God Da Gaga Reka Re

<div class="version vid3575 iso6393bjz" data-vid="3575" data-iso6393="bjz">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s1">14:1-12 Jon Bafutaito Ari Katoda Uk&#243; Diveguturieta Ambubuturia-da Gaga Re.</div><div class="r">(Mak 6:14-29; Luk 9:7-9)</div><div class="p"> 1Fefera aghade, Galili Frovensi da kotofuko, Herot um&#243; Iesu da ari-bari donu ua-da bing&#225;nu ningia, 2unda buro kakatodu, egh&#225; ririe, &#8220;En&#225; emb&#243; mo, Jon Bafutaito Ari Katona amburari vareta jebugea erora-jogo. Amindu um&#243; ano jojabe bua, en&#225; ari ivata anogha eta rouvie.&#8221;</div><div class="p"> 3-4 # 
 Luk 3:19-20; Lev 18:16; 20:21 Agh&#225; nundubuturia-da bee mo, Herot unda ikoko Filip da evetu, ragaro Herodias, ufuva yagera uria-du Jon Bafutaito ari kato erea, Herot du egh&#225; reta urie, &#8220;Im&#243; an&#225; evetu yagera urota, agho dari bejitureravore.&#8221; Agh&#225; reta uria-du, Herot na Jon nandia bundia bua aria, diburava gajiturie. 5Herot neno akuago urota, Jon data amburari-du uno urie. Tago, natofo jededa nundubariva Jon um&#243; feroveta jojabe eini regeguturia-nu ningia, um&#243; natofodu oru urie.</div><div class="p"> 6Agh&#225; urota, Herot da sirorari fefera furia buburiturieta, Herodias da aririmi bubua, an&#225; banau uria-va daa unona didivurie. Agh&#225; ueta gia, Herot gangoro urie-gea, 7be anogha gajiturota, egh&#225; ririe. &#8220;Im&#243; eini-eini nanjogodu uno ea radora, am&#243; utaitare.&#8221; 8Agh&#225; ririeta ningia, Herodias erea, unda ariridu egh&#225; ririe, &#8220;Ii, radi-gea, Jon Bafutaito ari katoda beforonu divegea tevova fendia utota, bofu, bare!&#8221; Agh&#225; ririeta ningia, unda ariri aria, nueda riria gaga dabako aghago Herot du ririe.</div><div class="p"> 9Agh&#225; ririeta ningia, Kini Herot neno mema urie. Tago, esega enembo banauva buburituria-da dibeva be anogha gajituria-nu nundubea, an&#225; aririda uno ea riria aghago sirorari-du ririe. 10Agh&#225; ririe-gea, unda buro kakato aria, dibura kambesiva Jon da ukonu diveguturie. 11Divegea, Jon da beforo tevova fendia fumbua furia, an&#225; ariridu ututurieta, bua aria, nuedu ututurie. 12Agh&#225; urieta, Jon da ambo nimbi an&#225; bing&#225; niningigea furia, Jon da tamo bua aria furuguturie. Furuguturia-da ambova, n&#250;mane aria, Iesu dava bubua, Iesu dava isuri egeguturie.</div><div class="s1">14:13-21 Iesu Na Embobo Dano 5,000 Unduturia-da Gaga Re.</div><div class="r">(Mak 6:30-44; Luk 9:10-17; Jon 6:1-14)</div><div class="p"> 13Agh&#225; ririeta ningia, Iesu an&#225; kambesi doa serigea, ghaava* vorea, unuka enembo tefo kambesiva arie. Arieta, Iesu da bing&#225; niningiguturie-gea, natofo jede n&#250;manda naa mane dodogea ombova, Iesu da ambova ekami igiguturie. 14Aria bubua, avo fugea iririgutueta, Iesu aria, ghaa ga vitia geruria mo, natofo jededu neno mema ea, n&#250;manda kae enembo urieta jejebuguturie.