Kinga: Ʉtesitamentɨ Ʉmpya mu nzovele jya Kɨkɨnga (New Testament+)

Ʉtesitamentɨ Ʉmpya mu nzovele jya Kɨkɨnga

<div class="version vid2312 iso6393zga" data-vid="2312" data-iso6393="zga">
 <div class="book bkMAT">
 <div class="chapter ch20" data-usfm="MAT.20">
 <div class="label">20</div><div class="s">&#407;k&#616;hwananitso kya vavombi mu g&#649;nda gwa mizabibu</div><div class="p"> 1&#8220;&#580;L&#649;deeva lwa K&#649;kyanya l&#649;hwaniine n&#649; mwenek&#616;l&#616;m&#616;la kya mizabibu mpamato. &#580;muunu &#649;jwa aalaavile pav&#649;siku, akal&#649;ta kulonda avavombi va k&#649;vomba &#616;mbombo mu k&#616;l&#616;m&#616;la kya mwene. 2Akavavona avaanu avaalondaga amal&#616;mo, ak&#616;&#616;d&#616;ng&#700;ana navo &#649;k&#649;vahomba n&#649; jy&#649;nge &#649;l&#649;hombo lwa k&#616;gono k&#616;pamato,#20:2 &#580;l&#649;hombo lwa k&#616;gono k&#616;pamato Mu K&#616;yunaani j&#616;v&#616;gilwe dinali. &#580;v&#649;ganulu wa limenyu &#616;l&#616; lola k&#649; l&#649;t&#649;ng&#649; lwa mamenyu amahenza agal&#616; k&#649; v&#649;mal&#616;lo wa k&#616;tabu &#616;k&#616;. pw&#649; akavah&#616;l&#616;ka k&#649; k&#616;l&#616;m&#616;la kya mwene. 3W&#649; kasiike akaval&#616;lo ka daatu pav&#649;siku, ikange akah&#649;ma pa nyumba jya mwene, akagendela pa soko, akavavona avaanu avange v&#616;mile apo k&#616;tsila mbombo. 4Akavav&#649;&#649;la akata, &#8216;Najy&#649;nyie mub&#616;hage kuvomba &#616;mbombo mu k&#616;l&#616;m&#616;la kyango kya mizabibu. &#580;ne j&#649;ndik&#649;vahomba &#649;l&#649;hombo &#649;l&#649;vanogye.&#8217; 5Avo naveene vak&#616;&#616;d&#616;k&#616;la, vakal&#649;ta. &#580;mwenek&#616;l&#616;m&#616;la &#649;jwa akagaha v&#649;le v&#649;le pamuunyi pagati n&#649; w&#649; &#616;lits&#649;va l&#616;p&#616;ndw&#616;ke, akavah&#616;l&#616;ka avaanu avange mu k&#616;l&#616;m&#616;la kya mwene &#616;kyo. 6Ikange, w&#649; l&#616;l&#616; pa k&#649;seema &#616;lits&#649;va, akah&#649;ma k&#649;nzi k&#649; nyumba jya mwene, akal&#649;ta pa soko, akavavona avaanu avange v&#616;mile apo. Akavav&#649;&#649;tsa akata, &#8216;K&#616;ki &#649;nyie mul&#616;ndile apa &#616;k&#616;gono kyoni k&#616;tsila mbombo?&#8217; 7Pw&#649; aveene vakamwanda vakata, &#8216;Natuk&#649;mbona &#649;muunu &#649;va k&#649;t&#649;pa &#616;mbombo.&#8217; &#580;mwene akavav&#649;&#649;la akata, &#8216;Najy&#649;nyie mub&#616;hage kuvomba &#616;mbombo mu k&#616;l&#616;m&#616;la kyango kya mizabibu.