If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

Lambya - 2015 MWI (NT) Drama

<div class="version vid1607 iso6393lai" data-vid="1607" data-iso6393="lai">
   <div class="book bkMAT">
      <div class="chapter ch2" data-usfm="MAT.2">
         <div class="label">2</div><div class="s"><span class="heading">Abayeni aba kubufumilo ubwizuba</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">U Yesu akapapiwa mukaya aka Betelehemu muchigaba icha Yudeya, pakabalilo aka Mwene u Helodi. Bo pachilapo akabalilo panandi, kukiza abamanya ntondwa aba kubufumilo ubwizuba ubwa kaya akakulu nkani aka Yelusalemu. </span><span class="content">  </span></span><span class="verse v2" data-usfm="MAT.2.2"><span class="label">2</span><span class="content">Bakalalusya bakati, &#8220;Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo ubwizuba. Po twiza pakumuchindika.&#8221; </span></span><span class="verse v3" data-usfm="MAT.2.3"><span class="label">3</span><span class="content">Bo u Mwene u Helodi, poka na bantu bosi aba mu Yelusalemu bivwa zinizi, bakavulala mumoyo. </span></span><span class="verse v4" data-usfm="MAT.2.4"><span class="label">4</span><span class="content">U Helodi akabitizya abaputi abasongo na bamanyisi ba Ndaghilo nukubalalusya ukuti, &#8220;Nkimba ko kwiyi kuko u Kilisitu akwiza pakupapiwa?&#8221;</span></span></div><div class="p"><span class="verse v4" data-usfm="MAT.2.4"><span class="content">  </span></span><span class="verse v5" data-usfm="MAT.2.5"><span class="label">5</span><span class="content">Bakamula bakati, &#8220;Mukaya aka Betelehemu muchigaba icha Yudeya. Pakuti ivi vyo vivyo umulaghuzi akasimba ukuti,</span></span></div><div class="q1"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">  </span><span class="note x"><span class="label">#</span><span class=" body">    
        Mik. 5.2
        </span></span><span class="content">&#8216;Wee Betelehemu, muchigaba icha Yudeya</span></span></div><div class="q2"><span class="verse v6" data-usfm="MAT.2.6"><span class="content">ute we munandi uwabumalilo mutwaya tosi utwa mu Yudeya.</span></span></div><div class="q1"><span class="verse v6" data-usfm="MAT.2.6"><span class="content">Mumwako mukwiza pakufuma umulongozi,</span></span></div><div class="q2"><span class="verse v6" data-usfm="MAT.2.6"><span class="content">yuyo akwiza pakubalongozya abantu bane aba Izilayeli.&#8217; &#8221;</span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">U Helodi akabitizizya kubusyefu abayeni aba kubufumilo ubwizuba ukuti amanye akabalilo akenecho kako ulutondwa lukaboneka. </span></span><span class="verse v8" data-usfm="MAT.2.8"><span class="label">8</span><span class="content">Akabatuma ku Betelehemu na mazyu aghakuti, &#8220;Bukagha mumulondelezye nkani umwana yunuyu, nanti mwamwagha mwize mumbuzye ukuti nane imbuke pakumuchindika.&#8221;</span></span></div><div class="p"><span class="verse v8" data-usfm="MAT.2.8"><span class="content">  </span></span><span class="verse v9" data-usfm="MAT.2.9"><span class="label">9</span><span class="content">Bo bivwa kwa mwene bakabuka, po ulutondwa lulo bakalwennya kubufumilo ubwizuba lukalongolela nukwima pamwanya pabuzilo bubo umwana akabapo. </span></span><span class="verse v10" data-usfm="MAT.2.10"><span class="label">10</span><span class="content">Bo balwennya ulutondwa lula, bakahoboka nkani. </span></span><span class="verse v11" data-usfm="MAT.2.11"><span class="label">11</span><span class="content">Bakinjila munyumba nukwennya umwana poka nu nyina u Maliya, bakafughama nukumuchindika. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.</span></span></div><div class="p"><span class="verse v11" data-usfm="MAT.2.11"><span class="content">  </span></span><span class="verse v12" data-usfm="MAT.2.12"><span class="label">12</span><span class="content">Po bakanyokela kuchisu chabo pakwendela izila iyinji, pakuti u Chala akabasoka muchilota ukuti batakanyokele kwa Helodi.