Basketo - 2014 BSE (NT) Drama

Basketo - 2014 BSE (NT) Non Drama

ዪና̇ ኢዝ ኬሊ̇ ፋ̈ሲጋ ጌይዛ ቂጻ ሙይዝ ባ̈ሊ ዬሊ̇ንዶ̈ን፥ ቄ̈ስ ኣላቃንኬ ሙ̈ሳ ሂጋ̇ ታማ̈ርሲዛን ዎርዣ̈ብ ኢ̈ጪ̇ኖኮታ̇ቦ “ኑ ዬሱ̈ሳ ዎዛርታ̇ር ዎሳኔ” ጋ̈ሪ ኤ̈̇ ዎሲዝ ጎይ ኮዪ ኤ̈̇ዴ። ታጶ̇ ናምኢ ዬሱ̈ሳ ታማ̈ራን ጋርታ̇ፖ̇ ፔታ̇ና ዪሁዳ ኣስቆሮ̈ቶ ጌዪ ጼይጊንቲ̇ዝ ና̈ሳ ጋርታ̇ ሴ̈ጣና ጌሊዴ። ኢያሬ ቄ̈ሳ ኣላቃንኬኬ ጾ̈ሳ̇̇ ኬ̈̈ቦ ኣላቃ ማ̈ቂ̇ኖንኮ ሉካ̇ሪ ዬሱ̈ሳ ዎዛርታ̇ር ኣ̈ ኢንታ̇ብ ኢማ̇ንዳብ ዳንዳኢ̈ርኮ ኢንታ̇ባር ሶ̈ሊንቲ̇ዴ። ኢንታ̇ሬ ኢ ሶ̈ሊኖ ሶ̈ሊንባር ኡፋይታ̇ሪ ሚ̈ሺ̇ ኢ̈ብ ኢማ̇ንዳብ ቃ̈ላ ጌሊዴ። ኢያር ኢንቲ̇ ጌይኖንባር ኤ̈ኤ ጋ̈ሪ ዎርዣ ኤራካ̇ይዶ̈ር ዬሱ̈ሳ ኢንታ̇ብ ኣ̈ ኢማ̇ንዳብ ኮሽ̇ ቃም ኮዪ ኤ̈̇ዴ።


ኢናፖ̇ ዓኒ ፋ̈ሲጋ ዶራ ሹኪ̇ንቲ̇ዝ ቂጻ̇ ባ̈ላ ዬሊ̇ዴ። ዬሱ̈ሳሬ “ኑ ፋ̈ሲጋ ኢራ̈ቲን ሞ̈ምፔኒ ጊ̈ጊሲብቴ̇” ጋ̈ሪ ጴ̈ጥሮ̈ሳኬ ዋ̈ኒ̇ሳኬ ኪ̈ቲ̇ ሚሺዴ።
ኢንታ̇ር ኢ̈ኮ “ኑ ዎይዲ ጊ̈ጊሳምፔ̇̈ን ኔ ኮያ̈ራ?” ጋ̈ር ኦይጪ̇ዴ።
ኢያሬ “ዪንቲ̇ ካታሚን ጋርታ̇ ጌላዚምባራ ዋ̈ ኦትባር ቶ̈ኪ̇ኖ ኣስ ዴጚ̈ሬ። ኢ ሉካ̇ር ጌላዝ ኣ̈ሊን ጋርታ̇ ኢ ዎሂን ሉካ̇ር ጌሊብቴ̇። ኣ̈ሊን ባ̈ባ̈ኮ ‘ኣስታማ̈ራ̈ዲ “ታ̈ኒ ታ ታማ̈ራንባር ዎልኣ ፋ̈ሲጋ ኢ̈ራታ ሞ̈ምፔ̇̈ን ዛቃ̇ ጌላዝ ኬ̈ን ዎኒ̇ያ?” ጌይሬ’ ጋ̈ር ኦይጪ̇ብቴ። ኢያሬ ፎ̈ቃ ጋልዳ̇ ዪጺንቲ̇ ዎ ሻክ ኬ̈ ዪንታ̇ ቤይሲ̈ሬ። ኢና ኑ̈ብ ጊ̈ጊሲብቴ̇” ጌይዴ። ኢንታ̇ር