&#8217;</div><div class="p"> 8&#8220;K&#649;mihe, &#649;mwenek&#616;l&#616;m&#616;la kya mizabibu &#649;jwa akamb&#649;&#649;la &#649;v&#616; &#616;&#616;m&#616;&#616;l&#616;laga &#616;mbombo jya mwene akata, &#8216;V&#616;&#616;lange avavombi vooni pak&#649;ta &#649;vahombe &#649;l&#649;hombo lwa veene. W&#649; vuk&#649;vahomba, &#649;teng&#649;le na vavombi &#649;w&#649; vakiitsile k&#649; v&#649;mal&#616;lo n&#649; k&#649;mal&#616;la k&#649; valya avakiitsile pa v&#649;teng&#649;l&#616;lo.&#8217; 9Pw&#649; avavombi valya &#649;w&#649; viitsile w&#649; &#616;lits&#649;va l&#616;l&#616; pa k&#649;seema, n&#649; jy&#649;nge ak&#649;&#649;p&#616;l&#616;la indalama tsa l&#649;hombo lwa k&#616;gono k&#616;pamato. 10Avavombi avatatsi w&#649; vahegelye pa kw&#649;p&#616;l&#616;la &#649;l&#649;hombo, val&#616;k&#649;h&#649;&#649;v&#616;la &#649;k&#649;ta vikw&#649;p&#616;l&#616;la &#649;l&#649;hombo &#649;l&#649;l&#649;t&#616;&#616;lye pa l&#649;hombo lwa vajyavo avakiitsile k&#649; v&#649;mal&#616;lo. L&#616;no naveene v&#649;v&#649;le v&#649;le, n&#649; jy&#649;nge akahombwa &#649;l&#649;hombo lwa k&#616;gono k&#616;pamato. 11W&#649; v&#649;p&#616;lye, vakateng&#649;la &#649;kw&#616;lwenga val&#616;k&#649;ta, 12&#8216;Avaanu va k&#649; v&#649;mal&#616;lo valya, vavombile &#616;mbombo k&#649; kaval&#616;lo kapamato v&#649;v&#649;le, pw&#649; k&#616;ki &#649;t&#649;pye &#649;l&#649;hombo &#649;l&#649;l&#616;ng&#700;iine na veene, w&#649; &#649;we &#616;k&#616;gono kyoni t&#649;l&#616;ndile mu l&#649;ts&#649;va tuvomba &#616;mbombo &#616;mala?&#8217; 13&#580;mwenek&#616;l&#616;m&#616;la &#649;jwa akamwanda mpamato mu vaanu avo akata, &#8216;Gwe mmanyaani vango, nand&#616;k&#649;syovili &#616;k&#616;veetsaga. Ndeeti, nat&#649;k&#616;&#616;d&#616;ng&#700;ane &#649;l&#649;hombo lwa k&#616;gono k&#616;pamato? 14Toola indalama tsyako, &#649;hege apa! &#580;ne nd&#616;lamwe &#649;k&#649;mmomba &#649;muunu &#649;j&#649; &#649;va k&#649; v&#649;mal&#616;lo &#649;l&#649;hombo &#649;l&#649;l&#616;ng&#700;iine n&#649; lwave. 15Ndeeti, nand&#616;l&#616; n&#649; v&#649;vopolwa wa k&#649;sivombela isiinu syango nd&#649;w&#649; ndinogwa? Evo &#649;l&#616; n&#616; k&#616;vini &#649;lwak&#649;va nd&#616;l&#616; mwipa siitso k&#649; vange?