Mataio 4
4
Diabolo Iesu la kaiae leiti vei kureōpe
(Mareko 1:12–13; Luka 4:1–13)
1Aite Safu Arahoha Iesu la furuka merava voa lariōvi kavōpe, Diabolo sa arero kaiae leiti vei kureai vei.#Heb 2:18; 4:15 2Sare forty aeata faita forty are larietau haute lei, lei vovo meiape; lea ve aite voa are eroa sōpe. 3Soka kaiae leiti vei kureaita arahoha arero tai foreri mō ōpe, A Ualare ve Atute oria, mea fave korukoru la toarōrisa larietau leiti vei moia. 4A—, Iesu tava o mō ōpe, O mō uka laisisea, Karu ve makuri ve ipi larietau voa haria kasirau, a—, Ualare ve ape voa foreraita lea o foromai voa.#Deut 8:3
5Aite Diabolo arero Safu Karikara voa lariōvi foreri, arero ovi Maso Uvi ve tao voa vipi, arero mō ōpe, 6A Ualare ve Atute oria, a ipi voa forea faukaia, ipi o mō uka laisisea, Are areve aneru la aro kiva leiti o moi roi, aea ere ereve mai sa aro tatavai roi, a ave mora la fave sa toai ave.#Sal 91:11–12 7A—, Iesu tava o mō ōpe, O aea ta mō uka laisisea, A Papuvita ave Ualare la etau leiti vei levi seseōvaia.
8Aite Diabolo arero raepa koa‐eka voa lariōvi patei, mearovaeka ve basileia foromai ereve sosorusosoru ita la arero muia, 9mō ōpe, A araro sukakoka hiopi taivotait’ oria, ara mea etau foromai la aro miarai roi. 10A—, Iesu tava o arero ata mō ōpe, Satani e, soeaia; ipi o mō uka laisisea, A Papuvita ave Ualare la sukakoka hiopi maso toaia, arero haria la taivotei maeatia.#Deut 6:13
11Soka Diabolo arero kiripōpe reha. Aneru hea foreri arero toari pepeiape.
Iesu Galilea voa kavōpe
(Mareko 1:14–15; Luka 4:14–15, 31)
12Soka Iesu Ioane la fasi dibura uvi voa sasaukōpe o la mapōpe soa, are Galilea voa kavōpe.#Mat 14:3; Mak 6:17; Luk 3:19–20 13Are Nasareta kiripi, Kaperanauma voa kei lōvoa peiape; lea karikara sitoi poe miri voa, Sebulunu aea Nafatali ve mea voa.#Ion 2:12 14Lōfeare voa peroveta Isaia sa mōri moipe o la okofa leiti vei:
15Sebulunu ve mea, Nafatali ve mea ita,
sitoi ve otiharo Ioridana itai voa,
toruipi hariaharia karu ve Galilea.#4:15–16; Isa 9:1–2
16Murumuru voa aipepeiape karu ovava rovaea la eovi la roroa,
aeata opai ve mea tōvu voa aipepeiape karu voa
ovava rovaea patei foreri la haeaipea.
17Lea soa voa Iesu itoro ari tivi lei fapi mō moiape, Haiiri keroria, kauri ve basileia forerai vei haekao la roi.#Mat 3:2
Iesu satiriaraita karu orakaraka la isōpe
(Mareko 1:16–20; Luka 5:1–11)
18Are Galilea ve Sitoi ve miri voa orapa vovo terōpe soa, are paua ita marehari ita la ofae eavōpe, Simona, Petero rare aravōpe lea vita aea areve marehari Anderea ita, ereuka loko la toaiape, ipi ereuka ekaka tapora karu eavia. 19Eovi Iesu ereukaro mō ōpe, Euka araro aitetei kotiria, aea ara eukaro lei euka karu la usoso ekaka feare tapora lei maravai roi. 20Lō mei, ereuka loko utohoa kiripi, arero aitetei terōpe.
21Are soa taheka ata te, are paua ita marehari ita la ofae ata eavōpe, Iakobo Sebede auka areve marehari Ioane ita, ereuka ereukave oa Sebede ita oroti voa ereve loko uta la sape. Are ereukaro ta isōpe. 22Isa ereuka oroti aea ereukave oa ita la utohoa kiripi, arero aitetei terōpe.
Iesu ve oarehōva tivi
(Luka 6:17–19)
23Aite Iesu Galilea foromai voa sariva lei, ereve sunako uvi uvi voa satiriōri aea basileia ve Ovoro Lareva la itoro a’ a’, aea karu ve eka hariaharia aeata ereve maeapatoita eka hariaharia la lei lareva lei tera vovo meiape.#Mat 9:35; Mak 1:39 24Lōfeare vei areve fari Suria mea foromai voa fafarapaiape. Ere ereve eka karu la arero tai lariōvi foreraiape, eka hariaharia karu, aea hehea rovaea ovaita karu, aea harisu sa toaita karu, maea opaopa eka karu, maea susuru eka karu ita, aea are erero foromai la lei lareva leiape. 25Aea karu sitavu sitavu Galilea voa, aea Dekapoli voa, aea Ierusalema voa, aea Ioridana mai itai voa arero aitetei vovo roroaiape.
Valið núna:
Mataio 4: TQO1983
Áherslumerki
Deildu
Afrita
Want to have your highlights saved across all your devices? Sign up or sign in
Published by the Bible Society of Papua New Guinea in 1983.