BOTHUBO 5
5
Adam Kughuko lono Noah Kuto
1Hi no Adam kughuko kaku. Kughou Alhou no timi pulhosü keno, Pa no Alhou jukimihi lono pa lhoe. 2Kiptimi ngo totimi Pa no lhosü, eno panoqo kümghatsü no panoqo je Timi#5:2 Hebrew lo adam ipi kuvetsü. 3Adam no ampe 130 xüve kethiu, pa no pa julho eno pa jukimihi lono anu lakhi papu shilu, eno pa je Seth kutsü. 4Pa nu Seth punuve kethiu Adam mpe ye 800; eno pa ye atianuli kütami ghi ache. 5Ikehu Adam küxü mpe ye 930, eno pa ye thive.
6Seth no ampe 105 xüve kethiuno Enosh ithulu. 7Seth ye Enosh ithuluve kethiu ampe 807 xü eno atianuli kütami ghi ithulu. 8Tishino Seth ye ampe 912 xüno thive.
9Enosh no ampe 90 xüve kethiuno Kenan ithulu. 10Enosh ye Kenan ithuluve kethiu ampe 815 xü eno atianuli kütami ghi ithulu. 11Ikehu pa ye ampe 905 xüno thive.
12Kenan no ampe 70 xüve kethiuno Mahalalel ithulu. 13Kenan ye Mahalalel ithuluve kethiu ampe 840 xü eno atianuli kütami ghi ithulu. 14Tishino pa ye ampe 910 xüno thive.
15Mahalalel no ampe 65 xüve kethiuno Jared ithulu. 16Mahalalel ye Jared ithuluve kethiu ampe 830 xü eno atianuli kütami ghi ithulu. 17Tishino Mahalalel ye ampe 895 xüno thive.
18Jared no ampe 162 xüve kethiuno Enoch ithulu. 19Jared ye Enoch ithuluve kethiu ampe 800 xü eno atianuli kütami ghi ithulu. 20Tishino Jared ye ampe 962 xüno thive.
21Enoch no ampe 65 xüve kethiuno Methuselah ithulu. 22Enoch ye Alhou gholo cheche, pa ye Methuselah ithuluve kethiu ampe 300 xü eno atianuli kütami ghi ithulu. 23Enoch ye ampe 365 xü. 24Pa ye Alhou gholo checheke, eno pa ye phumlave, kughengu Alhou no pa sawuve.
25Methuselah no ampe 187 xüve kethiuno Lamech ithulu. 26Methuselah ye Lamech ithuluve kethiu ampe 782 xü eno atianuli kütami ghi ithulu. 27Tishino Methuselah ye ampe 969 xüno thive.
28Lamech no ampe 182 xüve kethiuno anu lakhi ithulu 29pa je Noah kutsü no pi, “Ampeu no müsüinive keu yeghi lo nino ichheime mla chekeu lono hipau no akukuphu ni lau süghi nani.” 30Lamech ye Noah ithuluve kethiu ampe 595 xü eno atianuli kütami ghi ithulu. 31Tishino Lamech ye ampe 777 xüno thive.
32Noah ye ampe 500 shive kethiuno Shem, Ham eno Japheth ithulue.
Valið núna:
BOTHUBO 5: SUMRVBSI
Áherslumerki
Deildu
Afrita
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More