Lagano da Sambi kwa Wanhu Wose

<div class="version vid1125 iso6393cwe" data-vid="1125" data-iso6393="cwe">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Ifa ya Lazalo</div><div class="p"> 1Munhu imwe yoyatangigwe Lazalo kakala mtamu. Munhu ino kakala mkaya wa Besaniya, chibululu chiwakalile wokala Maliya na Masa ndugu yake. 2Maliya ino iyo ija yoyabobode magulu ya Mndewa mavuta ya kunung'hila goya na kuyahangusa kwa mvili zake. Lelo Lazalo lumbu jake iyo yakalile mtamu. 3Ivo ndugu zake Lazalo wamtumila Yesu usenga, &#8220;Mndewa, mbwiyako youmulonda kolumwa.&#8221;</div><div class="p"> 4Yesu viyahulike vino, kalonga, &#8220;Utamu uno hauzamkoma Lazalo bule mbali unpata kwa ichimu cha ukulu wa Mulungu muladi Mwana wa Munhu yatunhizigwe kufosela utamu uno.&#8221;</div><div class="p"> 5Yesu kakala kowalonda Masa na mwali wake na Lazalo. 6Yesu viyahulike kuwa Lazalo mtamu, kongeza kukala siku mbili haja hayakalile. 7Maabaho kawalongela wanahina wake, &#8220;Chibwele Yudeya.&#8221;</div><div class="p"> 8Wanahina wake wamulongela, &#8220;Mfundiza! Siku ndodo zifosile Wayahudi walonda kukukoma na mabwe, habali kolonda uhite kaidi hanhu haja?&#8221;</div><div class="p"> 9Yesu kawedika, &#8220;Imisi ina masaa longo na maidi. Munhu yahagenda imisi hadaha kuikwala, kwaviya kodiwona bung'hulo da isi ino. 10Mbali munhu yahagenda ichilo kezaikwala, kwaviya kabule bung'hulo.&#8221; 11Maabaho Yesu kagendelela kulonga, &#8220;Mbwiyetu Lazalo kagona, mbali niye nohita kumulamsa.&#8221;</div><div class="p"> 12Wanahina wake wamwidika, &#8220;Mndewa, one kagona, kezahona.&#8221;</div><div class="p"> 13Yesu kakala kolonga Lazalo kadanganika, mbali wanahina wake wagesa Lazalo kagona. 14Maabaho Yesu kawalongela funhu funhu, &#8220;Lazalo kadanganika. 15Nodenelela kwa ichimu chenu kwaviya sikalile nayo bule, muladi munitogole. Goza chihite.&#8221;</div><div class="p"> 16Maabaho Tomasi, yatangigwe Mbasa, kawalongela wanahina wayage, &#8220;Goza chihite na mfundiza muladi chidanganike hamwe nayo.&#8221;</div><div class="s">Yesu ni uzilibuko na ugima</div><div class="p"> 17Yesu viyafikile uko, kalufika lukuli lwa Lazalo luwandigwa mdileme lumala siku nne zifosile. 18Chibululu cha Besaniya chikala habehi na Yelusalemu, utali wa ugenzi wa maili mbili, 19ivo Wayahudi wengi weza kwa Masa na Maliya kuwafaliji kwa ifa ya ndugu yawo.</div><div class="p"> 20Masa viyahulike Yesu kokwiza, kahita kumuhokela, mbali Maliya kasigala ukaye. 21Masa kamulongela Yesu, &#8220;Mndewa, one uwile hano, lumbu jangu sigambeyadanganike bule! 22Mbali novimanya hata sambi Mulungu kezakwina chochose chondaunpule.&#8221;</div><div class="p"> 23Yesu kamulongela, &#8220;Lumbu jako kezazilibuka.&#8221;</div><div class="p"> 24Masa kamwidika, &#8220;Novimanya kezazilibuka muna isiku ya uhelelo.&#8221;</div><div class="p"> 25Yesu kamulongela, &#8220;Niye ni uzilibuko na ugima. Munhu yoyose yoyonihuwila niye, hata yahadanganika kezakuwa ngima. 26Na munhu yoyose yeli mgima na yonihuwila niye hezadanganika ng'o!. Vino koyahuwila yayo?&#8221;</div><div class="p"> 27Masa kamwidika, &#8220;Wona, Mndewa! Nohuwila weye kwa Chilisito, Mwana wa Mulungu, yezile mwii isi.&#8221;</div><div class="s">Yesu komulilila Lazalo</div><div class="p"> 28Masa viyalongile vino, kahita ukaye na kumtanga Maliya mwali wake chinyelenyele. Kamulongela, &#8220;Mfundiza kabaha, kokutanga.&#8221; 29Maliya viyahulike vino, kenuka himahima kamuhitila Yesu. 30Yesu kakala yang'hali kwingila muna dibululu, mbali kakala kema hanhu haja haja Masa hayamuhokele. 31Wayahudi wowakalile ukaye wamfaliji Maliya, viwamuwonile Maliya kenuka na kulawa kunze himahima, wagesa kohita kulila kudileme.