</span></span></div><div class="s"><span class="heading">Ukuchimbilila kuchisu icha Ijiputi</span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Bo babuka, uwantumi uwa Mwene akamubonekela u Yosefu muchilota nukumubuzya ukuti, &#8220;U Helodi akwiza pakulonda ukuti amughoghe umwana. Nyamuka musende umwana nu nyina nukuchimbilila kuchisu icha Ijiputi. Wikale kunuko mupaka inkubuzye ukuti wepeko.&#8221; </span></span><span class="verse v14" data-usfm="MAT.2.14"><span class="label">14</span><span class="content">Po u Yosefu akanyamuka pabusiku, akasenda umwana nu nyina nukubuka nabo kuchisu icha Ijiputi, </span></span><span class="verse v15" data-usfm="MAT.2.15"><span class="label">15</span><span class="note x"><span class="label">#</span><span class=" body">Hos. 11.1</span></span><span class="content">kuko akikala mupaka u Helodi akafwa. Izi zikabombiwa pakukwanilisya zizyo u Mwene akanenela mu mulaghuzi ukuti, &#8220;Inkamwitizya umwana wane ukuti epemo mu Ijiputi.&#8221;</span></span></div><div class="s"><span class="heading">Ukughoghiwa kwa bana</span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Bo u Helodi azyaghannya ukuti abayeni aba kubufumilo ubwizuba bala bamuzimbula, akakalala nkani. Akalamula ukuti utwana tosi utulumendo mu Betelehemu na mutwaya utupalamani tosi, tuto tukaba na maka mabili nukwika pasi tughoghiwe. U Helodi akabomba zinizi ukuyana na mumo akamanyilila ku bayeni aba kubufumilo ubwizuba nizya kabalilo kako ulutondwa lula lukaboneka. </span></span><span class="verse v17" data-usfm="MAT.2.17"><span class="label">17</span><span class="content">Zizyo umulaghuzi u Yelemiya akalaghula zikakwanilisiwa ukuti,</span></span></div><div class="q1"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">  </span><span class="note x"><span class="label">#</span><span class=" body">    
        Yel. 31.15
        </span></span><span class="content">&#8220;Izyu likwivwika mu Lama,</span></span></div><div class="q2"><span class="verse v18" data-usfm="MAT.2.18"><span class="content">ukulila nu kufwifwitila ukukulu.</span></span></div><div class="q1"><span class="verse v18" data-usfm="MAT.2.18"><span class="content">U Lakelo akubalila abana bache</span></span></div><div class="q2"><span class="verse v18" data-usfm="MAT.2.18"><span class="content">akukana pakusangaluziwa pakuti bafuye.&#8221;</span></span></div><div class="s"><span class="heading">Ukunyokela ku Nazaleti</span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Bo u Helodi afwa bulo, uwantumi uwa Mwene akamubonekela u Yosefu muchilota mu Ijiputi. </span></span><span class="verse v20" data-usfm="MAT.2.20"><span class="label">20</span><span class="content">Akati, &#8220;Nyamuka, senda umwana nu nyina nyokela kuchisu icha Izilayeli, pakuti babo bakalondagha pakumughogha umwana bafuye.&#8221; </span></span><span class="verse v21" data-usfm="MAT.2.21"><span class="label">21</span><span class="content">Po u Yosefu akanyamuka, akasenda umwana nu nyina nukunyokela ku Izilayeli.</span></span></div><div class="p"><span class="verse v21" data-usfm="MAT.2.21"><span class="content">  </span></span><span class="verse v22" data-usfm="MAT.2.22"><span class="label">22</span><span class="content">Loli bo u Yosefu ivwa ukuti u Alikelabu amupyanite uwise u Mwene u Helodi muchigaba icha Yudeya, akanyila pakubukako. Akasokiwa muchilota, po akabuka muchigaba icha Galileya </span></span><span class="verse v23" data-usfm="MAT.2.23"><span class="label">23</span><span class="note x"><span class="label">#</span><span class=" body">Mlko. 1.24; Luk. 2.39; Yoh. 1.45</span></span><span class="content">nukwikala mukaya aka Nazaleti. Po zizyo abalaghuzi bakalaghula zikakwanilisiwa ukuti, &#8220;Uyu akwiza pakwitiziwa umu Nazalini.&#8221;</span></span></div>
      </div>
   </div>
</div>

