Masmur 4
4
Amisye anajo, no arono naman
1Masmur Daud po ratoe. Nto irati akari po vatano matayao ukiny maugavo ransyerane rai ai. Ukinyo rai, wo itari#4:1 Itari ranigwano ‘‘kecapi’’ rai. raeyan dai.
2Sya Amisy, Winyirati Nyo marimbe irati rinai,
ranivara syo nawain syare Nyo rinaraniv.
Arono rino irati anakotaro nsosobe rai, Winyirati Nyo rinapaya irati rai to.
Syare naemen irati rinai, muno Nyo sya ana danajo ore raraniv!
3Inya, vatane weap, wapo inaura tantunawi ma ntoa nandui rati umba nsopija?
Wabekero ayao ama ine mewen dai bo rai
muno wasanuga no aarurijate rai mamo, ntoa nandui rati umba nsopija?
4Syare wadaen: tugae, AMISY Opamo Po vatano atawandi tavondi Ai atayao terave amarom to.
AMISY Po rinaraniv arono risyo anonae.
5Ranivara nyare mpari, weramu vemo nyo ayao kakai rave nora,
yara nyo ratantona vayave no nanuga muno manin dautan no niki ri arono naman.#4:5 Matius 5:23-24; Epesus 4:26
6Syare wapo anakotare rameseo AMISY Ai mamaisyo Apa anaparatote rai,
muno wapanave irati Ai.
7-8Vatano wanui wo raura ware: ‘‘Koveamo reana kovo ana mawese obo rai jakato rema!’’
Vatane umaso manayanambe awa nawaisye ama ino manui wo raugabe rai.
Abo! Sya AMISY, reamare Nya kove mbaro reansai!
Weye anayanambe Winyo raugaje ntami inanuga so rai mamo mo awa rakivan.
9Weti umba risyaje niki ti, riniki mariraave,
weye sya AMISY, Wibuiny irati Nyo rinayaranande ti rino kovo saumane rai!
Valið núna:
Masmur 4: yva
Áherslumerki
Deildu
Afrita
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)