Manya - 2023 SIM (OT NT Portions) Drama

<div class="version vid3590 iso6393mzj" data-vid="3590" data-iso6393="mzj">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Isa ni Zakiya</div><div class="p"> 1Wo k&#596;, Isa ka don J&#603;liko ka so l&#596;timin. 2K&#603;&#769; d&#596; t&#603;&#603; je, min t&#596;&#596; t&#603;&#603; ko Zakiya. Niis&#596;&#596;nminabalu ya kuntii le t&#603;&#603; a le, ani nafolotii. 3A l&#596;&#596; t&#603;&#603; a la k'a &#626;a la Isa kan ani k'a l&#596;n. K&#603;&#603; a t&#603;&#603; t&#603; se ka b&#603;n aa sulunya ma ani jama wala jate. 4A do v&#603; b&#596;lila ka taa jama &#626;a ka j&#603;l&#603; toloju la f&#596;sa a yi Isa ye, kamas&#596;l&#596;n wo t&#603;&#603; timinna siya wo le k&#596;kan. 5Isa senin toloju k&#596;l&#596;, a k'a &#626;a laj&#603;l&#603; k'a f&#596; Zakiya y&#603;, a v&#603;&#603;: &#171;Zakiya, i i lateleja, i yi jii. F&#596; &#505;'i jiya i f&#603; le l&#596; bi.&#187;</div><div class="p"> 6Wo f&#596;, Zakiya k'i jii telemanin ka Isa lab&#603;n sawa boloma. 7Wo ye m&#596;&#596;lu bolo, ai b&#603; v&#603; Isa maf&#596;la, ai v&#603;&#603;: &#171;A di&#626;anin ka julumbut&#596; k&#603; a jetii le.&#187;</div><div class="p"> 8K&#603;&#603; Zakiya k'i l&#596; k'a f&#596; m&#596; Kuntii y&#603;, a v&#603;&#603;: &#171;&#504; Kuntii, i tolomal&#596;! &#504;'i m&#768; bolofennu l&#596;talala k'a fan kelen di bolokolonnu ma. Ni a k'a talan &#505; na m&#596;&#596; d&#596; t&#596;&#626;&#596;la k'a bolofen mina a la, &#505; k&#603;t&#596; wo &#626;&#596;&#596;zii naani laseila wo tii ma.&#187;</div><div class="p"> 9Wo f&#596; Zakiya bolo, Isa v&#603;&#603; a y&#603;: &#171;Bi kisiko v&#603; se bon min na, kamas&#596;l&#596;n k&#603;&#769; min fana yi Nabi Ibulahima b&#596;z&#596;n d&#596; le le. 10Kamas&#596;l&#596;n M&#596;&#596;nivin Tanin nanin f&#596;sa a yi m&#596;&#596; filininnu &#626;inin k'ai lakisi.&#187;</div><div class="s">B&#596;iden sawa ma sana</div><div class="r"> Matiyu 25.14-30</div><div class="p"> 11M&#596;&#596;lu ka to ai tolomal&#596;la kuma wolu la, Isa ka sana d&#596; la ai y&#603; kamas&#596;l&#596;n ai ma t&#603;&#603; v&#603; sulunya Jelusal&#603;mu so la, ado m&#596;&#596;lu t&#603;&#603; ai milila ko Ala ya masaya lank&#603;n&#603;mayat&#596; wo waate gbugbu le l&#596;. 12Wo le k'a k&#603;, Isa v&#603;&#603;: &#171;A ka k&#603; faamaden d&#596; le le, min t&#603;&#603; taama boloma jamana majaannin d&#596; l&#596;, f&#596;sa a yi masaya s&#596;l&#596;n ka na k'i sii aa jamanam&#596;&#596;lu kunna. 13A do ka aa b&#596;iden m&#596;&#596; tan kili ka w&#596;ligb&#603; gbana tan l&#596;tala ai wot&#603;. A do v&#603;&#603; ai y&#603;: &#8249;&#192;i yi julaya k&#603; a l&#596; ka sii &#505; k&#596;sei la.