Matí Injíl 1
1
I. PHESHÍ BÁB.
1Yesu Masíh nasabnáma ki Dáúd bachhê, ki Ibrahím bachhê.
2Ibrahím bachh Izhák paidá bíṯẖa, Izhák bachh Yakúb paidá bíṯẖa, Yakúb bachháṉ Yahúdah de áṉhí bráṯẖáṉ de paidá bíṯẖag̱ẖant. 3Yahúdah bachháṉ Pháras de Zárah de azẖ Tamar láfá paidá bíṯẖag̱ẖant, Pháras bachh Hasrom, Hasrom bachh Árám paidá bíṯẖa. 4Árám bachh Aminadáb paidá bíṯẖa, Aminadáb bachh Nahsún paidá bíṯẖa, Nahsún bachh Salmon paidá bíṯẖa. 5Salmon bachh Boaz azẖ Ráhab láfá paidá bíṯẖa, Boaz bachh Obed azẖ Rút láfá paidá bíṯẖa, Obed bachh Yassí paidá bíṯẖa; 6Yassí bachh Dáúd paidá bíṯẖa.
Guḍá Dáúd bachh Sulaimán paidá bíṯẖa; hawán zálá záṯẖo ártha ki aulá Uriyáh zálaṯẖ. 7Sulaimán bachh Rahabiám paidá bíṯẖa, Rahabiám bachh Abiyáh paidá bíṯẖa, Abiyáh bachh Asá paidá bíṯẖa. 8Asá bachh Yahúsafat paidá bíṯẖa, Yahúsafat bachh Yúrám paidá bíṯẖa, Yúrám bachh Uzziyáh paidá bíṯẖa. 9Uzziyáh bachh Yútám paidá bíṯẖa, Yútám bachh Áḵẖaz paidá bíṯẖa, Áḵẖaz bachh Hizkiáh paidá bíṯẖa. 10Hizkiáh bachh Munassí paidá bíṯẖa, Munassí bachh Amún paidá bíṯẖa, Amún bachh Yusiyáh paidá bíṯẖa. 11Yusiyáh bachháṉ Yakúniyáh de áṉhí bráṯẖáṉ de paidá bíṯẖag̱ẖant hawán welá ki Bábul dehá rawag̱ẖí bíṯẖa.
12Bábul dehá rawag̱ẖá phaḏẖá guḍá Yakúniyáh bachh Salatiel paidá bíṯẖa, Salatiel bachh Zarúbábul paidá bíṯẖa. 13Zarúbábul bachh Abiúd paidá bíṯẖa, Abiúd bachh Eliyákím paidá bíṯẖa, Eliyákím bachh Ázúr paidá bíṯẖa. 14Ázúr bachh Sadúk paidá bíṯẖa, Sadúk bachh Aḵẖím paidá bíṯẖa, Aḵẖím bachh Eliúd paidá bíṯẖa. 15Eliúd bachh Eleázar paidá bíṯẖa, Eleázar bachh Matṯẖán paidá bíṯẖa, Matṯẖán bachh Yákúb paidá bíṯẖa. 16Yákúb bachh Yúsaf paidá bíṯẖa, ki áṉhí zál Maryam bíṯẖa. Maryam bachh Yesu paidá bíṯẖa ki áṉhí nám Masíh asti.
17Hacho thewag̱ẖe pusht Ibrahím phaḏẖá Dáúd dáíṉ chahárdah pusht bíṯẖag̱ẖant; Dáúd phaḏẖá Bábul dehá rawag̱ẖá dáíṉ chahárdah pusht; Bábul dehá rawag̱ẖá phaḏẖá Masíh dáíṉ chahárdah pusht.
18Írge Yesu Masíh paidá bíṯẖa: Haḏẖeṉ ki áṉhí máṯẖá Maryam go Yusufá sáng khuṯẖa, peshá ki áṉ goṉ bíṯẖag̱ẖant azẖ Ruh‐ul‐Qudsá dúg̱ẖín bíṯẖa. 19Guḍá áṉhí mardá Yusuf, ki rástbáz aṯẖ wa eshiar áb na khanag̱ẖaṯẖ, hawi saláh khuṯẖa ki man áṉhiar chupkhanáṉ biláṉ deáṉ. 20Waktá ki hawi gálwar dilá khanag̱ẖaṯẖ Huḏẖáwand firishtag̱ẖá whává sahrá bíṯẖo gwashta ki Yá Yúsuf. Dáúd bachh, waṯẖí zálar girag̱ẖá ma turs, pachi ki án bachh ki áṉhí láf neáṉwáṉ bíṯẖa, azẖ Ruh‐ul‐Qudsá bíṯẖa. 21Án zai wa bachh kárí, thau de námá Yesu irkhan pachi ki waṯẖí álamár azẖ gunáh darbarí. 22Hacho bíṯẖa ki hawáṉ gálwar, ki Huḏẖáwand nabiá gwashta, phílav bí ki
23Kaní dug̱ẖín bí, bachhe kárí,
Áṉhí nám Immánuel írkhanant;
ki áṉhí matlav haweshe, Huḏẖá go má phajiá. 24Guḍá Yusuf hág̱ẖá bíṯẖo írge khuṯẖa cho ki Huḏẖáwand firishtag̱ẖá hukm dáṯẖa wa waṯẖí zálar waṯẖí log̱ẖá buṛtha. 25Go áṉhí phajiá goṉ na bíṯẖa dánkho ki waṯẖí pheshí bachh nyártha, wa bachhar nám Yesu irkhuṯẖa.
Valið núna:
Matí Injíl 1: BGPRMAT
Áherslumerki
Deildu
Afrita
Want to have your highlights saved across all your devices? Sign up or sign in
Published in 1884 for the Punjab Bible Society.