TĨĨGI WERE 5
5
WER MANI ADAM WO NO
Ɗúu jar ma ɓaa wo, le see Adam kaʼa hãã wo kaŋge ɓiŋ Nowe
1Mokay diŋ kefder wer mani Adam no. Ti wur maga Baa tĩĩ joŋ Adam, á joŋn de maŋ Baa. 2Á joŋ ra, ma twar wo de ma twãy. Á kal kaŋ bosaʼ ne hara ti, kal kaŋ ɗúu ne hara ga je Táabay, de wur maga á tĩĩ joŋ rage mono.
3De maga kiŋgi Adam joŋ go kis ti ɓe doo swaʼa, á kal biŋ mbarga de maŋge ɓe, doo see ɓe nono, á kal kaŋ ɗúu ne hẽn ga Sede. 4Adam joŋ kiŋgi blam maga se biŋ Sed go ɓuy kiskis nenmaʼa. Á kal biŋ weere ma twerpiiri wo de ma tenaare wo. 5Kiŋgi maga Adam joŋn caw ɓuy baa jag kiskis kaawaʼ ti ɓe doo swaʼa, blam ɓe á kal huugi go.
6De maga kiŋgi Sed joŋ kis ti ɓe dwee mo lay no, á raw biŋ Enoge. 7Sed joŋ kiŋgi caw blam maga se biŋ Enog go kiskis nenmaʼ ti ɓe renam, se kal biŋ weere ma twerpiiri wo de ma tenaare wo. 8Kiŋgi maga Sed joŋn caw ɓuy mokay baa jag go kiskis kaawaʼ ti ɓe hwal ti ɓoge, blam ɓe se kal huugi go.
9De maga kiŋgi Enog doo kaawaʼ, á kal biŋ Kenan. 10Enog joŋ kiŋgi caw blam maga se biŋ Kenan go kiskis nenmaʼ ti ɓe hwal ti dwee, á kal biŋ weere ma twerpiiri wo de ma tenaare wo. 11Kiŋgi maga Enog joŋn caw ɓuy baa jag kiskis kaawaʼ ti ɓe doo dwee, blam ɓe á raw huugi go.
12De maga kiŋgi kenan doo renam mokay, á kal biŋ Mahaleel. 13Kenan joŋ kiŋgi blam maga se biŋ Mahaleel go kiskis nenmaʼ ti ɓe doo naa, á kal biŋ weere ma twerpiiri wo de ma tenaare wo. 14Kiŋgi maga Kenan joŋ caw ɓuy baa jag kiskis kaawaʼ ti ɓe hwale, blam ɓe se kal huugi go.
15De maga kiŋgi Mahaleel doo hiiraʼ ti dwee, á kal biŋ Yered. 16Mahaleel joŋ kiŋgi blam maga se biŋ Yered go kiskis nenmaʼ ti ɓe doo swaʼa, á kal ge biŋ weere ma twerpiiri wo de ma tenaare wo. 17Kiŋgi maga Mahaleel joŋ caw ɓuy baa jag kiskis nenmaʼ ti ɓe doo kaawaʼ ti dwee, blam ɓe se kal huugi go.
18De maga kiŋgi Yered kis ti ɓe doo hiiraʼ ti ɓog, se kal biŋ Henoge. 19Yered joŋ kiŋgi blam maga se biŋ Henog go kiskis nenmaʼa, á kal biŋ weere ma twerpiiri wo de ma tenaare wo. 20Kiŋgi maga Yered joŋ caw ɓuy baa jag kiskis kaawaʼ ti ɓe doo hiiraʼ ti ɓoge, blam ɓe á raw huugi go.
21De maga kiŋgi Henog joŋ doo hiiraʼ ti dwee, se kal biŋ Metusaleme. 22Henog joŋ kiŋgi blam maga se biŋ Metusalem go kiskis swaʼ seege ti jag Baa á kal biŋ weere ma twerpiiri wo de ma tenaare wo. 23Kiŋgi maga Henog joŋn caw ɓuy baa jag kiskis swaʼ ti ɓe doo hiiraʼ ti dwee. 24Henog hay seege ti jag Baa, blam ɓe á joŋ ge caw gà so, werga Baa raw maŋge ɓe.
25De maga kiŋgi Matusalem joŋ kis ti ɓe doo nenmaʼ ti renam, se kal biŋ Lemege. 26Metusalem joŋ kiŋgi blam maga se biŋ Lemeg go kiskis renam ti ɓe doo nenmaʼ ti ɓoge, se kal biŋ weere ma twerpiiri wo de ma tenaare wo. 27Kiŋgi maga Metusalem joŋn caw ɓuy baa jag kiskis kaawaʼ ti ɓe doo hiiraʼ ti kaawaʼa, blam ɓe se kal huugi go.
28De maga kiŋgi Lemeg joŋ kis ti ɓe doo nenmaʼ ti ɓog mo kay, á kal biŋ wele. 29Á kal kaŋ ɗúu ne hẽn ga Nowe, ga : Je ma sen mo caw la joŋ yaŋ nen hã teŋge nen ne naa ti gayre joŋre ma de doo naan wo, ciŋ ti sir maga Manwur faɗn go mono. 30Lemeg joŋ kiŋgi blam maga se biŋ Nowe go kiskis dwee ti ɓe doo kaawaʼ ti dwee, á kal biŋ weere ma twerpiiri wo de ma tenaare wo. 31Kiŋgi maga Lemeg joŋn caw ɓuy baa jag kiskis renam de doo renam ti renam lay, blam ɓe á kal huugi go.
32De maga kiŋgi Nowe joŋ kiskis dwee, á kal biŋ Sem, Kam wo de Jafede.
Valið núna:
TĨĨGI WERE 5: TUP
Áherslumerki
Deildu
Afrita
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.