</div><div class="p"> 32Maliya viyafikile hanhu hayakalile Yesu, kamuwona, kumtumbalila mavindi, na kamulongela, &#8220;Mndewa, one uwile baha, lumbu jangu sigambeyadanganike bule.&#8221;</div><div class="p"> 33Yesu viyamuwonile Maliya kolila na Wayahudi wowezile nayo nawo wolila, kapata luholozi muumoyo wake na kawona usungu. 34Maabaho Yesu kawauza, &#8220;Mumuwanda kulihi?&#8221;</div><div class="p">Wamwidika, &#8220;Mndewa, izo ulole.&#8221;</div><div class="p"> 35Yesu kalila. 36Maabaho Wayahudi walonga, &#8220;Loleni viyamulondile!&#8221;</div><div class="p"> 37Mbali wamwenga walonga, &#8220;One kamuhonya munhu chipofu, vino kapotigwa kumtenda Lazalo sekeyadanganike?&#8221;</div><div class="s">Yesu komzilibula Lazalo</div><div class="p"> 38Yesu viyakalile kaidi na luholozi na kugazigwa muna umoyo wake, kahita mbaka kudileme. Leme ijo dikala tuka digubikigwe na dibwe. 39Yesu kawalongela, &#8220;Dibimbiliseni idibwe!&#8221;</div><div class="p">Masa, lumbu wa ija yadanganike kamulongela, &#8220;Mndewa, mbali kezanung'ha. Kakala siku nne kusongela viyadanganike.&#8221;</div><div class="p"> 40Maabaho Yesu kamulongela, &#8220;Vino sikulongele one wahahuwila kwizawona utunhizo wa Mulungu?&#8221; 41Ivo wadibimbilisa idibwe. Maabaho Yesu kalola kuulanga, kalonga, &#8220;Tata, nokwina hewela kwaviya weye konhegeleza. 42Novimanya kunitegeleza siku zose, mbali nolonga vino muladi wanhu wowemile hano, watogole kuwa weye kunhuma.&#8221; 43Yesu viyalongile ivo, katanga kwa dizi kulu, &#8220;Lazalo, lawa kunze!&#8221; 44Lazalo kalawa kunze, makono yake na magulu yake yazingilizigwa sanda, na chihanga chake chigubikigwa na walo. Yesu kawalongela, &#8220;Mfunguleni na mumuleke yahite.&#8221;</div><div class="s">Wayahudi wotenda mpango wa kumkoma Yesu</div><div class="r">(Masayo 26:1-5; Maliki 14:1-2; Luka 22:1-2)</div><div class="p"> 45Wayahudi wengi wowezile kumulaula Maliya wawona yoyatendile Yesu, ivo wamuhuwila. 46Mbali Wayahudi wamwenga wahita kwa Mafalisayo, wawalongela yaja yoyatendile Yesu. 47Ivo Mafalisayo na wakulu wa nhambiko waiting'hana na wanhu wa chitala cha Wayahudi, waiuzagiza, &#8220;Chitende choni? Munhu ino kotenda mauzauza mengi?&#8221; 48One chihamuleka yagendelele, wanhu wose wezamuhuwila, maabaho Waloma wezakwiza kubananga Kaye yetu ya Mulungu na isi yetu.</div><div class="p"> 49Maabaho imwe wawo, yoyatangigwe Kayafa, yoyakalile Mkulu wa Nhambiko Digogogo umwaka uja, kalonga, &#8220;Mweye mwawabozi! 50Vino hammanyile bule kuwa muhavu munhu imwe kumwenu yadanganike muladi wanhu wa isi yose wakomboligwe?&#8221; 51Hamanyile chiyakalile kolonga, mbali kwaviya kakala mkulu wa nhambiko wa umwaka uja, kalagula kuwa Yesu kezadanganika kwa ichimu cha Wayahudi. 52Wala siyo kwa ichimu cha Wayahudi muhala, mbali kezadanganika muladi yaweke hamwe wana wa Mulungu wowapwililike.</div><div class="p"> 53Ivo kwandusila siku ija, walangulizi wa Wayahudi wazahila nzila ya kumkoma Yesu. 54Ivo Yesu hahitile kaidi kuno kowoneka mwa Wayahudi, mbali kalawa uko na kuhita habehi na bwilingu, kuna ichibululu chitangigwe Efulaimu. Uko kakala na wanahina wake.</div><div class="p"> 55Siku da Dugila da Wayahudi da Pasaka vidikalile habehi kufika, wanhu wengi wahita Yelusalemu muladi wakasafyigwe ing'hali Pasaka kufika. 56Wakala womzahila Yesu, ivo viwaiting'hane muna Ikaye ya Mulungu, waiuzagiza, &#8220;Mwowonaze? Vino hezakwiza bule muna Didugila?&#8221; 57Wakulu wa nhambiko na Mafalisayo walagiliza one munhu yoyose kovimanya kuyeli Yesu, kolondeka yalonge muladi wangwile Yesu.</div>
 </div>
 </div>
</div>