&#8250;</div><div class="p"> 14&#171;K&#603;&#603; aa jamanak&#596;n&#596;m&#596;&#596;lu k'a lagbeya&#626;&#603;. Wo l&#596;, ai ka keladennu lataa a k&#596; ko ai t'a f&#603; a yi masaya k&#603; ai kunna.</div><div class="p"> 15&#171;A w&#596;linin masaya s&#596;l&#596;nna ka seik&#596;, a ka aa b&#596;idennu kili, a na w&#596;li dila minu ma, f&#596;sa a a l&#596;n ai na t&#596;n&#596; mind&#603; s&#596;l&#596;nna julaya l&#596;. 16B&#596;iden kunf&#596;l&#596; ka na k'a f&#596; a y&#603;, a v&#603;&#603;: &#8249;&#504; kuntii, i na w&#596;ligb&#603; gbana kelen min tola m&#768; bolo, m&#768;'&#603; w&#596;ligb&#603; gbana tan t&#596;n&#596; s&#596;l&#596;n wo k&#596;kan.&#8250; 17Masak&#603; do v&#603;&#603; a y&#603;: &#8249;I gbu n'a k&#603; yi la kob&#603;n, b&#596;iden &#626;uma! Komi i na k&#603;la lanande le ko fitinin n&#596;, wo le y'a ma, &#505; k&#603;t&#596; i lasiila so tan ne kunna.&#8250; 18Wo k&#596;, b&#596;iden filana ka na k'a f&#596; a y&#603;: &#8249;&#504; kuntii, i na w&#596;ligb&#603; gbana kelen min tola m&#768; bolo, m&#768;'&#603; w&#596;ligb&#603; gbana loolu t&#596;n&#596; s&#596;l&#596;n wo k&#596;kan.&#8250; 19Masak&#603; do v&#603;&#603; a y&#603;: &#8249;Ile fana k&#603;t&#596; i siila so loolu le kunna.&#8250; 20Wo k&#596;, a d&#596;gb&#603;l&#603; ka na k'a f&#596; a y&#603;, a v&#603;&#603;: &#8249;&#504; kuntii, a ye. Iya w&#596;ligb&#603; gbana le ne. A ladalonin t&#603;&#603; m&#768; bolo faani l&#596;. 21&#504; t&#603;&#603; siyanna i &#626;a, kamas&#596;l&#596;n iya ko gbeleyayine. I yi fen ne tala, i ma min bila je. I do yi malo kalila, i ma min s&#603;n&#603;.&#8250; 22Masak&#603; do v&#603;&#603; a y&#603;: &#8249;Ile b&#596;iden k&#603;won! &#504; k&#603;t&#596; i jobaliyala ka b&#603;n i j&#603;l&#603;kanu dalakan ne ma. I t&#603;&#603; k'a l&#596;n &#505;a ko gbeleyayine, ani ko &#505;'i fen ne tala, m&#768; ma min bila je, ani ko &#505;'i malo kalila, m&#768; ma min s&#603;n&#603;. 23Wo l&#596; saa, mind&#603; k&#603;nin i ma taa &#505;a w&#596;li bila w&#596;lilamalabon na, f&#596;sa &#505; t&#603;&#603; t&#596;n&#596; s&#596;l&#596;n a la &#505; nanin min t&#603; yi ne?&#8250;</div><div class="p"> 24&#171;Wo f&#596; masak&#603; bolo, a v&#603;&#603; a daf&#603;m&#596;&#596;lu y&#603;: &#8249;&#192;i yi w&#596;li wo mina a la, k'a di w&#596;ligb&#603; gbana tan tii ma.&#8250; 25K&#603;&#603; ai do v&#603;&#603; a y&#603;: &#8249;Masak&#603;, w&#596;ligb&#603; gbana tan ne yi wo bolo butu!&#8250; 26#Matiyu 13.12; Mal&#603;k&#603; 4.25; Luka 8.18.K&#603;&#603; masak&#603; do v&#603;&#603; ai y&#603;: &#8249;&#504;'a f&#596; &#224;i y&#603;, ni fen ka k&#603; m&#596;&#596; min bolo, a d&#596; lat&#596; wo tii ma ta k&#596;kan ka siyaya. K&#603;&#603; ni fen ma k&#603; m&#596;&#596; min bolo, hali minni y'a bolo, wo minat&#596;le a la. 27#Matiyu 25.14-30.