&#8217; &#8221; 16&#580;Y&#616;&#616;s&#649; akatsova ikange akata, &#8220;Pw&#649; avaanu va k&#649;nsana valaava va mb&#649;longolo na vaanu va mb&#649;longolo valaava va k&#649;nsana.&#8221;</div><div class="s">&#580;Y&#616;&#616;s&#649; itsova &#649;lwa daatu &#649;k&#649;ta jiibudwa</div><div class="r">(Maliko 10:32-34; Luuka 18:31-34)</div><div class="p"> 17&#407;k&#616;gono k&#616;pamato &#649;Y&#616;&#616;s&#649; na vakongi va mwene vaal&#649;taga k&#649; Yelusalemu. W&#649; val&#616; mu nz&#616;la, akavatoola avakongi valya k&#616;tsigo na vav&#616;l&#616; (12), akal&#649;ta navo apoonu &#649;pw&#649; vaatsiiva veene. Akavav&#649;&#649;la akata, 18&#8220;Lola, twil&#649;ta k&#649; Yelusalemu. &#580;kwene &#649;kwa, &#649;Mwana va Muunu itsihendamwa n&#649; k&#649;h&#616;l&#616;kwa k&#649; vavaha va vateeketsi na vamanyisi va ndag&#616;lo. Avo vitsik&#649;mm&#616;ga &#649;k&#649;ta abudwe, 19n&#649; k&#649;nsupulila k&#649; vaanu avatava Vayahudi. Avo vitsik&#649;n&#700;jejev&#649;la, vitsik&#649;ntova ni sikoti n&#649; k&#649;ntovelela pa k&#616;daming&#700;anie. Napeene, pa k&#616;gono &#616;kya daatu, jiits&#649;&#649;ka.&#8221;</div><div class="s">Avaana va Zebedayo vilonda &#649;w&#616;&#616;m&#616;kiwa</div><div class="r">(Maliko 10:35-45)</div><div class="p"> 20&#407;k&#616;gono k&#616;pamato, &#649;vanyina va Yakobo n&#649; Yohana, avaana va Zebedayo, akab&#616;ha kwa Y&#616;&#616;s&#649; paninie na vaswambe avo. Akasugama pav&#649;longolo pa Y&#616;&#616;s&#649;, akan&#700;doova antange k&#616;lya &#616;ky&#649; idoova. 21&#580;Y&#616;&#616;s&#649; akamb&#649;&#649;tsa akata, &#8220;Vunogwa nd&#616;k&#649;tange k&#616;ki?&#8221; Pw&#649; &#649;mwene akamwanda akata, &#8220;Ndidoova &#649;vatav&#649;le avaana vango ava vav&#616;l&#616;, viitse vave valongotsi paninie n&#649;&#649;ve mu L&#649;deeva lwako, impamato iitse ataame k&#649; k&#616;voko kyako &#616;kya k&#649;ndyo, &#649;jy&#649;nge k&#649; k&#616;voko kyako &#616;kya k&#649;ng&#700;&#616;g&#616;.&#8221; 22&#580;Y&#616;&#616;s&#649; akaanda akata, &#8220;Namuk&#616;manyili &#616;ky&#649; mudoova! Ndeeti, j&#649;muweesa &#649;k&#649;nywela &#616;k&#616;nywelo kya v&#649;k&#649;v&#616;lwa &#649;v&#649;l&#649;ti#20:22 &#580;k&#649;nywela &#616;k&#616;nywelo kya v&#649;k&#649;v&#616;lwa &#649;v&#649;l&#649;ti kw&#649; k&#649;ta &#649;kw&#616;d&#616;ka &#649;k&#649;k&#649;v&#616;lwa nd&#649;w&#649; &#649;Y&#616;&#616;s&#649; ilotsa kuk&#649;v&#616;lwa. &#616;ky&#649; nd&#616;pya ndinywela &#649;ne?