Munhu imwe yoyatangigwe Lazalo kakala mtamu. Munhu ino kakala mkaya wa Besaniya, chibululu chiwakalile wokala Maliya na Masa ndugu yake. Maliya ino iyo ija yoyabobode magulu ya Mndewa mavuta ya kunung'hila goya na kuyahangusa kwa mvili zake. Lelo Lazalo lumbu jake iyo yakalile mtamu. Ivo ndugu zake Lazalo wamtumila Yesu usenga, “Mndewa, mbwiyako youmulonda kolumwa.”
Yesu viyahulike vino, kalonga, “Utamu uno hauzamkoma Lazalo bule mbali unpata kwa ichimu cha ukulu wa Mulungu muladi Mwana wa Munhu yatunhizigwe kufosela utamu uno.”
Yesu kakala kowalonda Masa na mwali wake na Lazalo. Yesu viyahulike kuwa Lazalo mtamu, kongeza kukala siku mbili haja hayakalile. Maabaho kawalongela wanahina wake, “Chibwele Yudeya.”
Wanahina wake wamulongela, “Mfundiza! Siku ndodo zifosile Wayahudi walonda kukukoma na mabwe, habali kolonda uhite kaidi hanhu haja?”
Yesu kawedika, “Imisi ina masaa longo na maidi. Munhu yahagenda imisi hadaha kuikwala, kwaviya kodiwona bung'hulo da isi ino. Mbali munhu yahagenda ichilo kezaikwala, kwaviya kabule bung'hulo.” Maabaho Yesu kagendelela kulonga, “Mbwiyetu Lazalo kagona, mbali niye nohita kumulamsa.”
Wanahina wake wamwidika, “Mndewa, one kagona, kezahona.”
Yesu kakala kolonga Lazalo kadanganika, mbali wanahina wake wagesa Lazalo kagona. Maabaho Yesu kawalongela funhu funhu, “Lazalo kadanganika. Nodenelela kwa ichimu chenu kwaviya sikalile nayo bule, muladi munitogole. Goza chihite.”
Maabaho Tomasi, yatangigwe Mbasa, kawalongela wanahina wayage, “Goza chihite na mfundiza muladi chidanganike hamwe nayo.”

Yesu viyafikile uko, kalufika lukuli lwa Lazalo luwandigwa mdileme lumala siku nne zifosile. Chibululu cha Besaniya chikala habehi na Yelusalemu, utali wa ugenzi wa maili mbili, ivo Wayahudi wengi weza kwa Masa na Maliya kuwafaliji kwa ifa ya ndugu yawo.
Masa viyahulike Yesu kokwiza, kahita kumuhokela, mbali Maliya kasigala ukaye. Masa kamulongela Yesu, “Mndewa, one uwile hano, lumbu jangu sigambeyadanganike bule! Mbali novimanya hata sambi Mulungu kezakwina chochose chondaunpule.”
Yesu kamulongela, “Lumbu jako kezazilibuka.”
Masa kamwidika, “Novimanya kezazilibuka muna isiku ya uhelelo.”
Yesu kamulongela, “Niye ni uzilibuko na ugima. Munhu yoyose yoyonihuwila niye, hata yahadanganika kezakuwa ngima. Na munhu yoyose yeli mgima na yonihuwila niye hezadanganika ng'o!. Vino koyahuwila yayo?”
Masa kamwidika, “Wona, Mndewa! Nohuwila weye kwa Chilisito, Mwana wa Mulungu, yezile mwii isi.”