ሉካ̇ዚምባር ኪን ዬሱ̈ሲ ጌይኖንዲፌ̈ን ማ̈ቃ̇ር ቤንቲ̇ን ኢና ፋ̈ሲጋ ኢራ̈ታ ጊ̈ጊሲዴ። ኢራ̈ታ ሳኣ̈ቲን ዬሊ̇ን ዬሱ̈ሲ ፌ ሃዋ̈ራታን ታጶ̇ ናምኣንባራ ዎልኣ ሞ̈ንዳ̇ብ ዶኢዴ። ኢያር ኢንታ̇ኮ “ሜቲን ታ̈ና ዬላ̇ናፖ̇ ቲ̈ን ዓና̇ ፋ̈ሲጋ ኢራ̈ቲን ቴ ዪንታ̇ባራ ዎልኣ ሞ̈ንዳ̇ቦ ዎይሊን ኢኒ̇ቲ̇ዶ̈ን፥ ቴ ዪንታ̇ክ ጋ̈ዚንዳ፥ ዓና̇ ኑ ዎልኣ ሙይኖን ፋ̈ሲጋ ኢራ̈ቲን ሚስጢሪን ቢርሺቺን ጾ̈ሳ̇̇ ካ̈ቲቲን ጋርታ ፎቲንቲ̇ዝ ዲራ̈ስ ታ̈ኒ ዓኒ̇ፖ̇ ጌዳ ናምኢ ፋሲጋ ኢራታ ሞ̈ባሴ።
ኢናፖ ጺዊን ኤካ̇ሪ ጾ̈ሳ̇̇ ጋላቲኖፖ̇ ዓኒ ኢንታኮ “ዓይሺቴ ዎይን ዓኒ̇ ጋርታ̇ፖ ኡሽኪብቴ̇። ቴ ዪንታ̇ክ ጋ̈ዚንዳ ዓኒፖ̇ ጌዳ ጾ̈ሳ̇̇ ካ̈ቲቲን ዬይዝ ዲራ̈ስ፥ ዓና̇ ዎይና ኣ̈ፍ ጪ̈ጪኖን ኡሽካባሴ” ጌይዴ።
ሶ̈ሊ̇ንዳር ኤካ̇ሪ ጾ̈ሳ̇̇ ጋላታሪ ዳርሲ̇ ኢንታ̇ብ ኢሚ̇̈ርዶሪ “ዓና̇ ቴ ዪንታ̇ኮታ̇ብ ኢማ̇ዝ ቴ ኣይሺ̇ንዶ̇፥ ዓኒ̇ባራ ቴ ዪንታ̇ ጊሽ ዓይቂ̇ኖን ኤልቅ ዎቲብቴ̇” ጌይዴ። ዪና̇ ኢዝፌ̈ኒ ኢራ̈ቲን ሙይኖፖ ዎሃ ጺዊን ኤካ̇ሪ ኢንታኮ “ዓና̇ ጺዊንዳ̇ ዪንታ̇ኮታ̇ብ ዉሊንታ̇ዝ ቴ ሱ̈ንባር ፎቲንቲ̇ዝ ኦራ ጫ̈ቂንዶ።
“ዎቲናካሬ ታ̈ና ኣ̈ ኢሚ̇ዝ ና̈ሳዲ ታባር ዎልኣ ሌ̈ማቲን ጋርታ̇ ፌ ኩሺን ሚሺኖ̈ዳ። ታ ኣሳ ናኣ ማ̈ቄ̇ጌይንዶ̇ ጾ̈ሳ̇̈ዲ፥ ቲ̈ን ዓና̇ ማ̈ቃ̇̈ሬ ጌይኖንዲፌ̈ኒ ቴ ዓይቃ̇ዚን ኣታ̇ባስዶ̈ን፥ ታ̈ና ኣ̈ ኢሚ̇ዝ ና̈ሳ ኢ ባዚ ኣዬ̇!” ጌይዴ። ኢንታ̇ሬ “ኑ ጋርታ̇ፖ̇ ዪኖ̇ ዎቲዛ ኢ ኦ̈ናዶ̈ኔ?” ጋ̈ሪ ዎልዎልኣ ኦይጪ̇ዴ።
