ڢَارَوَ 25
25
ذُرِيَرْ إِبْرَٰهِيمْ تَ حَنُّنْ كٜىٰتُرَ
﴿1 تَارْ 1.32-33﴾
1أَنَانً سَيْ إِبْرَٰهِيمْ يَسَاكٜىٰ عَوْرٜىٰنْ وَتَ مَثٜىٰ، سُونَنْتَ كٜىٰتُرَ؞ 2تَا حَيْڢَ مَسَ ظِمْرَنْ دَ يُواكْشَنْ دَ مٜىٰدَنْ دَ مَدْيَنَ دَ إِشْبَكْ دَ شُوحُ؞ 3يُواكْشَنْ شِينٜىٰ بَابَنْ سُو شٜىٰبَ دَ دٜىٰدَنْ؞ یَیَنْ دٜىٰدَنْ كُوَ سُونٜىٰ أَشُّرِيَوَ دَ لٜىٰتُشِيَاوَا دَ لٜىٰعُمِّيَاوَا؞ 4یَیَنْ مَدْيَنَ كُمَ سُونٜىٰ عٜىٰڢَ دَ عٜىٰڢٜىٰرْ دَ هَنُواكْ دَ أَبِدَ دَ عٜىٰلْدَعَ؞ دُكَنْسُ یَیَنْ كٜىٰتُرَ نٜىٰ؞ 5إِبْرَٰهِيمْ كُوَ يَا بَا إِسْحَٰڧَ دُكَنْ أَبِنْدَ يَكٜىٰدَشِ؞ 6عَمَّا غَ یَیَ مَظَا نَسَوْرَنْ مَاتَانْدَ يَأَجِيٜىٰ، إِبْرَٰهِيمْ يَابَاسُ ݣَوْتَيْ؞ تُنْ يأَنَانً دَ رَيْ يَسَلَّمٜىٰسُ دُواْمِنْ سُرَبُ دَ إِسْحَٰڧَ سُتَڢِے ڧَسَاشٜىٰنْ غَبَسْ؞#25.6 ڧَسَاشٜىٰنْ غَبَسْ: أَ نَنْ أَنَ نُڢِنْ يَنْكِنْدَ إِبْرَٰهِيمْ يَڢِتُواْ؞
مُتُوَرْ إِبْرَٰهِيمْ دَ بِنّٜىٰوَرْسَ
7وَطَنَّنْ نٜىٰ يَوَنْ شٜىٰكَرُنْ دَ إِبْرَٰهِيمْ يَيِ عَدُونِيَا، شٜىٰكَرَا ثٜىٰ طَرِے دَ سَبَعِنْ دَ بِيَرْ؞ 8إِبْرَٰهِيمْ يَا جَا نُمْڢَشِنْسَ نَڧَرْشٜىٰ ثِكِنْ ڟُوڢَ سُواْسَيْ، بَايَنْ دُواْغُوَرْ رَايُوَا مَيْ ڧُواْشِنْ لَاڢِيَ؞ يَا كُوَ مُتُ يَكُواْمَ غَ كَاكَنِّنْسَ؞ 9یَیَنْسَ إِسْحَٰڧَ دَ إِسْمَٰعِيلُ سُكَ بِنّٜىٰشِ أَ كُواْغُوانْ مَكْڢٜىٰلَ غَبَسْ دَ مَمْرٜىٰ، أَ ڢِيلِنْ عٜىٰڢْرُوانْ طَنْ ذُواْهَرْ مُتُمِنْ هِتِّ؞ 10وَنَّنْ نٜىٰ ڢِيلِنْ دَ إِبْرَٰهِيمْ يَسَيَ دَغَ هِتِّيَاوَا؞ أَوُرِنْ نٜىٰ عَكَ بِنّٜىٰ إِبْرَٰهِيمْ دَ مَاتَرْسَ سَارَةُ؞#ڢَارْ 23.3-16 11بَايَنْ مُتُوَرْ إِبْرَٰهِيمْ، اللَّهْ يَيِ وَطَنْسَ إِسْحَٰڧَ أَلْبَرْكَ؞ إِسْحَٰڧَ كُوَ يَاذَوْنَ أَ بٜىٰيٜىٰرْ لَهَيْ رُواْيِ؞
ذُرِيَرْ إِسْمَٰعِيلُ
﴿1 تَارْ 1.28-31﴾