&#504; juulu koni, minu t&#603;&#603; t&#603; a f&#603; &#505;'i masaya k&#603; ai kunna, &#224;i yi na ai b&#603; le jan k'ai faa &#505; &#626;ak&#596;l&#596;.&#8250; &#187;</div><div class="s">Isa ka don Jelusal&#603;mu sofalini k&#596;kan teme</div><div class="r"> Matiyu 21.1-11; Mal&#603;k&#603; 11.1-11; Yohana 12.12-19</div><div class="p"> 28Isa w&#596;linin sana wo lala, a v&#603; bilala jama &#626;a ka taa Jelusal&#603;mu. 29A masulunyanin Betifase ni Betani sonilu la, a ka se tini d&#596; ma, ai y'a f&#596;la min ma ko Zeituna tini. Wo l&#596;, a ka aa keladen m&#596;&#596; fila lataa ai &#626;a, 30k'a f&#596; ai y&#603;, a v&#603;&#603;: &#171;Soni min yi m&#596; &#626;a ve, &#224;i yi taa je. &#192;i v&#603; donna so k&#596;n&#596;, &#224;i k&#603;t&#596; sofalini bolan d&#596; silinin yena, m&#596;&#596; m'i sii ba min k&#596;kan bene. &#192;i y'a f&#596;lin ka na a le jan. 31Ni m&#596;&#596; d&#596; k'&#224;i ma&#626;ininga ko: &#8249;Mind&#603; l&#596; &#224;i y'a f&#596;linna?&#8250;, &#224;i v&#603;&#603; wo tii y&#603;: &#8249;M&#596; Kuntii le mako y'a la.&#8250; &#187;</div><div class="p"> 32Keladen fila wolu ka b&#596; je ka taa a talan iwo Isa k'a f&#596; ai y&#603; teme. 33Ai t&#603;&#603; sofalini bolan f&#596;linna waate min n&#596;, a tiilu ka na k'a f&#596; ai y&#603;, ai v&#603;&#603;: &#171;&#192;i yi sofalini f&#596;linna mind&#603; l&#596;?&#187; 34Ai do ka wolu javi, ai v&#603;&#603;: &#171;M&#596; Kuntii mako y'a la.&#187; 35Wo f&#596;, ai ka sofalini bolan ta ka taa a le Isa f&#603;. Ai do k'aiya faanilu lala sofalini k&#596;kan, ka ban ka Isa laj&#603;l&#603; a k&#596;kan. 36A taat&#596;la, m&#596;&#596;lu v&#603; aiya faanilu l&#596;f&#603;z&#603;nna siya k&#596;kan a &#626;a. 37Isa k'i masulunya Jelusal&#603;mu la ka se Zeituna tini lajii l&#596; ming&#603;, a k&#596;biladen jama ba v&#603; sawala ka k&#603; Ala tanule kan ba l&#596; ka b&#603;n kawanankolu b&#603; ma, ai na minu yena.</div><div class="m"> 38Ai v&#603;&#603;:</div><div class="q1">&#171;Duwawu yi masak&#603; y&#603; min yi nala m&#596; Tii t&#596;&#596; l&#596;!</div><div class="q1">H&#603;l&#603; yi k&#603; haij&#603;n&#603;!</div><div class="q1">Magbiliyali yi k&#603; Ala y&#603; haij&#603;n&#603; dingila k&#596;l&#596;tanin n&#596;!&#187;</div><div class="p"> 39Falisi d&#596;lu ka to jama t&#603;ma k'a f&#596; Isa y&#603;, ai v&#603;&#603;: &#171;Kalanm&#596;&#596;, a f&#596; i k&#596;biladennu y&#603; ko ai yi jeden.&#187;</div><div class="p"> 40Isa do k'ai javi, a v&#603;&#603;: &#171;&#504;'a f&#596; &#224;i y&#603;, ni ai ka jeden, hali kawakulunnu gbu gban&#596;t&#596;.