Masa viyalongile vino, kahita ukaye na kumtanga Maliya mwali wake chinyelenyele. Kamulongela, “Mfundiza kabaha, kokutanga.” Maliya viyahulike vino, kenuka himahima kamuhitila Yesu. Yesu kakala yang'hali kwingila muna dibululu, mbali kakala kema hanhu haja haja Masa hayamuhokele. Wayahudi wowakalile ukaye wamfaliji Maliya, viwamuwonile Maliya kenuka na kulawa kunze himahima, wagesa kohita kulila kudileme.
Maliya viyafikile hanhu hayakalile Yesu, kamuwona, kumtumbalila mavindi, na kamulongela, “Mndewa, one uwile baha, lumbu jangu sigambeyadanganike bule.”
Yesu viyamuwonile Maliya kolila na Wayahudi wowezile nayo nawo wolila, kapata luholozi muumoyo wake na kawona usungu. Maabaho Yesu kawauza, “Mumuwanda kulihi?”
Wamwidika, “Mndewa, izo ulole.”
Yesu kalila. Maabaho Wayahudi walonga, “Loleni viyamulondile!”
Mbali wamwenga walonga, “One kamuhonya munhu chipofu, vino kapotigwa kumtenda Lazalo sekeyadanganike?”

Yesu viyakalile kaidi na luholozi na kugazigwa muna umoyo wake, kahita mbaka kudileme. Leme ijo dikala tuka digubikigwe na dibwe. Yesu kawalongela, “Dibimbiliseni idibwe!”
Masa, lumbu wa ija yadanganike kamulongela, “Mndewa, mbali kezanung'ha. Kakala siku nne kusongela viyadanganike.”
Maabaho Yesu kamulongela, “Vino sikulongele one wahahuwila kwizawona utunhizo wa Mulungu?” Ivo wadibimbilisa idibwe. Maabaho Yesu kalola kuulanga, kalonga, “Tata, nokwina hewela kwaviya weye konhegeleza. Novimanya kunitegeleza siku zose, mbali nolonga vino muladi wanhu wowemile hano, watogole kuwa weye kunhuma.” Yesu viyalongile ivo, katanga kwa dizi kulu, “Lazalo, lawa kunze!” Lazalo kalawa kunze, makono yake na magulu yake yazingilizigwa sanda, na chihanga chake chigubikigwa na walo. Yesu kawalongela, “Mfunguleni na mumuleke yahite.”


Wayahudi wengi wowezile kumulaula Maliya wawona yoyatendile Yesu, ivo wamuhuwila. Mbali Wayahudi wamwenga wahita kwa Mafalisayo, wawalongela yaja yoyatendile Yesu. Ivo Mafalisayo na wakulu wa nhambiko waiting'hana na wanhu wa chitala cha Wayahudi, waiuzagiza, “Chitende choni? Munhu ino kotenda mauzauza mengi?” One chihamuleka yagendelele, wanhu wose wezamuhuwila, maabaho Waloma wezakwiza kubananga Kaye yetu ya Mulungu na isi yetu.
Maabaho imwe wawo, yoyatangigwe Kayafa, yoyakalile Mkulu wa Nhambiko Digogogo umwaka uja, kalonga, “Mweye mwawabozi! Vino hammanyile bule kuwa muhavu munhu imwe kumwenu yadanganike muladi wanhu wa isi yose wakomboligwe?” Hamanyile chiyakalile kolonga, mbali kwaviya kakala mkulu wa nhambiko wa umwaka uja, kalagula kuwa Yesu kezadanganika kwa ichimu cha Wayahudi. Wala siyo kwa ichimu cha Wayahudi muhala, mbali kezadanganika muladi yaweke hamwe wana wa Mulungu wowapwililike.
Ivo kwandusila siku ija, walangulizi wa Wayahudi wazahila nzila ya kumkoma Yesu. Ivo Yesu hahitile kaidi kuno kowoneka mwa Wayahudi, mbali kalawa uko na kuhita habehi na bwilingu, kuna ichibululu chitangigwe Efulaimu. Uko kakala na wanahina wake.
Siku da Dugila da Wayahudi da Pasaka vidikalile habehi kufika, wanhu wengi wahita Yelusalemu muladi wakasafyigwe ing'hali Pasaka kufika. Wakala womzahila Yesu, ivo viwaiting'hane muna Ikaye ya Mulungu, waiuzagiza, “Mwowonaze? Vino hezakwiza bule muna Didugila?” Wakulu wa nhambiko na Mafalisayo walagiliza one munhu yoyose kovimanya kuyeli Yesu, kolondeka yalonge muladi wangwile Yesu.

Ascolta Yohana 11