12غَا تَارِيحِنْ ذُرِيَرْ إِسْمَٰعِيلُ طَنْ إِبْرَٰهِيمْ؞ شِينٜىٰ هَجٜىٰرَتُ یَرْ ڧَسَرْ مَصَرْ بَيْوَرْ سَارَةُ تَا حَيْڢَ وَ إِبْرَٰهِيمْ؞ 13غَا سُونَيٜىٰنْ یَیَ مَظَا نَ إِسْمَٰعِيلُ بِسَغَ وَنْدَ عَكَ ڢَارَ حَيْڢُوَ؞ إِسْمَٰعِيلُ يَا حَيْڢِ نٜىٰبَيُواتْ دَ كٜىٰدَرْ دَ أَدِبٜىٰيٜىٰلْ دَ مِبْسَمْ، 14دَ مِشْمَ دَ دُمَ دَ مَسَّ، 15دَ هَدَدْ دَ تٜىٰمَ دَ يٜىٰتُرْ دَ نَڢِشْ دَ كٜىٰدٜىٰمَ؞ 16وَطَنَّنْ نٜىٰ یَیَ مَظَا نَ إِسْمَٰعِيلُ دَ سُونَيٜىٰنْسُ؞ أَنْ جٜىٰرَسُ بِسَغَ ڧَوْيُكَنْسُ دَ وُرَارٜىٰنْ ذَمَنْسُ؞ سُو سَرَاكُنَ غُواْمَشَا بِيُ نٜىٰ بِسَغَ ذُرِيَرْسُ؞ 17وَطَنَّنْ نٜىٰ يَوَنْ شٜىٰكَرُنْ إِسْمَٰعِيلُ، شٜىٰكَرَا طَرِے دَ تَلَاتِنْ دَ بَݣَويْ؞ يَا جَا نُمْڢَشِنْسَ نَڧَرْشٜىٰ يَا كُوَ مُتُ يَكُواْمَ غَ كَاكَنِّنْسَ؞ 18ذُرِيَرْ إِسْمَٰعِيلُ سُنْ ذَوْنَ ڟَكَانِنْ يَنْكِنْ هَوِلَ دَ نَ شُرْ، يَنْكِنْ دَيَكٜىٰ ڢُسْكَنْتَرْ مَصَرْ تَهَنْيَرْ أَسُّرِيَ؞ سُنْيِ ذَمَنْ غَابَادَ دُكَنْ یَنْعُوَنْسُ؞#ڢَارْ 16.12
حَيْڢُوَرْ إِسُوَ دَ يَعْڧُوبَ
19غَا تَارِيحِنْ ذُرِيَرْ إِسْحَٰڧَ، طَنْ إِبْرَٰهِيمْ؞ إِبْرَٰهِيمْ نٜىٰ يَحَيْڢِ إِسْحَٰڧَ؞ 20إِسْحَٰڧَ كُوَ يَنَدَ شٜىٰكَرَا أَرْبَعِنْ سَعَدَّ يَ عَوْرِ مَاتَرْسَ رِڢْكَتُ، یَرْ بٜىٰتُوٜىٰلْ مُتُمِنْ أَرَمْ دَغَ ڢَدَّنْ أَرَمْ؞ رِڢْكَتُ یَرْعُوَرْ لَبَنْ ثٜىٰ مُتُمِنْ أَرَمْ؞ 21إِسْحَٰڧَ يَيِ أَدُّعَ غَ يَهْوٜىٰهْ غَمٜىٰدَ مَاتَرْسَ سَبُواْدَ بَاتَحَيْڢُوَ؞ يَهْوٜىٰهْ كُوَ يَا جِ أَدُّعَرْسَ، سَيْ رِڢْكَتُ تَيِثِكِ؞ 22جَرِرَيْ سُكَيِ كُواْكَوَ دَ جُونَ عَثِكِنْتَ، سَيْ تَثٜىٰ «دُوانْمٜىٰ وَنَّنْ يَكٜىٰ ڢَرُوَ دَنِے؟» سَيْ تَتَڢِے تَنٜىٰمِ نُڢِنْ يَهْوٜىٰهْ؞
23 يَهْوٜىٰهْ كُوَ يَثٜىٰمَتَ،#رُوامْ 9.12
«أَلْعُمَّ بِيُ سُنَثِكِنْ ثِكِنْكِ،
ڧَبِيلُ بِيُ ذَاسُ رَبُ تُنْدَغَ ثِكِنْكِ؞
طَيَ ذَيْڢِ ڧَرْڢِنْ طَيَنْ،
بَبَّنْ ذَيْ بَوْتَاوَ ڧَرَمِنْ؞»