&#187;</div><div class="s">Isa ka kasi teme ka b&#603;n Jelusal&#603;mu ma</div><div class="p"> 41Isa masulunyanin Jelusal&#603;mu la ka so ye, a v&#603; kasila ka b&#603;n a ma, a v&#603;&#603;: 42&#171;Ni i t&#603;&#603; v&#603; h&#603;l&#603; s&#596;l&#596;n&#626;a l&#596;nna bi lon min n&#596;, wo t&#603;&#603; b&#603;nne i ma. K&#603;&#603; wo doonnin i ma yi ne. 43Lon d&#596; sent&#596;, i juulu nat&#596; i lamininna fan b&#603; l&#596;, k'iya siya b&#603; t&#603;&#603; f&#596;&#596; k'i bila jiin n&#596;. 44Ai k&#603;t&#596; ile ni iya m&#596;&#596;lu halakila, hali iya kawakulun fila gbu t&#603;nala tola i &#626;&#596;&#596; k&#596;kan, kamas&#596;l&#596;n Ala nanin b&#596;la i ma waate min n&#596;, i ma wo lon jate ko le!&#187;</div><div class="s">Isa ka julalu gb&#603;n ka b&#596; l&#596;h&#596;l&#596;mabonba luu k&#596;n&#596; teme</div><div class="r"> Matiyu 21.12-17; Mal&#603;k&#603; 11.15-19; Yohana 2.13-22</div><div class="p"> 45Wo k&#596;, Isa ka don l&#596;h&#596;l&#596;mabonba luu k&#596;n&#596;, ka julalu gb&#603;n damina k'ai lab&#596; je. 46A do v&#603;&#603; ai y&#603;: &#171;A s&#603;v&#603;nin kitabu k&#596;n&#596;, ko: &#8249;&#504;a bon k&#603;t&#596; Aladalibon ne le.&#8250; K&#603;&#603; &#224;i do v&#603; je k&#603; sonnu doonya le.&#187;</div><div class="p"> 47 # 
 Luka 21.37. Isa t&#603;&#603; m&#596;&#596;lu kalanna lon b&#603; l&#596;h&#596;l&#596;mabonba luu k&#596;n&#596;. Salakalase kuntiibalu ni seliya kalanm&#596;&#596;lu ni jamana &#626;am&#596;&#596;lu t&#603;&#603; a faako &#626;a&#626;ininna, 48k&#603;&#603; ai t&#603;&#603; t&#603; se, kamas&#596;l&#596;n Isa ya ko t&#603;&#603; v&#603; m&#596;&#596; b&#603; kun mina. Ai b&#603; t&#603;&#603; ai tolomal&#596;la a la kob&#603;n.</div>
 </div>
 </div>
</div>

Manya Bible Translation, © SIM International, 2023 

Wo kɔ, Isa ka don Jɛliko ka so lɔtimin. Kɛ́ dɔ tɛɛ je, min tɔɔ tɛɛ ko Zakiya. Niisɔɔnminabalu ya kuntii le tɛɛ a le, ani nafolotii. A lɔɔ tɛɛ a la k'a ɲa la Isa kan ani k'a lɔn. Kɛɛ a tɛɛ tɛ se ka bɛn aa sulunya ma ani jama wala jate. A do vɛ bɔlila ka taa jama ɲa ka jɛlɛ toloju la fɔsa a yi Isa ye, kamasɔlɔn wo tɛɛ timinna siya wo le kɔkan. Isa senin toloju kɔlɔ, a k'a ɲa lajɛlɛ k'a fɔ Zakiya yɛ, a vɛɛ: «Zakiya, i i lateleja, i yi jii. Fɔ ǹ'i jiya i fɛ le lɔ bi.»
Wo fɔ, Zakiya k'i jii telemanin ka Isa labɛn sawa boloma. Wo ye mɔɔlu bolo, ai bɛ vɛ Isa mafɔla, ai vɛɛ: «A diɲanin ka julumbutɔ kɛ a jetii le.»
Kɛɛ Zakiya k'i lɔ k'a fɔ mɔ Kuntii yɛ, a vɛɛ: «Ǹ Kuntii, i tolomalɔ! Ǹ'i m̀ bolofennu lɔtalala k'a fan kelen di bolokolonnu ma. Ni a k'a talan ǹ na mɔɔ dɔ tɔɲɔla k'a bolofen mina a la, ǹ kɛtɔ wo ɲɔɔzii naani laseila wo tii ma.»
Wo fɔ Zakiya bolo, Isa vɛɛ a yɛ: «Bi kisiko vɛ se bon min na, kamasɔlɔn kɛ́ min fana yi Nabi Ibulahima bɔzɔn dɔ le le. Kamasɔlɔn Mɔɔnivin Tanin nanin fɔsa a yi mɔɔ filininnu ɲinin k'ai lakisi.»


