Pianciilna 5
5
Adam Suan le Paalte
(1 Khangtaanghthu 1:1-4)
1A nuai a teng sia Adam suan le paalte ahi hi. (Pathian in mihing a bitphua lai in, ama taw a kibangin vawt hi. #Pian 1:27-28 2Ama in pa le numei bitphua a, thupha pia in, “Mihing” ci hi.) #Mt 19:4; Mk 10:6 3Adam kum 130 a phak ciang, ama a suun tapa khat nei a, a min Seth phuak hi. 4Tua zawkin, Adam kum 800 nungta lai hi. Ama in ta dang zongh nei a, 5kum 930 a phak ciang thi hi.
6Seth kum 105 a phak ciang tapa Enosh nei a, 7tua zawkin kum 807 nungta lai hi. Ama in ta dangte zongh nei a, 8kum 912 a phak ciang thi hi.
9Enosh kum 90 a phak ciang tapa Kenan nei a, 10tua zawkin kum 815 nungta lai hi. Ama in ta dangte zongh nei a, 11kum 905 a phak ciang thi hi.
12Kenan kum 70 a phak ciang, tapa Mahalalel nei a, 13tua zawkin kum 840 nungta lai hi. Ama in ta dangte zongh nei a, 14kum 910 a phak ciang thi hi.
15Mahalalel kum 65 a phak ciang, tapa Jared nei a, 16tua zawkin kum 830 nungta hi. Ama in ta dangte zongh nei a, 17kum 895 a phak ciang thi hi.
18Jared kum 162 a phak ciang, tapa Enoch nei a, 19tua zawkin kum 800 nungta hi. Ama in ta dangte zongh nei a, 20kum 962 a phak ciang thi hi.
21Enoch kum 65 a phak ciang tapa Methuselah nei hi. 22Tua zawkciang Enoch in Pathian taw kum 300 kithawlin, ta dangte zongh nei hi. 23Ama sia kum 365 nungta hi. 24Pathian taw a nuntak sung kithawl khawm a, tuaciang ama bo hi, banghang ziam cile Pathian in ama la hi. #Heb 11:5; Jud 14
25Methuselah kum 187 a phak ciang, tapa Lamech nei a, 26tua zawkin kum 782 nungta lai hi. Ama in ta dangte zongh nei a, 27kum 969 a phak ciang thi hi.
28Lamech kum 182 a phak ciang tapa khat nei a, 29ama in, “Topa ii haamsiatsa leitang tung mama panin hi tano in ih nasep haksatna theampo panin hong dawn tu hi,” ci ahikom a min Noah phuak hi. 30Lamech kum 595 nungta lai hi. Ama in ta dangte zongh nei a, 31kum 777 a phak ciang thi hi.
32Noah kum 500 a phak zawkciang, tapa thum nei a, Shem, Ham le Japheth ahi uh hi.
Valið núna:
Pianciilna 5: SCB2
Áherslumerki
Deildu
Afrita
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016