TƏŊMORFANNE 5
5
Za morsǝ̃ǝ Adam
1Za morsǝ̃ǝ Adam a naiko: Ne cok Masǝŋ mo joŋ Adam, joŋ ko jur ne ki. 2Joŋ dǝwor ne madǝwinni, so ẽe ra. Ne cok mo joŋ ra, ɗii ra ne dǝfuu. 3Adam joŋ syii temere vaŋno tǝtǝl ah jemma sai, so byaŋ we wor jur suu ahe, a tǝgbana ko, ɗii ko ne Set. 4Fahfal Adam mo byaŋ Set, so joŋ syii temere nama, bem wee mawǝǝ ne wee maŋwǝǝ gŋ. 5Pãa syii ah daŋ a temere doraŋ ne jemma sai, so wǝ ne ko.
6So Set joŋ syii temere tǝtǝl dappe, byaŋ Enos. 7So joŋ syii fahfal mo byaŋ Enos temere nama ne tǝtǝl rǝŋ, bem wee wǝǝ ne wee maŋwǝǝ gŋ. 8Pãa syii ah daŋ joŋ temere doraŋ ne jemma tǝ gwa, so wǝ ne ko.
9So Enos joŋ syii jemma jemma doraŋ, byaŋ Kenan. 10So joŋ syii fahfal mo byaŋ Kenan temere nama ne jemma tǝtǝl dappe, bem wee wǝǝ ne wee maŋwǝǝ gŋ. 11Pãa syii ah daŋ joŋ temere doraŋ tǝtǝl dappe, so wǝ ne ko.
12So Kenan joŋ syii jemma rǝŋ, byaŋ Mahalalel. 13So joŋ syii fahfal mo byaŋ Mahalalel temere nama ne jemma nai, bem wee wǝǝ ne wee maŋwǝǝ gŋ. 14Pãa syii ah daŋ joŋ temere doraŋ ne jemma vaŋno, so wǝ ne ko.
15Mahalalel joŋ syii jemma yea tǝtǝl dappe, byaŋ Yared. 16So joŋ syii fahfal mo byaŋ Yared temere nama ne jemma sai, bem wee wǝǝ ne wee maŋwǝǝ gŋ. 17Pãa syii ah daŋ joŋ temere nama ne jemma doraŋ tǝtǝl dappe, so wǝ ne ko.
18Yared joŋ syii temere ne jemma yea tǝtǝl gwa, byaŋ Enok. 19So joŋ syii fahfal mo byaŋ Enok temere nama, bem wee wǝǝ ne wee maŋwǝǝ gŋ. 20Pãa syii ah daŋ joŋ temere doraŋ ne jemma yea tǝtǝl gwa, so wǝ ne ko.
21So Enok joŋ syii jemma yea tǝtǝl dappe, byaŋ Metusala. 22Enok syee ne Masǝŋ fahfal mo byaŋ Metusala syii temere sai, bem wee wǝǝ ne wee maŋwǝǝ gŋ. 23Pãa syii ah daŋ joŋ temere sai ne jemma yea tǝtǝl dappe. 24Enok syee ne Masǝŋ, so comki lwaara ko yao, mor Masǝŋ ɓaŋ ko.
25So Metusala joŋ syii temere ne jemma nama tǝtǝl rǝŋ, byaŋ Lamek. 26So joŋ syii fahfal mo byaŋ Lamek temere rǝŋ ne jemma nama tǝtǝl gwa, bem wee wǝǝ ne wee maŋwǝǝ gŋ. 27Pãa syii ah daŋ joŋ temere doraŋ ne jemma yea tǝtǝl doraŋ, so wǝ ne ko.
28Lamek joŋ syii temere ne jemma nama tǝtǝl gwa, byaŋ welle. 29Ɗii wel ah ne Noa, mor faako: We mai ga gbah jol man ne yeɓ gaɓ man mai na tǝ joŋ ne jol man tǝ fahlii fan lwaa pǝ sǝr mai Masǝŋ mo soɓ ne tǝkẽawãkke. 30Fahfal Lamek mo byaŋ Noa, so joŋ syii temere dappe ne jemma doraŋ tǝtǝl dappe, bem wee wǝǝ ne wee maŋwǝǝ gŋ. 31Lamek joŋ syii temere rǝŋ ne jemma rǝŋ tǝtǝl rǝŋ, so wuu.
32Noa joŋ syii temere dappe, so bem wee wǝǝ sai, a ɗiira ne Sem, Kam tǝkine Yafet.
Valið núna:
TƏŊMORFANNE 5: MUAR
Áherslumerki
Deildu
Afrita
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.