Mɔɔlu ka to ai tolomalɔla kuma wolu la, Isa ka sana dɔ la ai yɛ kamasɔlɔn ai ma tɛɛ vɛ sulunya Jelusalɛmu so la, ado mɔɔlu tɛɛ ai milila ko Ala ya masaya lankɛnɛmayatɔ wo waate gbugbu le lɔ. Wo le k'a kɛ, Isa vɛɛ: «A ka kɛ faamaden dɔ le le, min tɛɛ taama boloma jamana majaannin dɔ lɔ, fɔsa a yi masaya sɔlɔn ka na k'i sii aa jamanamɔɔlu kunna. A do ka aa bɔiden mɔɔ tan kili ka wɔligbɛ gbana tan lɔtala ai wotɛ. A do vɛɛ ai yɛ: ‹Ài yi julaya kɛ a lɔ ka sii ǹ kɔsei la.›
«Kɛɛ aa jamanakɔnɔmɔɔlu k'a lagbeyaɲɛ. Wo lɔ, ai ka keladennu lataa a kɔ ko ai t'a fɛ a yi masaya kɛ ai kunna.
«A wɔlinin masaya sɔlɔnna ka seikɔ, a ka aa bɔidennu kili, a na wɔli dila minu ma, fɔsa a a lɔn ai na tɔnɔ mindɛ sɔlɔnna julaya lɔ. Bɔiden kunfɔlɔ ka na k'a fɔ a yɛ, a vɛɛ: ‹Ǹ kuntii, i na wɔligbɛ gbana kelen min tola m̀ bolo, m̀'ɛ wɔligbɛ gbana tan tɔnɔ sɔlɔn wo kɔkan.› Masakɛ do vɛɛ a yɛ: ‹I gbu n'a kɛ yi la kobɛn, bɔiden ɲuma! Komi i na kɛla lanande le ko fitinin nɔ, wo le y'a ma, ǹ kɛtɔ i lasiila so tan ne kunna.› Wo kɔ, bɔiden filana ka na k'a fɔ a yɛ: ‹Ǹ kuntii, i na wɔligbɛ gbana kelen min tola m̀ bolo, m̀'ɛ wɔligbɛ gbana loolu tɔnɔ sɔlɔn wo kɔkan.› Masakɛ do vɛɛ a yɛ: ‹Ile fana kɛtɔ i siila so loolu le kunna.› Wo kɔ, a dɔgbɛlɛ ka na k'a fɔ a yɛ, a vɛɛ: ‹Ǹ kuntii, a ye. Iya wɔligbɛ gbana le ne. A ladalonin tɛɛ m̀ bolo faani lɔ. Ǹ tɛɛ siyanna i ɲa, kamasɔlɔn iya ko gbeleyayine. I yi fen ne tala, i ma min bila je. I do yi malo kalila, i ma min sɛnɛ.› Masakɛ do vɛɛ a yɛ: ‹Ile bɔiden kɛwon! Ǹ kɛtɔ i jobaliyala ka bɛn i jɛlɛkanu dalakan ne ma. I tɛɛ k'a lɔn ǹa ko gbeleyayine, ani ko ǹ'i fen ne tala, m̀ ma min bila je, ani ko ǹ'i malo kalila, m̀ ma min sɛnɛ. Wo lɔ saa, mindɛ kɛnin i ma taa ǹa wɔli bila wɔlilamalabon na, fɔsa ǹ tɛɛ tɔnɔ sɔlɔn a la ǹ nanin min tɛ yi ne?›
«Wo fɔ masakɛ bolo, a vɛɛ a dafɛmɔɔlu yɛ: ‹Ài yi wɔli wo mina a la, k'a di wɔligbɛ gbana tan tii ma.› Kɛɛ ai do vɛɛ a yɛ: ‹Masakɛ, wɔligbɛ gbana tan ne yi wo bolo butu!› Kɛɛ masakɛ do vɛɛ ai yɛ: ‹Ǹ'a fɔ ài yɛ, ni fen ka kɛ mɔɔ min bolo, a dɔ latɔ wo tii ma ta kɔkan ka siyaya. Kɛɛ ni fen ma kɛ mɔɔ min bolo, hali minni y'a bolo, wo minatɔle a la. Ǹ juulu koni, minu tɛɛ tɛ a fɛ ǹ'i masaya kɛ ai kunna, ài yi na ai bɛ le jan k'ai faa ǹ ɲakɔlɔ.› »