&#8221; Vakamwanda vakata, &#8220;Eena, tuweesa.&#8221; 23&#580;Y&#616;&#616;s&#649; akavav&#649;&#649;la akata, &#8220;Tsa j&#616;lweli, &#616;k&#616;kong&#700;olo &#616;ky&#649; nd&#616;pya ndinywela, j&#649;munywela. L&#616;no, &#616;kulongwi jya k&#649;taama k&#649; k&#616;voko kyango &#616;kya k&#649;ndyo evo &#616;kya k&#649;ng&#700;&#616;g&#616; nambombo jyango &#649;k&#649;vatav&#649;la &#649;nyie. &#580;Daada mwene v&#616; alavapa avaanu &#649;w&#649; avanotsehiitse.&#8221;</div><div class="p"> 24Avakongi avange k&#616;tsigo (10) w&#649; vagap&#649;liike ago, vakavaviipila avanamuunu avo vav&#616;l&#616;. 25Pw&#649; &#649;Y&#616;&#616;s&#649; akav&#616;&#616;langa avakongi va mwene vooni, akavav&#649;&#649;la akata, &#8220;Mul&#649;manyile &#649;k&#649;ta avalongotsi va mu k&#616;l&#649;nga vivonia &#649;v&#649;twa wa veene, n&#649; k&#649;valongotsa avaanu k&#649; maka. 26Napanogiili &#649;nyie &#649;k&#649;vomba ewo, apeene &#649;muunu &#649;vaveetsaga &#649;v&#616; inogwa &#649;k&#649;va indongotsi pagati paanyie, v&#616; aveetsage imbombi viinyo. 27Ikange, &#649;muunu &#649;vaveetsaga &#649;v&#616; inogwa &#649;k&#649;va k&#649;v&#649;longolo kwanyie, v&#616; aveetsage mbanda#20:27 Aveetsage mbanda &#407;k&#616;tsovo &#616;k&#616; kitsova ikulongwi tsa muunu &#649;vivomba &#616;mbombo k&#649; ntwa va mwene k&#616;tsila k&#649;hombwa &#616;k&#616;veetsaga k&#649; mbombo &#616;jyavombile. K&#649; nz&#616;la &#616;j&#616;, &#649;we pat&#649;nogye &#649;k&#649;vavombela avaanu avange k&#616;tsila k&#649;tsigila &#649;l&#649;hombo. &#407;ngave tuk&#649;vavombela avaanu avange ewo, apo twiva tuk&#649;mbombela &#649;Ng&#649;l&#649;ve (Mataayo 10:40; 22:37-40; Yohana 15:9-17). viinyo, 28nd&#649;w&#649; najy&#649;ne nd&#616; Mwana va Muunu nanditsili kuvombelwa, nditsile kuk&#649;vavombela avaanu n&#649; kw&#616;h&#649;mya &#649;w&#649;&#649;mi wango &#649;k&#649;ta nd&#616;vapoke avaanu vongosu.&#8221;</div><div class="s">&#580;Y&#616;&#616;s&#649; ik&#649;vaponia avabosu vav&#616;l&#616;</div><div class="r">(Maliko 10:46-52; Luuka 18:35-43)</div><div class="p"> 29&#580;Y&#616;&#616;s&#649; na vakongi va mwene vakasika mu v&#649;tsenge &#649;waatamb&#649;lwagwa Yeliko. K&#649;mbele vakahega mu v&#649;tsenge &#649;wa n&#616; k&#616;p&#649;ga &#616;k&#616;vaha kya vaanu k&#616;l&#616;k&#649;nkonga. 