</div><div class="p"> 15Jama beede unda ambo nimbimi furia, Iesu du egh&#225; regeguturie. &#8220;En&#225; kambesiva enembode kambode tefo re. Kot&#250; jama rouvieta en&#225; natofo ninenge, ya naava undari tava ea, gurimi utua bua undidigoe!&#8221; 16Agh&#225; regeguturieta, Iesu n&#250;mandu mino egh&#225; ririe, &#8220;Dodu yadu? Undari n&#237;manena ututuge, undidigoe!&#8221; 17Agh&#225; ririeta, unda ambo nimbi mino egh&#225; regeguturie. &#8220;N&#225;mandava farava ingari ingo yoveni kot&#250; uvu oka ungaghade nuenembo vitie.&#8221; 18Agh&#225; regeguturieta, Iesu na egh&#225; ririe, &#8220;Bua eve, andava fufuge!&#8221;</div><div class="p"> 19Anada ambova, Iesu na ririeta, an&#225; natofo yavaira etova asusumbuturieta, um&#243; an&#225; farava ingari ingo yovenide uvu oka ungaghade bua, dibe jar&#225; ea uutuva urota, God Afadava &#8220;aiye&#8221; rirota, an&#225; farava righia ingegebea, unda ambo nimbidu ututurieta bubugea, an&#225; natofodu vesa egeguturie. 20Vesa egeguturieta, bua dirieta inono uria, anada itoto dumeni dodoguturia-nu, Iesu da ambo nimbimi erea bua, kanda jojabebei dano 12 anava fefendiguturie. 21Avore, embobo dano 5,000 undari undidiguturie-tago, an&#225; evevetu sasingu manede jo irugambi re.</div><div class="s1">14:22-36 Iesu Uvu Etova De&#297; Ea Aria-Da Gaga Re.</div><div class="r">(Mak 6:45-56; Jon 6:15-21)</div><div class="p"> 22Undari undidiguturia-da ambova, jo gaimbo ambi, Iesu na tatavami unda ambo nimbi ririeta, ghaava* vorea, yoveniva rekimbea igigutueta, um&#243; an&#225; natofo nineguturieta tar&#225; egegutueta gia doa, 23Iesu ootova benunu aita unuka yavurie. Aghade, jama ea, fefera vovorurie. 24Tago, an&#225; ghaa seibe bubua aria, togho yafabe ea, yavatava dea, toru-tara urota, yaura tariri urota vitirie.</div><div class="p"> 25Irieta, rifoda bingoiva Iesu vorea, uvu etova de&#297; ea, unda ambo nimbidava arie. 26Irueta gigiguturie-gea, oru ea, egh&#225; regeguturie, &#8220;Ariee, en&#225; taimu re!&#8221; rirota, koko-koko regeguturota aregea, farara egeguturie. 27Oru egegutueta gerurie-gea, Iesu na egh&#225; ririe, &#8220;Am&#243; reta! Mania oru egegata! Ano egege!&#8221;</div><div class="p"> 28Agh&#225; ririeta ningia, Pita na egh&#225; ririe. &#8220;Jojabee gaa bee im&#243; iradora mo, rege, am&#243; uvu etova de&#297; ea ya, im&#243; tambore!&#8221; 29Agh&#225; ririeta, Iesu na Pita du, &#8220;Vorea fu!&#8221; ririeta, Pita ghaa rovareta vorea, uvu etova de&#297; ea, Iesu dava arie. 30Tago, um&#243; irurota, an&#225; yaura gagarua gerurie-gea, oru ea, uvu rova degimbea vovorurota, Iesu du ririe, &#8220;Aee Jojabee, am&#243; sonembe!&#8221; 31Agh&#225; ririeta, gaimbo ambi Iesu na ingo sinia, Pita da ingova righia ririe, &#8220;Indava gaabee ari tefo ra? Dodu neno jabura rio?&#8221;</div><div class="p"> 32Agh&#225; rea doa, Pita ung&#225; Iesu gha furia, ghaa rova vivitueta, yaura yavatada tor&#250;-tor&#250; sidara urie. 33Agh&#225; urieta, unda ambo nimbi nanjogo an&#225; ghaa rova vitiria-mi &#8220;Gaa bee, im&#243; an&#225; God da mendi re.