Génesis 7
7
Arcaman Noé yaykusqanmanta
1Chaymantam Noeyta Tayta Dios nirqa:
Aylluykikunapiwan kuska arcaman yaykuy, llapallan runakunamantam qamta allin ruwaqta qawayki.
2Mikunapaq kaq animalkunamantam qanchis paresta orqontin chinantinta yaykuchinki. Mana mikunapaq kaq animalkunatam ichaqa huk paresllata orqontin chinantinta yaykuchinki. 3Alton pawaqkunamantapas qanchis parestam orqontin chinantinta castanman hina yaykuchinki, chaynapi miranankupaq. 4Qanchis punchawmantam kay pachaman parachimusaq tawa chunka punchaw tawa chunka tuta; llapallan kawsaqkuna unanchasqaytam kay pachamanta chinkachisaq, nispa.
5Chaymi Tayta Diospa kamachisqanman hina Noé ruwarqa.
6Kay pachaman sinchi para chayamuyta qallaykuptinmi soqta pachak watanpi Noé kachkarqa.
7 #
Mt 24.38-39; Lc 17.27. Chay sinchi para chayayta qallaykamuptinmi arcaman Noé yaykurqa, warmintin chaynataq churinkunapas warmintinkama. 8Mikunapaq animalkunatapas, mana mikunapaq animalkunatapas, alton pawaq animalkunatapas chaynallataq qasqonpa puriq animalkunatapas, 9Diospa kamachisqanman hinam paresnintintakama orqontin chinantinta arcaman yaykuchirqa.
10Chaymi qanchis punchawmanta kay pachata yakukuna pampayta qallaykamurqa.
11 # 2 Pe 3.6. Soqta pachak watayuq Noé kachkaptinmi, iskay kaq killapa chunka qanchisniyuq punchawninpi, lamar qochapi yakukuna lloqsimurqa, allpa ukumanta yakukuna toqyamurqa, cielopi yakukunapas taqtakaykamurqa.
12Tawa chunka punchaw tawa chunka tutam kay pachaman paramurqa. 13Chay punchawpim arcaman Noeyqa warmintin yaykurqa, yaykurqataqmi churinkunapas, Sem, Cam hinaspa Jafetpas, warmintinkama.
14Paykunawan kuskam yaykurqa castanman hina purun animalkunapas, uywa animalkunapas, qasqonpa puriq animalkunapas, raprayuq tukuy rikchaq animalkunapas. 15Llapallan kawsaq animalkunam paresnintinkama arcaman Noeywan kuska yaykurqaku. 16Tukuy rikchaq animalkunam chinantin orqontin arcaman yaykurqaku Diospa kamachisqanman hina, chaymantam arcapa punkunta Tayta Dios wichqarurqa.
17Tawa chunka punchaw sinchi para kay pachaman chayamuptinmi arcata maymi kasqanmanta yaku wampuchiyta qallaykurqa. 18Yakukuna kay pachaman aswan-aswan huntasqaman hinam arcapas yaku hawanpi wampurqa. 19Yakukunam kay pachaman llumpayta huntarurqa alto orqokunatapas lliwta pampaykunankama. 20Yakuqa llapa orqokunata pamparuspapas yaqa qanchis metro mastaraqmi hoqarikururqa.
21Chaynapim wañururqaku kay pachapi llapallan kawsaqkuna: Qasqonpa puriq animalkuna, alton pawaq animalkuna, uywa animalkuna, purun animalkuna, tukuy rikchaq animalkuna chaynallataq llapa runakunapas. 22Kay pachapi samaywan kawsaqkunam lliw wañururqaku.
23Chaynatam kay pachapi llapallan kawsaqkuna wañururqaku, runakunamanta qallaykuspa uywa animalkuna, qasqonpa puriq animalkuna chaynallataq alton pawaq animalkunapas; aswanqa Noeywan kuska arcapi kaqkunallañam qeparurqaku.
24Pachak pichqa chunka punchawmi yaku kay pachapi qocharayarqa.
Valið núna:
Génesis 7: RCHQ2
Áherslumerki
Deildu
Afrita
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012