30Avabosu vav&#616;l&#616; vaataamile k&#649; l&#649;kanzimbale lwa nz&#616;la &#616;jy&#649; &#649;Y&#616;&#616;s&#649; aagendye. W&#649; vap&#649;liike &#649;k&#649;ta v&#616; Y&#616;&#616;s&#649; il&#649;t&#616;ng&#700;ania, vakooveela vakata, &#8220;Gwe Ntwa, Mwana va nk&#649;l&#649;deeva &#649;Dav&#649;di,#Mataayo 9:27 tudoova &#649;t&#649;kolele &#616;k&#616;sa!&#8221; 31Avaanu va k&#616;p&#649;ga &#616;kyo vakavatanila pak&#649;ta vanuunale, l&#616;no aveene vakagendelela &#649;kw&#616;langa val&#616;k&#649;ta, &#8220;Gwe Ntwa, Mwana va nk&#649;l&#649;deeva &#649;Dav&#649;di, tudoova &#649;t&#649;kolele &#616;k&#616;sa!&#8221; 32&#580;Y&#616;&#616;s&#649; ak&#616;&#616;ma, akav&#616;&#616;langa n&#649; k&#649;vav&#649;&#649;tsa akata, &#8220;Munogwa nd&#616;vavombele k&#616;ki?&#8221; 33Vakamwanda vakata, &#8220;Gwe Ntwa, tudoova &#649;t&#649;ponie amiiho, t&#649;lolage.&#8221; 34Pw&#649; &#649;Y&#616;&#616;s&#649; akavakolela &#616;k&#616;sa, akavaabaasa amiiho ga veene. &#580;ns&#616;k&#616; g&#649;&#649;gwa, amiiho ga veene gakapona, vakateng&#649;la &#649;k&#649;lola, vakankonga &#649;Y&#616;&#616;s&#649;.</div>
 </div>
 </div>
</div>

“ɄLʉdeeva lwa Kʉkyanya lʉhwaniine nʉ mwenekɨlɨmɨla kya mizabibu mpamato. Ʉmuunu ʉjwa aalaavile pavʉsiku, akalʉta kulonda avavombi va kʉvomba ɨmbombo mu kɨlɨmɨla kya mwene. Akavavona avaanu avaalondaga amalɨmo, akɨɨdɨngʼana navo ʉkʉvahomba nʉ jyʉnge ʉlʉhombo lwa kɨgono kɨpamato, pwʉ akavahɨlɨka kʉ kɨlɨmɨla kya mwene. Wʉ kasiike akavalɨlo ka daatu pavʉsiku, ikange akahʉma pa nyumba jya mwene, akagendela pa soko, akavavona avaanu avange vɨmile apo kɨtsila mbombo. Akavavʉʉla akata, ‘Najyʉnyie mubɨhage kuvomba ɨmbombo mu kɨlɨmɨla kyango kya mizabibu. Ʉne jʉndikʉvahomba ʉlʉhombo ʉlʉvanogye.’ Avo naveene vakɨɨdɨkɨla, vakalʉta. Ʉmwenekɨlɨmɨla ʉjwa akagaha vʉle vʉle pamuunyi pagati nʉ wʉ ɨlitsʉva lɨpɨndwɨke, akavahɨlɨka avaanu avange mu kɨlɨmɨla kya mwene ɨkyo. Ikange, wʉ lɨlɨ pa kʉseema ɨlitsʉva, akahʉma kʉnzi kʉ nyumba jya mwene, akalʉta pa soko, akavavona avaanu avange vɨmile apo. Akavavʉʉtsa akata, ‘Kɨki ʉnyie mulɨndile apa ɨkɨgono kyoni kɨtsila mbombo?’ Pwʉ aveene vakamwanda vakata, ‘Natukʉmbona ʉmuunu ʉva kʉtʉpa ɨmbombo.’ Ʉmwene akavavʉʉla akata, ‘Najyʉnyie mubɨhage kuvomba ɨmbombo mu kɨlɨmɨla kyango kya mizabibu.’