&#8221; rirota, und&#250; tumogha ba&#297; egeguturie. 34Ea, n&#250;mane rekimbea aria, roo enda ijoko Genesaraet anava terua, ghaa gaiturie. Genesaraet rera, an&#225; kambesi gevoto, kot&#250; anada rova naa ijoijokoko dumeni irita urie. 35Agh&#225; urieta, an&#225; kambesiva enembo Iesu tanana egeguturie-gea, aghi ititurieta an&#225; roo enda, kasava naa nanjogo dano n&#250;manda kae bua vitiria enembo unumbea, Iesu dava bua fufuguturie. 36Furia bubua, Iesu &#8220;avore&#8221; rata, an&#225; kae bua vitiria enembo undava bubua, tefo unda eembo bimbiva sinia righia jejebugari-du rea, benunu egeguturie. Kot&#250; an&#225; agh&#225; egeguturia enembo dano, jejebuguturie.</div>
 </div>
 </div>
</div>

Fefera aghade, Galili Frovensi da kotofuko, Herot umó Iesu da ari-bari donu ua-da bingánu ningia, unda buro kakatodu, eghá ririe, “Ená embó mo, Jon Bafutaito Ari Katona amburari vareta jebugea erora-jogo. Amindu umó ano jojabe bua, ená ari ivata anogha eta rouvie.”
Aghá nundubuturia-da bee mo, Herot unda ikoko Filip da evetu, ragaro Herodias, ufuva yagera uria-du Jon Bafutaito ari kato erea, Herot du eghá reta urie, “Imó aná evetu yagera urota, agho dari bejitureravore.” Aghá reta uria-du, Herot na Jon nandia bundia bua aria, diburava gajiturie. Herot neno akuago urota, Jon data amburari-du uno urie. Tago, natofo jededa nundubariva Jon umó feroveta jojabe eini regeguturia-nu ningia, umó natofodu oru urie.
Aghá urota, Herot da sirorari fefera furia buburiturieta, Herodias da aririmi bubua, aná banau uria-va daa unona didivurie. Aghá ueta gia, Herot gangoro urie-gea, be anogha gajiturota, eghá ririe. “Imó eini-eini nanjogodu uno ea radora, amó utaitare.” Aghá ririeta ningia, Herodias erea, unda ariridu eghá ririe, “Ii, radi-gea, Jon Bafutaito ari katoda beforonu divegea tevova fendia utota, bofu, bare!” Aghá ririeta ningia, unda ariri aria, nueda riria gaga dabako aghago Herot du ririe.
Aghá ririeta ningia, Kini Herot neno mema urie. Tago, esega enembo banauva buburituria-da dibeva be anogha gajituria-nu nundubea, aná aririda uno ea riria aghago sirorari-du ririe. Aghá ririe-gea, unda buro kakato aria, dibura kambesiva Jon da ukonu diveguturie. Divegea, Jon da beforo tevova fendia fumbua furia, aná ariridu ututurieta, bua aria, nuedu ututurie. Aghá urieta, Jon da ambo nimbi aná bingá niningigea furia, Jon da tamo bua aria furuguturie. Furuguturia-da ambova, númane aria, Iesu dava bubua, Iesu dava isuri egeguturie.


Aghá ririeta ningia, Iesu aná kambesi doa serigea, ghaava* vorea, unuka enembo tefo kambesiva arie. Arieta, Iesu da bingá niningiguturie-gea, natofo jede númanda naa mane dodogea ombova, Iesu da ambova ekami igiguturie. Aria bubua, avo fugea iririgutueta, Iesu aria, ghaa ga vitia geruria mo, natofo jededu neno mema ea, númanda kae enembo urieta jejebuguturie.