The copyright is jointly and equally held by:
©️ The Bible Society of Malawi, 2014
©️ The Word for the World International, 2014

U Yesu akapapiwa mukaya aka Betelehemu muchigaba icha Yudeya, pakabalilo aka Mwene u Helodi. Bo pachilapo akabalilo panandi, kukiza abamanya ntondwa aba kubufumilo ubwizuba ubwa kaya akakulu nkani aka Yelusalemu. Bakalalusya bakati, “Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo ubwizuba. Po twiza pakumuchindika.” Bo u Mwene u Helodi, poka na bantu bosi aba mu Yelusalemu bivwa zinizi, bakavulala mumoyo. U Helodi akabitizya abaputi abasongo na bamanyisi ba Ndaghilo nukubalalusya ukuti, “Nkimba ko kwiyi kuko u Kilisitu akwiza pakupapiwa?”
Bakamula bakati, “Mukaya aka Betelehemu muchigaba icha Yudeya. Pakuti ivi vyo vivyo umulaghuzi akasimba ukuti,
‘Wee Betelehemu, muchigaba icha Yudeya
ute we munandi uwabumalilo mutwaya tosi utwa mu Yudeya.
Mumwako mukwiza pakufuma umulongozi,
yuyo akwiza pakubalongozya abantu bane aba Izilayeli.’ ”
U Helodi akabitizizya kubusyefu abayeni aba kubufumilo ubwizuba ukuti amanye akabalilo akenecho kako ulutondwa lukaboneka. Akabatuma ku Betelehemu na mazyu aghakuti, “Bukagha mumulondelezye nkani umwana yunuyu, nanti mwamwagha mwize mumbuzye ukuti nane imbuke pakumuchindika.”
Bo bivwa kwa mwene bakabuka, po ulutondwa lulo bakalwennya kubufumilo ubwizuba lukalongolela nukwima pamwanya pabuzilo bubo umwana akabapo. Bo balwennya ulutondwa lula, bakahoboka nkani. Bakinjila munyumba nukwennya umwana poka nu nyina u Maliya, bakafughama nukumuchindika. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.
Po bakanyokela kuchisu chabo pakwendela izila iyinji, pakuti u Chala akabasoka muchilota ukuti batakanyokele kwa Helodi.

Bo babuka, uwantumi uwa Mwene akamubonekela u Yosefu muchilota nukumubuzya ukuti, “U Helodi akwiza pakulonda ukuti amughoghe umwana. Nyamuka musende umwana nu nyina nukuchimbilila kuchisu icha Ijiputi. Wikale kunuko mupaka inkubuzye ukuti wepeko.” Po u Yosefu akanyamuka pabusiku, akasenda umwana nu nyina nukubuka nabo kuchisu icha Ijiputi, kuko akikala mupaka u Helodi akafwa. Izi zikabombiwa pakukwanilisya zizyo u Mwene akanenela mu mulaghuzi ukuti, “Inkamwitizya umwana wane ukuti epemo mu Ijiputi.”

Bo u Helodi azyaghannya ukuti abayeni aba kubufumilo ubwizuba bala bamuzimbula, akakalala nkani. Akalamula ukuti utwana tosi utulumendo mu Betelehemu na mutwaya utupalamani tosi, tuto tukaba na maka mabili nukwika pasi tughoghiwe. U Helodi akabomba zinizi ukuyana na mumo akamanyilila ku bayeni aba kubufumilo ubwizuba nizya kabalilo kako ulutondwa lula lukaboneka. Zizyo umulaghuzi u Yelemiya akalaghula zikakwanilisiwa ukuti,
“Izyu likwivwika mu Lama,
ukulila nu kufwifwitila ukukulu.
U Lakelo akubalila abana bache
akukana pakusangaluziwa pakuti bafuye.”

Bo u Helodi afwa bulo, uwantumi uwa Mwene akamubonekela u Yosefu muchilota mu Ijiputi. Akati, “Nyamuka, senda umwana nu nyina nyokela kuchisu icha Izilayeli, pakuti babo bakalondagha pakumughogha umwana bafuye.” Po u Yosefu akanyamuka, akasenda umwana nu nyina nukunyokela ku Izilayeli.
Loli bo u Yosefu ivwa ukuti u Alikelabu amupyanite uwise u Mwene u Helodi muchigaba icha Yudeya, akanyila pakubukako. Akasokiwa muchilota, po akabuka muchigaba icha Galileya nukwikala mukaya aka Nazaleti. Po zizyo abalaghuzi bakalaghula zikakwanilisiwa ukuti, “Uyu akwiza pakwitiziwa umu Nazalini.”

Ascolta Matayi 2