Chhòng-sè-kì 2

1Thiⁿ tōe kap bān-siōng í-keng chhòng-chō oân-sêng. 2Tī tē-chhit ji̍t, Siōng-tè oân-sêng I ê kang-chok, chiū tī hit-ji̍t hioh-khùn. 3Siōng-tè sù-hok tē-chhit ji̍t, tēng chit-ji̍t chòe sèng-ji̍t; in-ūi tī chit-ji̍t, Siōng-tè thêng I it-chhè chhòng-chō ê kang#2.3 “in-ūi tī chit-ji̍t, Siōng-tè thêng I it-chhè chhòng-chō ê kang” mā thang e̍k-chòe “tī hit-ji̍t í-chêng, Siōng-tè oân-sêng I chhòng-chō ê kang”., chiū an-hioh. 4Che chiū-sī thiⁿ kap tōe chhòng-chō ê kè-thêng.

Chhòng-chō ê Lēng-gōa Chi̍t Ê Kì-chài

Chú Siōng-tè chō thiⁿ kap tōe ê sî, 5tāi-tōe iáu-bē ū chháu-ba̍k, chhân-iá iáu-bē siⁿ chhài-soe; in-ūi Chú Siōng-tè bô lo̍h-hō͘, mā iáu-bē ū lâng thang chèng-choh. 6Chóng-sī ū chúi tùi tōe chhèng--chhut-lâi, lūn-te̍k tōe-bīn.

7Chú Siōng-tè ēng tōe-chiūⁿ ê thô͘-hún lia̍p-chō lâng, tùi i ê phīⁿ-khang pûn sìⁿ-miā ê khùi; lâng chiū chiâⁿ-chòe ū sìⁿ-miā ê lâng#2.7 Tī Hi-pek-lâi-bûn, “lâng” kap “tōe” ê jī-kun siâng-khoán..

8Chú Siōng-tè tī tang-hng ê I-tiân khai-khún chi̍t ê hn̂g, chiong só͘ chō ê lâng hē tī hit lāi-bīn. 9Chú Siōng-tè hō͘ tōe hoat ta̍k-chióng hó-khòaⁿ ê chhiū-á, kap hó-chia̍h ê ké-chí; tī hn̂g ê tiong-kan mā ū oa̍h-miā-chhiū, kap ōe hō͘ lâng hun-pia̍t siān-ok#2.9 “ōe hō͘ lâng hun-pia̍t siān-ok” mā thang e̍k-chòe “ōe hō͘ lâng tit-tio̍h it-chhè chai-bat”. ê chhiū.

10Ū chi̍t tiâu hô tùi I-tiân lâu--chhut-lâi, koàn-ak hit-ê hn̂g; tùi hia hun-chòe sì tiâu. 11Thâu chi̍t tiâu kiò-chòe Pí-sùn-hô, se̍h Hap-hui-la choân-tōe; hia chhut-sán kim, 12sī siōng-hó ê kim; koh chhut-sán tin-kùi ê phang-liāu kap âng-bé-ló. 13Tē-jī tiâu kiò-chòe Ki-hùn-hô, se̍h Kó͘-si̍t#2.13 “Kó͘-si̍t” mā thang e̍k-chòe “So͘-tan”. choân-tōe. 14Tē-saⁿ tiâu kiò-chòe Tí-kek-lí-su-hô, lâu tùi A-su̍t ê tang-pêng. Tē-sì tiâu chiū-sī Iù-hoat-la-tí-hô.

15Chú Siōng-tè chiong hit-ê lâng an-tùn tī I-tiân-hn̂g, hō͘ i chèng-choh, kò͘-siú hit-ê hn̂g. 16Chú Siōng-tè hoan-hù hit-ê lâng kóng, “Hn̂g-lāi ta̍k-chióng chhiū ê ké-chí, lí lóng thang chia̍h. 17M̄-kú hit-châng ōe hō͘ lâng hun-pia̍t siān-ok ê chhiū, i ê ké-chí lí bōe-ēng-tit chia̍h; lí nā chia̍h, hit-ji̍t lí it-tēng ōe sí.”

18Chú Siōng-tè kóng, “Hit-ê lâng ka-kī chi̍t ê tòa m̄ hó; góa beh kā i chō chi̍t ê pang-chān-chiá lâi phit-phòe i.” 19Chú Siōng-tè ēng thô͘ chòe iá-tōe ta̍k-khoán ê cháu-siù, í-ki̍p khong-tiong ta̍k-khoán ê pe-chiáu. Chú Siōng-tè kā hiah-ê tōng-bu̍t chhōa-lâi hit-ê lâng ê bīn-chêng, hō͘ i kā in hō-miâ; hit-ê lâng kā ta̍k-khoán tōng-bu̍t hō ê miâ, chiū chiâⁿ-chòe hit-ê tōng-bu̍t ê miâ. 20Hit-ê lâng chiū kā só͘-ū ê cheng-siⁿ, khong-tiong ê pe-chiáu, kap iá-tōe it-chhè ê cháu-siù hō-miâ, m̄-kú chhē bô chi̍t ê thang chòe i ê pang-chān-chiá lâi phit-phòe i.

21Chú Siōng-tè hō͘ hit-ê lâng khùn tāng-bîn, i chiū khùn. Chú Siōng-tè tùi hit-ê lâng the̍h chi̍t ki hia̍p-kut, koh hō͘ hit-ūi ê bah ha̍p--khí-lâi. 22Chú Siōng-tè chiū ēng hit-ki hia̍p-kut chō chi̍t ê cha-bó͘-lâng, chhōa i lâi kàu hit-ê lâng hia. 23Hit-ê lâng kóng,

“Chit-ê chiah sī góa kut-lāi ê kut,

bah-lāi ê bah;

thang chheng i chòe cha-bó͘-lâng,

in-ūi i sī tùi ta-po͘-lâng#2.23 Tī Hi-pek-lâi-bûn, “cha-bó͘-lâng” kap “ta-po͘-lâng” ê jī-kun siâng-khoán. the̍h-chhut--ê.”

24Án-ni, lâng beh lī-khui i ê pē-bú, kap i ê bó͘ kiat-liân, nn̄g lâng chiâⁿ-chòe chi̍t-thé.

25Ang-bó͘ nn̄g lâng chhiah-sin-lō͘-thé, bô kám-kak kiàn-siàu.

Valið núna:

Chhòng-sè-kì 2: TTVR

Áherslumerki

Deildu

Afrita

Want to have your highlights saved across all your devices? Sign up or sign in

The Bible Society in Taiwan

Lærðu meira um 現代台語譯本羅馬字版

Chhòng-sè-kì 2

Popular Bible Verses from
Chhòng-sè-kì 2

Biblía:

Chinese, Min Nan

Útgáfa: 現代台語譯本羅馬字版 - TTVR

Chhòng-sè-kì 2

Chhòng-sè-kì 2

Popular Bible Verses from Chhòng-sè-kì 2

Biblía:

Chinese, Min Nan

Útgáfa: 現代台語譯本羅馬字版 - TTVR

Chhòng-sè-kì 2

Popular Bible Verses from
Chhòng-sè-kì 2