24سَعَدَّ ݣُونَكِنْ حَيْڢُوَرْتَ سُكَ ثِكَ، سَيْ تَحَيْڢِ یَنْ بِيُ؞ 25نَڢَارِنْ يَاڢِتُواْ جَ، دُكَنْ جِكِنْسَ كَمَرْ رِغَا مَيْ غَاشِ؞ سَيْ عَكَ كِرَا سُونَنْسَ إِسُوَ؞#25.25 إِسُوَ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «مَيْ غَاشِ»؞ 26بَايَنْ وَنَّنْ سَيْ طَنْعُوَنْسَ يَڢِتُواْ حَنُّنْسَ يَنَرِڧٜىٰ دَ دِدِّغٜىٰنْ ڧَڢَرْ إِسُوَ؞ سَبُواْدَ حَكَ، عَكَ كِرَا سُونَنْسَ يَعْڧُوبَ؞#25.26 يَعْڧُوبَ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «دِدِّغٜىٰ»؞ إِسْحَٰڧَ يَنَدَ شٜىٰكَرَا سِتِّنْ لُواْكَثِنْ دَ عَكَ حَيْڢٜىٰسُ؞
إِسُوَ يَا سَيَرْ دَ مَڟَيِنْسَ نَطَنْ ڢَارِ
27دَ يَارَنْ سُكَيِ غِرْمَ، إِسُوَ يَذَمَ ڠُونِنْ ڢَرَوْتَ، مُتُمِنْ دَاجِ؞ يَعْڧُوبَ كُمَ شِضُ شِضُ نٜىٰ، مَيْ ذَمَ أَغِدَا؞ 28إِسْحَٰڧَ يَنَ سُوانْ إِسُوَ، دُواْمِنْ يَكَنْثِ نَامَنْ ڢَرَوْتَرْسَ؞ رِڢْكَتُ كُمَ تَاڢِسُوانْ يَعْڧُوبَ؞
29وَتَرَانَ يَعْڧُوبَ يَنَدَڢَ ڢَتٜىٰ، إِسُوَ كُمَ يَا ڢِتُواْ دَغَ دَاجِ يَنَجِنْ يُنْوَ سُواْسَيْ؞ 30سَيْ إِسُوَ يَثٜىٰ وَ يَعْڧُوبَ «بَرِ إِنْشَا جَنْ ڢَتٜىٰنْكَ، غَمَا إِنَثِكِنْ ڟَنَنِنْ يُنْوَ!» سَبُواْدَ وَنَّنْ عَكٜىٰ كِرَنْ إِسُوَ عٜىٰدُوامْ، وَتُواْ جَ؞
31يَعْڧُوبَ يَثٜىٰ «كَسَيَرْ مِنِ دَ مَڟَيِنْكَ نَطَنْ ڢَارِ تُكُنَ؞»
32إِسُوَ يَأَمْسَ مَسَ يَثٜىٰ «إِنَ بَاكِنْ مُتُوَ، إِنَا أَمْڢَانِنْ مَڟَيِنْ طَنْ ڢَارِ غَرٜىٰنِ يَنْذُ؟»
33يَعْڧُوبَ يَثٜىٰ مَسَ «سَيْ كَارَنْڟٜىٰ مِنِ تُكُنَ؞»#إِبْرَ 12.16
سَيْ إِسُوَ يَرَنْڟٜىٰوَ يَعْڧُوبَ، تَهَكَ يَسَيَرْوَ يَعْڧُوبَ مَڟَيِنْسَ نَطَنْ ڢَارِ؞ 34سَعَنً يَعْڧُوبَ يَبَا إِسُوَ غُرَاسَ دَ ڢَتٜىٰ نَوَكٜىٰنْ بَرٜىٰوَ، سَيْ يَثِ يَشَا يَتَاشِ يَتَڢِے؞ تَهَكَ إِسُوَ يَرٜىٰنَ مَڟَيِنْسَ نَطَنْ ڢَارِ؞
Valið núna:
ڢَارَوَ 25: hauAS
Áherslumerki
Deildu
Afrita
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020