Isa wɔlinin sana wo lala, a vɛ bilala jama ɲa ka taa Jelusalɛmu. A masulunyanin Betifase ni Betani sonilu la, a ka se tini dɔ ma, ai y'a fɔla min ma ko Zeituna tini. Wo lɔ, a ka aa keladen mɔɔ fila lataa ai ɲa, k'a fɔ ai yɛ, a vɛɛ: «Soni min yi mɔ ɲa ve, ài yi taa je. Ài vɛ donna so kɔnɔ, ài kɛtɔ sofalini bolan dɔ silinin yena, mɔɔ m'i sii ba min kɔkan bene. Ài y'a fɔlin ka na a le jan. Ni mɔɔ dɔ k'ài maɲininga ko: ‹Mindɛ lɔ ài y'a fɔlinna?›, ài vɛɛ wo tii yɛ: ‹Mɔ Kuntii le mako y'a la.› »
Keladen fila wolu ka bɔ je ka taa a talan iwo Isa k'a fɔ ai yɛ teme. Ai tɛɛ sofalini bolan fɔlinna waate min nɔ, a tiilu ka na k'a fɔ ai yɛ, ai vɛɛ: «Ài yi sofalini fɔlinna mindɛ lɔ?» Ai do ka wolu javi, ai vɛɛ: «Mɔ Kuntii mako y'a la.» Wo fɔ, ai ka sofalini bolan ta ka taa a le Isa fɛ. Ai do k'aiya faanilu lala sofalini kɔkan, ka ban ka Isa lajɛlɛ a kɔkan. A taatɔla, mɔɔlu vɛ aiya faanilu lɔfɛzɛnna siya kɔkan a ɲa. Isa k'i masulunya Jelusalɛmu la ka se Zeituna tini lajii lɔ mingɛ, a kɔbiladen jama ba vɛ sawala ka kɛ Ala tanule kan ba lɔ ka bɛn kawanankolu bɛ ma, ai na minu yena.
Ai vɛɛ:
«Duwawu yi masakɛ yɛ min yi nala mɔ Tii tɔɔ lɔ!
Hɛlɛ yi kɛ haijɛnɛ!
Magbiliyali yi kɛ Ala yɛ haijɛnɛ dingila kɔlɔtanin nɔ!»
Falisi dɔlu ka to jama tɛma k'a fɔ Isa yɛ, ai vɛɛ: «Kalanmɔɔ, a fɔ i kɔbiladennu yɛ ko ai yi jeden.»
Isa do k'ai javi, a vɛɛ: «Ǹ'a fɔ ài yɛ, ni ai ka jeden, hali kawakulunnu gbu gbanɔtɔ.»

Isa masulunyanin Jelusalɛmu la ka so ye, a vɛ kasila ka bɛn a ma, a vɛɛ: «Ni i tɛɛ vɛ hɛlɛ sɔlɔnɲa lɔnna bi lon min nɔ, wo tɛɛ bɛnne i ma. Kɛɛ wo doonnin i ma yi ne. Lon dɔ sentɔ, i juulu natɔ i lamininna fan bɛ lɔ, k'iya siya bɛ tɛɛ fɔɔ k'i bila jiin nɔ. Ai kɛtɔ ile ni iya mɔɔlu halakila, hali iya kawakulun fila gbu tɛnala tola i ɲɔɔ kɔkan, kamasɔlɔn Ala nanin bɔla i ma waate min nɔ, i ma wo lon jate ko le!»


Wo kɔ, Isa ka don lɔhɔlɔmabonba luu kɔnɔ, ka julalu gbɛn damina k'ai labɔ je. A do vɛɛ ai yɛ: «A sɛvɛnin kitabu kɔnɔ, ko: ‹Ǹa bon kɛtɔ Aladalibon ne le.› Kɛɛ ài do vɛ je kɛ sonnu doonya le.»
Isa tɛɛ mɔɔlu kalanna lon bɛ lɔhɔlɔmabonba luu kɔnɔ. Salakalase kuntiibalu ni seliya kalanmɔɔlu ni jamana ɲamɔɔlu tɛɛ a faako ɲaɲininna, kɛɛ ai tɛɛ tɛ se, kamasɔlɔn Isa ya ko tɛɛ vɛ mɔɔ bɛ kun mina. Ai bɛ tɛɛ ai tolomalɔla a la kobɛn.

Ascolta Luka 19