ኢናፖ̇ ኢንቲ̇ “ኑ ጋርታፖ̇ ሺዛ ኦ̈ኖ?” ዪዝ ጌዪ ዎልዎልኣ ዋች ኤ̈̇ዴ። ዬሱ̈ሲ ኢንታ̇ኮ “ዎርዣ ኣቂሲዝ ካ̈ቲንታ̇ን ፌ ዎርዣ ዎልቃባር ኣቂሲ̈ሬ። ዪን ዎርዣ ጋልዳ ፌ ሲልጣ̈ና ቤይሲዝ ኣሳን ‘ዎርዣ̈ብ ኮሽ ኦ̈ዝ ኣሴ’ ጌዪ ፌ̈ና ጼይጊ̈ሬ። ዎቲናካሬ ዪንቲ̇ ዪ̈ዲፌን ዎታፒ̇ቴ። ዪንታ̇ ጊዳ̇ ጴች ማ̈ቂ̇ኖ ኣሲ ፌ̈ና ዪርክ ዎቶ፤ ኣላቃ ማ̈ቂ̇ኖ̈ዳሬ ኣይላፌ̈ን ማ̈ቆ̇። ዪዚ ዶኣር ፊ̈ሺ ሙይዛፔኬ ኤቃ̇ር ሙሲዛ̈ፖ ሺዛ ኦ̈ኖ? ዶኣር ሙይዛ̈ዳ ባያ? ዎቲናካሬ ታ̈ኒ ዪንታ̇ ጊዳ̇ ኤቃ̇ር ሙሲዝ ና̈ሳዳፌ̈ኔ። ዪንቲ̇ ታ̈ና ሜታ ዬሊ̇ኖ ኬል̇ባራ ቴ ላፋፖ ፋካካ̇ይዶ̈ር ታባር ሚ̈ጛር ጋምኢኖን። ቴ ባ̈ባ ታ̈ና ሹ̈ሚኖንዲፌ̈ኒ ቴ ዪንታ̇ ቴ ካ̈ቲቲን ጋልዳ ሹ̈ማ̈ሬ። ዪና̇ሬ ዪንቲ̇ ቴ ካ̈ቲቲን ጋርታ̇ ዶኣር ሞ̈ንፔ̈ንኬ ኡሽካምፔ̈ኒ ማ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ኮ̈ራን ጋልዳ̇ ፊርዳምፔ̈ኔ” ጌይዴ። ማ ዬሱ̈ሲ ኢንታ̇ኮ “ሲሞ̈ኖ! ሲሞ̈ኖ! ሲስካ̇ቤ ሴ̈ጣኖ ዪንታ̇ ዜርቃፌ̈ን ፊሪሳንዳቦ ታ̈ና ጌሺንዶ̈ን፥ ታ̈ኒ ኔ ኔ ኣማ̇ኒን ጋልዳፖ̇ ኬዳካ̇ይፌ̈ኒ ኔኮታ̇ብ ዎ̈ሳ̇ዴ። ኔ̈ናር ታ̈ክ ማ̈ቂ̇ኖ ኬል̇ባራ ኔ ኢሺንታ̇ን ሚ̈ንቤ” ጌይዴ።
ሲሞ̈ኒ ኢ̈ኮ “ጎዳ̈ዶ! ቴ ኔባር ቃሺ ኣ̈ል ጌላንዳባር ማ̈ቂ̇ን፥ ዓይቃ̇ንዳባር ጊ̈ጊንቲኔ!” ጌይዴ።
ዬሱ̈ሲ ኢ̈ኮ “ጴ̈ጥሮ̈ሶ! ቴ ኔ̈ብ ሶ̈ሎ፥ ኔ ዓታ̇ቦ ኩታ ኦ̈ላ̇ካ̇ይዶ̈ን ዓይዚ̇ ቶህ ‘ቴ ኢያ ኤራባሴ’ ጋ̈ር ታ̈ና ካዳ̈ሬ” ጌይዴ።