Jama beede unda ambo nimbimi furia, Iesu du eghá regeguturie. “Ená kambesiva enembode kambode tefo re. Kotú jama rouvieta ená natofo ninenge, ya naava undari tava ea, gurimi utua bua undidigoe!” Aghá regeguturieta, Iesu númandu mino eghá ririe, “Dodu yadu? Undari nímanena ututuge, undidigoe!” Aghá ririeta, unda ambo nimbi mino eghá regeguturie. “Námandava farava ingari ingo yoveni kotú uvu oka ungaghade nuenembo vitie.” Aghá regeguturieta, Iesu na eghá ririe, “Bua eve, andava fufuge!”
Anada ambova, Iesu na ririeta, aná natofo yavaira etova asusumbuturieta, umó aná farava ingari ingo yovenide uvu oka ungaghade bua, dibe jará ea uutuva urota, God Afadava “aiye” rirota, aná farava righia ingegebea, unda ambo nimbidu ututurieta bubugea, aná natofodu vesa egeguturie. Vesa egeguturieta, bua dirieta inono uria, anada itoto dumeni dodoguturia-nu, Iesu da ambo nimbimi erea bua, kanda jojabebei dano 12 anava fefendiguturie. Avore, embobo dano 5,000 undari undidiguturie-tago, aná evevetu sasingu manede jo irugambi re.


Undari undidiguturia-da ambova, jo gaimbo ambi, Iesu na tatavami unda ambo nimbi ririeta, ghaava* vorea, yoveniva rekimbea igigutueta, umó aná natofo nineguturieta tará egegutueta gia doa, Iesu ootova benunu aita unuka yavurie. Aghade, jama ea, fefera vovorurie. Tago, aná ghaa seibe bubua aria, togho yafabe ea, yavatava dea, toru-tara urota, yaura tariri urota vitirie.
Irieta, rifoda bingoiva Iesu vorea, uvu etova deĩ ea, unda ambo nimbidava arie. Irueta gigiguturie-gea, oru ea, eghá regeguturie, “Ariee, ená taimu re!” rirota, koko-koko regeguturota aregea, farara egeguturie. Oru egegutueta gerurie-gea, Iesu na eghá ririe, “Amó reta! Mania oru egegata! Ano egege!”
Aghá ririeta ningia, Pita na eghá ririe. “Jojabee gaa bee imó iradora mo, rege, amó uvu etova deĩ ea ya, imó tambore!” Aghá ririeta, Iesu na Pita du, “Vorea fu!” ririeta, Pita ghaa rovareta vorea, uvu etova deĩ ea, Iesu dava arie. Tago, umó irurota, aná yaura gagarua gerurie-gea, oru ea, uvu rova degimbea vovorurota, Iesu du ririe, “Aee Jojabee, amó sonembe!” Aghá ririeta, gaimbo ambi Iesu na ingo sinia, Pita da ingova righia ririe, “Indava gaabee ari tefo ra? Dodu neno jabura rio?”
Aghá rea doa, Pita ungá Iesu gha furia, ghaa rova vivitueta, yaura yavatada torú-torú sidara urie. Aghá urieta, unda ambo nimbi nanjogo aná ghaa rova vitiria-mi “Gaa bee, imó aná God da mendi re.” rirota, undú tumogha baĩ egeguturie. Ea, númane rekimbea aria, roo enda ijoko Genesaraet anava terua, ghaa gaiturie. Genesaraet rera, aná kambesi gevoto, kotú anada rova naa ijoijokoko dumeni irita urie. Aghá urieta, aná kambesiva enembo Iesu tanana egeguturie-gea, aghi ititurieta aná roo enda, kasava naa nanjogo dano númanda kae bua vitiria enembo unumbea, Iesu dava bua fufuguturie. Furia bubua, Iesu “avore” rata, aná kae bua vitiria enembo undava bubua, tefo unda eembo bimbiva sinia righia jejebugari-du rea, benunu egeguturie. Kotú aná aghá egeguturia enembo dano, jejebuguturie.

Ascolta Matyu 14