudyowa, kwa kukala teluwanyo. 5Ela ndamu nendeghenda kwa uyu anitumile. Hata sikwesi ungi wenyu enikotelagha, &#8216;Ughendagha hiyo?&#8217; 6Ela kwa kukala namughorera malagho agha, mwajula furuse ngoloni kwenyu. 7Hata sani namughorera fulo: ni kirani kwenyu nighende, kwani nikalegha kughenda, Mwaruri sekujagha kwenyu; ela ilyi naghenda nimtumagha kwenyu. 8Naye ilyi eja, ujewaonyeza wa urumengu kamba wakosa ighulu ya kaung'a na hachi na kutaghanyo. 9Wakosa ighulu ya kaung'a, kwa kukala siwanidumuse. 10Wakosa ighulu ya hachi, kwa kukala nendeghenda kwa Aba na simunionagha sena; 11na wakosa ighulu ya kutaghanyo, kwa kukala mubwaa wa urumengu ughu wamalila kutaghanyo.</div><div class="p"> 12&#8220;Nio na mengi ghemughorera, ela indakwenyi simudimagha kughawata. 13Nao ilyi eja uyo Roho woonyeza fulo, ujemlongoza kele fulo yose; kwani seghoragha kwa udimo ghwake ghwenyi kungi, ela ujeghora agho esikilagha, na ujemughorera agha ghekujagha. 14Naye ujenilika, kwani ujeusa agha naghora na amughorere. 15Vose vio na Aba ni vangu, na kwa hung'u niko nemuzile kamba Roho ujeusa icho chio changu eri amughorere.</div><div class="s">Furuse na mabwelo</div><div class="p"> 16&#8220;Kumukamuka kachache simunionagha; na kumukamuka kachache sena munionagha.&#8221; 17Wairimi wamoju wakakotelana wenyi, &#8220;Ado nini ichi eghoragha, &#8216;Kumukamuka kachache simuniona; na sena kumukamuka kachache munionagha?&#8217; Na sena eghoragha, &#8216;Ni kwa kukala nendeghenda kwa Aba?&#8217;&#8221; 18Kwa hung'u wakauzana, &#8220;Kutambula kwake nini, &#8216;kumukamuka kachache?&#8217; Sitimanyagha selyi eghoragha.&#8221; 19Jesu kamanya kamba wanashaile kumkotela; kwa hung'u kawauza, &#8220;Ado mondekotelana selyi naghora kutambula kwake, &#8216;kumukamuka kachache simunionagha na sena kumukamuka kachache munionagha?&#8217; 20Fulo namuza, mjelila na kushighira, ela urumengu ghujeboelo; mujefurusa, ela furuse zenyu zijeghaluka mabwelo. 21Muke kevala walumo na kuhariso kwa kukala ngelo yake yelumo yafika, ela ilyi avala waluwala usungu ghwake kwa kuboelo, kwani mwana wavalo urumenguni. 22Niko kwenyi nenyo. Indakwenyi muo na furuse ngoloni, ela nijemwona sena, nao aho ngolo zenyu zijeboelo na kuboelo kwenyu mundungi semusokagha. 23Ijua ilyo simunilombagha kindu chingi. Fulo namuza, Ilyi mwalomba kindu chingi kwa Aba kwa izina lyangu, ujemhawa. 24Hata hung'u simulombile kindu chingi kwa izina lyangu. Lombeni, nenyo mjepata, eri kuboelo kwenyu kukatile.</div><div class="s">Kusima urumengu</div><div class="p"> 25&#8220;Namughorera malagho agha kwa makataniso. Ela ngelo ikujagha seghoranya nenyo kwa makataniso, ela nijemughorera mwazi mwazi ighulu ya Aba. 26Nao ijua ilyo mjelomba kwa izina lyangu, nemi simuzagha kamba nimlombagha Aba kwa undu ghwenyu anduangi, 27kwani Aba mwenyi wanamushaile inyo, kwa kukala monishaile na mwanadumuse kamba nanafumile kwa Aba. 28Nanafumile kwa Aba nikeja urumenguni, na ndamu sena, nendesigha urumengu nighende kwa Aba.&#8221;</div><div class="p"> 29Nao wairimi wake wakamuza, &#8220;Ola ndamu waghora mwazi mwazi na si kwa makataniso kungi. 30Tamanya ndamu kamba wanaweni kila kindu, hata sushaile makotelo gha mundungi, kwa hung'u tadumusa kamba wanafumile kwa Mlungu.&#8221;</div><div class="p"> 31Jesu kawatumbulila, &#8220;Ndamu niko mwadumusaba? 32Ngelo ikujagha, hata indakwenyi yeja, ngelo inyose msaghisogho, kila mumoju kaya kwake na munisighagha keng'weri. Ela sikalagha keng'weri anduangi; kwani nio na Aba. 33Namughorera agha eri mukale na sere kwa kuwatana na imi. Urumenguni mpatagha wasi, ela kaleni na ngolo! Imi naghusima urumengu.&#8221;</div>
 </div>
 </div>
</div>

“Namughorera agha ghose eri simwasighe idumusi lyenyu. Nawo wejemfunya kele sinagogi, hata ngelo ikujagha kila mundu emuulaghagha inyo uririkanya kamba ondemtumikila Mlungu. Nawo wedeagha agha kwa kukala siwamweni Aba hata imi. Ela namughorera agha, eri ngelo yake ikafika mukumbuke kamba nemughorerere.