ኢናፖ̇ ዬሱ̈ሲ ኢንታ̇ኮ “ቴ ዪንታ̇ ሚ̈ሺ̇ ኤ̈̇ዝ ኮራጃ ባዪ፣ ቃርጺሪ̈ታ ባዪ፣ ጫ̈ማ̇ ባዪ ሚሺኖ ኬሊ̇ንባራ ዪንታ̇ብ ዲሪጚኖ ባዚ ዎ?” ጋ̈ር ኦይጪዴ። ኢንታ̇ር ኢ̈ኮ “ኑ̈ብ ኣባካር ዲሪጚኖ ባዚ ባዬ” ጋ̈ር ማሂዴ።
ኢያር ኢንታ̇ኮ “ዪዚ ዓት ሚ̈ሺ̇ ኤ̈̇ዝ ኮራጃሬ ቃርጺሪ̈ታሬ ዎ ባ̈ቦ ፌባር ኤ̈̇ ጋ̈ቤ። ማሺ̇ ባዮ ኣሲ ፌ ኣፊሊን ዎጛሪ ፌ̈ብ ማሺ̇ ዎጛ ጋ̈ቤ። ቴ ዪንታ̇ክ ጋ̈ዚንዳ ‘ኢ ዉጫ ኣሳንባራ ፋይዲንቲ̇ዴ’ ጌዪ ጌ̈ሻ̇ ማጻ̈ፋ ጋልዳ̇ ጻ̈ፊንቲ̇ኖን ቴ ጋልዳ̇ ፎቲንታ̇ንዳብ ኮሻ̇̈ሬ። ቴኮታ̇ብ ጻ̈ፊንቲ̇ኖን ፎቲንታ̇ዝ ኬሊ̇ን ኪን ዬሊ̇ኔ” ጌይዴ። ኢ ታማራን ኢ̈ኮ “ጎዶ! ናምኢ ማሺ̇ ዓይ ዎ” ጌይን፥ ኢያሬ “ዪ ጊዲ̈ሬ” ጌይዴ።


ዬሱ̈ሲ ቲ̈ን ፌ ዎታዚንዲፌ̈ኒ ዳብራዛይታ ኢንዲ̇ንኮ̇ ሉኪ̇ን ኢ ታማ̈ራንር ኢ ዎሂን ሉኪ̇ዴ። ኢንቲ̇ ኢና ዬሊ̇ኖንዲፌ̈ኒ ዬሱ̈ሲ ኢንታ̇ኮ “ዪንቲ̇ ፋታና ጋርታ ጌላካዮ̈ዲፌ̈ኒ ዎ̈ሲ̇ብቴ̇” ጌይዴ ኢ ኢንታጋልዳፖ ሙቃ̇ ጌዳ ኣ̈̇ሪ ቡቂንታ̇ር ዎ̈ሲ̇̈ርዶሪ፥ “ታ ባ̈ባ̈ዶ! ኔ ኮያዶኮ ዓና̇ ሜቲን ቴ ጋልዳፖ̇ ኣ̈ቤ። ማ ዪና̇ ቴ ጌይኖንዲፌ̈ን ጊዳካ̇ይዶ̈ን ኔ ጌይኖንዲፌ̈ን ማ̈ቆ̇ጋ̈ቤ” ጌይዴ። [ጾ̈ሳ̇̇ ኪ̈ታንቻ̇ ኣፋፖ̇ ኢ̈ብ ቤንታ̇ሪ ኢያ ሚ̈ንዴ። ኢ ዎይሊን ጫናቂንታ̇ሪ ሚ̈ጛር ዎ̈ሲ̇ዴ። ዪና̇ ኢዝባራ ኢ ጫዊንዳ̇ ሱ̈ፌ̈ን ሳ̈ዳ̇ ጾኪ ኤ̈̇ዴ።]
ኢ ዎ̈ሲ̇ ማ̈ቃ̇ሪ ፌ ታማ̈ራንኮ ዬ̈ዚምባራ ኢንታ̇ር ሙርሚ̇ኖኮታ̇ቦ ሱርቂ̇ንዶ̈ን ኢንታ̇ ዲጛሪ ኢንታኮ “ዪንቲ̇ ኣባብ ሱርቂ̈ራ? ፋታና ጋርታ̇ ጌላካ̇ዮ̈ዲፌ̈ኒ ዲንዳ̇ር ዎ̈ሲ̇ብቴ̇” ጌይዴ።