“Kʉmihe, ʉmwenekɨlɨmɨla kya mizabibu ʉjwa akambʉʉla ʉvɨ ɨɨmɨɨlɨlaga ɨmbombo jya mwene akata, ‘Vɨɨlange avavombi vooni pakʉta ʉvahombe ʉlʉhombo lwa veene. Wʉ vukʉvahomba, ʉtengʉle na vavombi ʉwʉ vakiitsile kʉ vʉmalɨlo nʉ kʉmalɨla kʉ valya avakiitsile pa vʉtengʉlɨlo.’ Pwʉ avavombi valya ʉwʉ viitsile wʉ ɨlitsʉva lɨlɨ pa kʉseema, nʉ jyʉnge akʉʉpɨlɨla indalama tsa lʉhombo lwa kɨgono kɨpamato. Avavombi avatatsi wʉ vahegelye pa kwʉpɨlɨla ʉlʉhombo, valɨkʉhʉʉvɨla ʉkʉta vikwʉpɨlɨla ʉlʉhombo ʉlʉlʉtɨɨlye pa lʉhombo lwa vajyavo avakiitsile kʉ vʉmalɨlo. Lɨno naveene vʉvʉle vʉle, nʉ jyʉnge akahombwa ʉlʉhombo lwa kɨgono kɨpamato. Wʉ vʉpɨlye, vakatengʉla ʉkwɨlwenga valɨkʉta, ‘Avaanu va kʉ vʉmalɨlo valya, vavombile ɨmbombo kʉ kavalɨlo kapamato vʉvʉle, pwʉ kɨki ʉtʉpye ʉlʉhombo ʉlʉlɨngʼiine na veene, wʉ ʉwe ɨkɨgono kyoni tʉlɨndile mu lʉtsʉva tuvomba ɨmbombo ɨmala?’ Ʉmwenekɨlɨmɨla ʉjwa akamwanda mpamato mu vaanu avo akata, ‘Gwe mmanyaani vango, nandɨkʉsyovili ɨkɨveetsaga. Ndeeti, natʉkɨɨdɨngʼane ʉlʉhombo lwa kɨgono kɨpamato? Toola indalama tsyako, ʉhege apa! Ʉne ndɨlamwe ʉkʉmmomba ʉmuunu ʉjʉ ʉva kʉ vʉmalɨlo ʉlʉhombo ʉlʉlɨngʼiine nʉ lwave. Ndeeti, nandɨlɨ nʉ vʉvopolwa wa kʉsivombela isiinu syango ndʉwʉ ndinogwa? Evo ʉlɨ nɨ kɨvini ʉlwakʉva ndɨlɨ mwipa siitso kʉ vange?’ ” ɄYɨɨsʉ akatsova ikange akata, “Pwʉ avaanu va kʉnsana valaava va mbʉlongolo na vaanu va mbʉlongolo valaava va kʉnsana.”


Ɨkɨgono kɨpamato ʉYɨɨsʉ na vakongi va mwene vaalʉtaga kʉ Yelusalemu. Wʉ valɨ mu nzɨla, akavatoola avakongi valya kɨtsigo na vavɨlɨ (12), akalʉta navo apoonu ʉpwʉ vaatsiiva veene. Akavavʉʉla akata, “Lola, twilʉta kʉ Yelusalemu. Ʉkwene ʉkwa, ʉMwana va Muunu itsihendamwa nʉ kʉhɨlɨkwa kʉ vavaha va vateeketsi na vamanyisi va ndagɨlo. Avo vitsikʉmmɨga ʉkʉta abudwe, nʉ kʉnsupulila kʉ vaanu avatava Vayahudi. Avo vitsikʉnʼjejevʉla, vitsikʉntova ni sikoti nʉ kʉntovelela pa kɨdamingʼanie. Napeene, pa kɨgono ɨkya daatu, jiitsʉʉka.”