“Simughorere malagho agha kungi kufuma kudyowa, kwa kukala teluwanyo. Ela ndamu nendeghenda kwa uyu anitumile. Hata sikwesi ungi wenyu enikotelagha, ‘Ughendagha hiyo?’ Ela kwa kukala namughorera malagho agha, mwajula furuse ngoloni kwenyu. Hata sani namughorera fulo: ni kirani kwenyu nighende, kwani nikalegha kughenda, Mwaruri sekujagha kwenyu; ela ilyi naghenda nimtumagha kwenyu. Naye ilyi eja, ujewaonyeza wa urumengu kamba wakosa ighulu ya kaung'a na hachi na kutaghanyo. Wakosa ighulu ya kaung'a, kwa kukala siwanidumuse. Wakosa ighulu ya hachi, kwa kukala nendeghenda kwa Aba na simunionagha sena; na wakosa ighulu ya kutaghanyo, kwa kukala mubwaa wa urumengu ughu wamalila kutaghanyo.
“Nio na mengi ghemughorera, ela indakwenyi simudimagha kughawata. Nao ilyi eja uyo Roho woonyeza fulo, ujemlongoza kele fulo yose; kwani seghoragha kwa udimo ghwake ghwenyi kungi, ela ujeghora agho esikilagha, na ujemughorera agha ghekujagha. Naye ujenilika, kwani ujeusa agha naghora na amughorere. Vose vio na Aba ni vangu, na kwa hung'u niko nemuzile kamba Roho ujeusa icho chio changu eri amughorere.

“Kumukamuka kachache simunionagha; na kumukamuka kachache sena munionagha.” Wairimi wamoju wakakotelana wenyi, “Ado nini ichi eghoragha, ‘Kumukamuka kachache simuniona; na sena kumukamuka kachache munionagha?’ Na sena eghoragha, ‘Ni kwa kukala nendeghenda kwa Aba?’” Kwa hung'u wakauzana, “Kutambula kwake nini, ‘kumukamuka kachache?’ Sitimanyagha selyi eghoragha.” Jesu kamanya kamba wanashaile kumkotela; kwa hung'u kawauza, “Ado mondekotelana selyi naghora kutambula kwake, ‘kumukamuka kachache simunionagha na sena kumukamuka kachache munionagha?’ Fulo namuza, mjelila na kushighira, ela urumengu ghujeboelo; mujefurusa, ela furuse zenyu zijeghaluka mabwelo. Muke kevala walumo na kuhariso kwa kukala ngelo yake yelumo yafika, ela ilyi avala waluwala usungu ghwake kwa kuboelo, kwani mwana wavalo urumenguni. Niko kwenyi nenyo. Indakwenyi muo na furuse ngoloni, ela nijemwona sena, nao aho ngolo zenyu zijeboelo na kuboelo kwenyu mundungi semusokagha. Ijua ilyo simunilombagha kindu chingi. Fulo namuza, Ilyi mwalomba kindu chingi kwa Aba kwa izina lyangu, ujemhawa. Hata hung'u simulombile kindu chingi kwa izina lyangu. Lombeni, nenyo mjepata, eri kuboelo kwenyu kukatile.

“Namughorera malagho agha kwa makataniso. Ela ngelo ikujagha seghoranya nenyo kwa makataniso, ela nijemughorera mwazi mwazi ighulu ya Aba. Nao ijua ilyo mjelomba kwa izina lyangu, nemi simuzagha kamba nimlombagha Aba kwa undu ghwenyu anduangi, kwani Aba mwenyi wanamushaile inyo, kwa kukala monishaile na mwanadumuse kamba nanafumile kwa Aba. Nanafumile kwa Aba nikeja urumenguni, na ndamu sena, nendesigha urumengu nighende kwa Aba.”
Nao wairimi wake wakamuza, “Ola ndamu waghora mwazi mwazi na si kwa makataniso kungi. Tamanya ndamu kamba wanaweni kila kindu, hata sushaile makotelo gha mundungi, kwa hung'u tadumusa kamba wanafumile kwa Mlungu.”
Jesu kawatumbulila, “Ndamu niko mwadumusaba? Ngelo ikujagha, hata indakwenyi yeja, ngelo inyose msaghisogho, kila mumoju kaya kwake na munisighagha keng'weri. Ela sikalagha keng'weri anduangi; kwani nio na Aba. Namughorera agha eri mukale na sere kwa kuwatana na imi. Urumenguni mpatagha wasi, ela kaleni na ngolo! Imi naghusima urumengu.”

Ascolta Johana 16