ዬሱ̈ሲ ቢርት ዪኖ̇ ሶ̈ላዚምባራ፥ ዎይሊን ኣሲ ኢ̈ክ ዬይዴ። ታጶ̇ ናምኣን ጋርታ̇ፖ̇ ፔታ̇ና ዪሁዳ ጌይዝ ና̈ሳ̈ዲ ኢንታ̇ ቲ̈ኒ ኤኪ̇ ዬይዴ። ኢናፖ̇ ኢያ ዬርቃንዳ̇ብ ዬሱ̈ሳክ ኡኪ̇ዴ። ዬሱ̈ሲ ኢ̈ኮ “ኣን ዪሁዶ! ኔ ታ̈ና ኣሳ ናኣ̈ዳ ዬርሳባር ኣ̈ ኢማ̈̇ራ?” ጌይዴ።
ዬሱ̈ሳ ቡጊድባራ ዎ ኣሳን ኢንቲ̇ ዎታዚን ቤቃ̇ሪ ኢ̈ኮ “ጎዳ̈ዶ! ኑ ማሻ̇ባር ኢንታ ቃኔ?” ጌይዴ። ኢንታ̇ ጋርታ̇ፖ̇ ፔታ̇ና̈ዲ ቄ̈ሳ ኣላቃንቦ ኣላቃ ኣይላ ዋይን ኡሻቺ̇ን ማሻ̇ባር ቃጺ̇ዴ።
ዬሱ̈ሲ ኢ̈ኮ “ኣሻ̇ቤ! ማሃር ዪፌ̈ን ዎታፔ̇” ጌይዴ። ና̈ሳ ዋይን ቃጺንቲ̇ኖንዳ̇ር ኤ̈̇ር ፋዴ።
ኢናፖ̇ ዬሱ̈ሲ ፌ̈ና ኤ̈̇ንዳብ ዬይኖ ቄ̈ስ ኣላቃንቦ፣ ጾ̈ሳ̇̇ ኬ̈ን ና̈ጊዝ ዛባ ኣላቃንብኬ ጋዳ ጪጛሻንኮ “ዪንቲ̇ ፋ̈ና̇ ኤ̈̇ዝ ኣስፌ̈ኒ ማሽ̇ኬ ጉፋኬ ኤ̈̇ር ዬይቴ̇? ቴ ዎይ ጋላስ ጾ̈ሳ̇̇ ኬ̈ ጋርታ̇ ዪንታ̇ባር ዎ ኬሊ̇ ታ̈ና ኤ̈ካ̇ዬ። ዓቲ̇ ዓ̈ዲ ዪንታ̇ኬ ሴ̈ጣናኬ ኮዪኖ ባዝ ኦ̈ንዳ̇ብ ዪንታ̇ብ ኢሚ̇ንቲ̇ኖ ኬሌ̇” ጌይዴ።


ኢናፖ̇ ዎሃ ዬሱ̈ሳ ኤ̈̇ ኤኪ̇ ሉካ̇ሪ ቄ̈ሳ ኣላቃንቦ ኣላቃ ኣ̈ል ጋሲን ጋርታ̇ ጌልሲ̇ዴ። ጴ̈ጥሮ̈ሳር ጎት̇ባራ ኢ ዎሂን ዬ̇ዴ። ኣሳንር ኢና ጋሲን ጋርታ̇ ታማ ኤይሪ ዎል ፔታ̇ን ዶኣር ታማ ካሽኪ̇̈ርዶ̈ን፥ ጴ̈ጥሮ̈ሲ ዬ̈ሪ ኢንታ̇ባር ዶኢዴ። ኢ ታማ ላፍ ዶኢንዶ̈ን ፔቲ̇ ኣሽካሪንዳ̇ ኢያ ኮት ዎታ ቤቃራ “ና̈ሳ ዪ̈ዳሬ ዬሱ̈ሳባር ዎ ኣሲሽዋ” ጋ̈ዴ። ኢ ኢዝኮ “ኣ̈ሼ! ቴ ኢያ ኤራባሴ” ጌይዴ።
ጊላ̇ ጋምኢኖፖ̇ ዓኒ ሜላ ፔቲ̇ ኣሲ ኢያ ቤቃ̇ሪ “ኔ̈ናር ማ ኢንታ̇ ጋርታ̇ፖ ፔታ̇ና̈ዳባያ!” ጌይዴ። ጴ̈ጥሮ̈ሳር ኢ̈ኮ “ኔ ና̈ሳ ዓ̈ዶ! ታ̈ና ጊዳካ̇ዬ” ጌይዴ።