Ɨkɨgono kɨpamato, ʉvanyina va Yakobo nʉ Yohana, avaana va Zebedayo, akabɨha kwa Yɨɨsʉ paninie na vaswambe avo. Akasugama pavʉlongolo pa Yɨɨsʉ, akanʼdoova antange kɨlya ɨkyʉ idoova. ɄYɨɨsʉ akambʉʉtsa akata, “Vunogwa ndɨkʉtange kɨki?” Pwʉ ʉmwene akamwanda akata, “Ndidoova ʉvatavʉle avaana vango ava vavɨlɨ, viitse vave valongotsi paninie nʉʉve mu Lʉdeeva lwako, impamato iitse ataame kʉ kɨvoko kyako ɨkya kʉndyo, ʉjyʉnge kʉ kɨvoko kyako ɨkya kʉngʼɨgɨ.” ɄYɨɨsʉ akaanda akata, “Namukɨmanyili ɨkyʉ mudoova! Ndeeti, jʉmuweesa ʉkʉnywela ɨkɨnywelo kya vʉkʉvɨlwa ʉvʉlʉti ɨkyʉ ndɨpya ndinywela ʉne?” Vakamwanda vakata, “Eena, tuweesa.” ɄYɨɨsʉ akavavʉʉla akata, “Tsa jɨlweli, ɨkɨkongʼolo ɨkyʉ ndɨpya ndinywela, jʉmunywela. Lɨno, ɨkulongwi jya kʉtaama kʉ kɨvoko kyango ɨkya kʉndyo evo ɨkya kʉngʼɨgɨ nambombo jyango ʉkʉvatavʉla ʉnyie. ɄDaada mwene vɨ alavapa avaanu ʉwʉ avanotsehiitse.”
Avakongi avange kɨtsigo (10) wʉ vagapʉliike ago, vakavaviipila avanamuunu avo vavɨlɨ. Pwʉ ʉYɨɨsʉ akavɨɨlanga avakongi va mwene vooni, akavavʉʉla akata, “Mulʉmanyile ʉkʉta avalongotsi va mu kɨlʉnga vivonia ʉvʉtwa wa veene, nʉ kʉvalongotsa avaanu kʉ maka. Napanogiili ʉnyie ʉkʉvomba ewo, apeene ʉmuunu ʉvaveetsaga ʉvɨ inogwa ʉkʉva indongotsi pagati paanyie, vɨ aveetsage imbombi viinyo. Ikange, ʉmuunu ʉvaveetsaga ʉvɨ inogwa ʉkʉva kʉvʉlongolo kwanyie, vɨ aveetsage mbanda viinyo, ndʉwʉ najyʉne ndɨ Mwana va Muunu nanditsili kuvombelwa, nditsile kukʉvavombela avaanu nʉ kwɨhʉmya ʉwʉʉmi wango ʉkʉta ndɨvapoke avaanu vongosu.”


ɄYɨɨsʉ na vakongi va mwene vakasika mu vʉtsenge ʉwaatambʉlwagwa Yeliko. Kʉmbele vakahega mu vʉtsenge ʉwa nɨ kɨpʉga ɨkɨvaha kya vaanu kɨlɨkʉnkonga. Avabosu vavɨlɨ vaataamile kʉ lʉkanzimbale lwa nzɨla ɨjyʉ ʉYɨɨsʉ aagendye. Wʉ vapʉliike ʉkʉta vɨ Yɨɨsʉ ilʉtɨngʼania, vakooveela vakata, “Gwe Ntwa, Mwana va nkʉlʉdeeva ʉDavʉdi, tudoova ʉtʉkolele ɨkɨsa!” Avaanu va kɨpʉga ɨkyo vakavatanila pakʉta vanuunale, lɨno aveene vakagendelela ʉkwɨlanga valɨkʉta, “Gwe Ntwa, Mwana va nkʉlʉdeeva ʉDavʉdi, tudoova ʉtʉkolele ɨkɨsa!” ɄYɨɨsʉ akɨɨma, akavɨɨlanga nʉ kʉvavʉʉtsa akata, “Munogwa ndɨvavombele kɨki?” Vakamwanda vakata, “Gwe Ntwa, tudoova ʉtʉponie amiiho, tʉlolage.” Pwʉ ʉYɨɨsʉ akavakolela ɨkɨsa, akavaabaasa amiiho ga veene. Ʉnsɨkɨ gʉʉgwa, amiiho ga veene gakapona, vakatengʉla ʉkʉlola, vakankonga ʉYɨɨsʉ.

Ascolta Mataayo 20