ፔቲ̇ ሳኣ̈ታ ማ̈ቃ̇ምፔ̈ን ጋምኣሪ ሜላ ፔቲ̇ ኣሲ “ኪንባር ዓ̈ ና̈ሳ ጋሊላ ኣስ ማ̈ቂ̇ኖኮታ̇ቦ ኣባካር ጌይን ኢባር ዎ ኣሴ” ጌይዴ። ጴ̈ጥሮ̈ሲ ና̈ሳ̈ኮ “ኔ ና̈ሳ ዓ̈ዶ! ኔ ጌይዝ ና̈ሳ ቴ ኢያ ኤራባሴ!” ጌይዴ። ዪና̇ ኢ ሶ̈ላር ቢርት ዉርሳካ̇ይዶ̈ን ኩታ ኦ̈ሊ̇ዴ። ዪኒ̇ባራ ጎዳ ቢሪንታ̇ሪ ኢያ ቤቂ̇ዴ። ጴ̈ጥሮ̈ሲ ጎዳ ኢ̈ኮ “ዓታ̇̈ብ ኩታ ኦ̈ላ̇ካይዶ̈ን ዓይዚ̇ ቶህ ኔ ታ̈ና ካ̈ዳ̈ሬ” ዪዝ ጋ̈ር ሶ̈ሊኖ̈ን ኢ̈ክ ኤልቅ ጋ̈ዴ። ኢናፖ̇ ዛ̈ና ኬስካ̇ሪ ሲክ ሲክ ጌዪ ዬ̈ኪ̇ዴ።


ዬሱ̈ሳ ኤ̈̇ር ና̈ጊዝ ኣሳን ኢ ጋልዳ ቃልዲ̇ ኢያ ቡኪ̇ ዎቲዴ። ኢ ኣ̈ፊን ጫርቃባር ቃቻ̇ሪ “ኔ̈ና ቡካ̇ ኦ̈ኖ? ዪዚ ኔ ናቢኮ ዪኖ̇ ኤራቤ!” ጌንት ኤ̈̇ዴ። ሜላር ዎይሊን ኢ̈ታ ባዝ ኢ ጋልዳ ሶ̈ሊ ሙታ̇ዶ̈ር ኢያ ቆ̈ሲ ኤ̈̇ዴ።


ሳ̈ዚ ዎንቲ̇ኖፖ̇ ዓኒ ጋድ ጪጛሻን፣ ቄ̈ሳ ኣላቃንኬ ሙ̈ሳ ሂጋ̇ ታማ̈ርሲዛን ዎል ሺ̈ቃሪ ዬሱ̈ሳ ፌ ዳይናን ቲ̈ን ሺ̈ሺ̇ዴ። ዳይናንር ዬሱ̈ሳኮ “ኔ ክርስቶ̈ስኮ ዪዚ ኑ̈ብ ሶ̈ሊኔ” ጌይዴ። ኢያር ኢንታ̇ኮ “ቴ ዪንታ̇ብ ሶ̈ሊናር ዪንቲ̇ ታ̈ና ኣማ̇ኒባ̈ሴ፥ ቴ ዪንታ̇ ኦይጪ̇ናር ዪንቲ̇ ታ̈ብ ማሂባ̈ሴ፥ ዎቲናካሬ ዓኒ̇ ሳኣ̈ቲምፖ̇ ኤ̈̇ር ታ̈ኒ ኣሳ ናኣ̈ዲ ጾ̈ሳ̇̈ብ ኡሻች ጎይ ዶኣ̈ሬ” ጌይዴ። ዪና̇ ኢዝባራ ዎይን ኢ̈ኮ “ዓት ዪ̈ዶኮ ኔ̈ኒ ጾ̈ሳ̇̇ ናኣ?” ጋ̈ር ኦይጪ̇ዴ። ኢያሬ “ኣ̈! ዪንቲ̇ ጌይኖንዲፌ̈ኒዬ” ጌይዴ። ኢንታ̇ሬ “ዪዚ ኑ̈ቦ ሜላ ማርካ ኣብዝ ኮዪሲ̈ራ? ኢ ፌ̈ብ ፌ ኖ̈ናባር ሶ̈ሊኖን ኑ ሲስኪዴ!” ጌይዴ።

Ascolta ሉቃ̈ሳ 22