Zã 7
7
A Yeezu yɛbr bɛ sàw de a ʋ yele ɩ
1Al pùorí, a Yeezu tɩ cɔlɛ nɩ a Galile. Ʋ bɛ tɩ sàw cɔlɛ a Zude tẽw ɛ, a Zifʋ mɩnɛ na tɩ bɔbr a ʋ kʋb a ƴãw. 2A Zifʋ mɩnɛ Sɛwr cuw tɩ pɩɛl'a. 3A Yeezu yɛbr tɩ yel ʋ na: «Yi a ka ɛ́ cen a Zude tẽw, a fʋ po-tuurbɛ mɩ̀ tɩ tʋ̃ɔ́ nyɛ̃ a tome fʋ na tone a. 4Nɩr wa bɔbr kɛ́ bɛ bãw ʋ a, ʋ bɛ mɩ́ sɔwlɛ maalɛ a yele ɩ. Fʋ na faa maalɛ yele sɛw à ŋá a, ɩ a tẽ-daa bãw fʋ!» 5A ʋ yɛbr tɛɛ za bɛ tɩ sàw de ʋ ɛ. 6A lɛ n'a a Yeezu tɩ yel bɛ: «A ɩ̃ daar bɛ ta sɛr ɛ, a nyɩɩm daar mɩ́ n'ʋ kʋralɛ. 7A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw. 8A nyɩɩm a, nyɩ do a cuw ŋa, mãa bɛ dúor ɛ, a ɩ̃ daar na bɛ ta sɛr a ƴãw.» 9A Yeezu na wa ƴɛ̀r à ŋá baar'a, ʋ zɩ̃ n a Galile.
A Yeezu kanɛ nɩ nɩ a nɩbɛ a Sɛwr cuw daar
10Ɛcɛ a ʋ yɛbr na wa cen a cuw baar'a, a Yeezu mɩ̀ tɩ ìr'a lo a sɔ́r, ɛcɛ ʋ tɩ sɔwl'a bɛ sàw nɩr na nyɛ̃ ʋ ɛ. 11A cuw zie, a Zifʋ mɩnɛ tɩ bɔbr ʋ na sowre nɩ: «Nyɩnɛ n'a ʋ pãa be a?» 12A zu-sɛbla pʋɔ a, nɩbɛ tɩ ŋmɩɛr'ɩ nɔkpɛn a ʋ ƴãw. Bɛ mɩnɛ tɩ yere na: «Nɩ-vla n'ʋ.» Ɛ́ bɛ mɩnɛ yere: «Ʋ̃ʋ'hʋ̃. Nɩbɛ n'a ʋ bɛlɛ.» 13Ɛcɛ, nɩr za bɛ tɩ sàw ƴɛ̀rɛ a ʋ ƴɛ̀rʋ cãàmɩ́ ɛ, bɛ na tɩ zɔrɛ a Zifʋ mɩnɛ dɛ̃bɩ̃ɛ a ƴãw.
14A cuw na wa dɩ kpɛ sɔw a, a Yeezu do n a Zerizalɛm tɩ kpɛ a Ŋmɩn-yir-kpɛ̃ɛ pʋɔ kanɛ nɩ a nɩbɛ. 15A Zifʋ mɩnɛ tɩ nyɔw nɩ nʋɔr yere nɩ: «Ŋmɩŋmɩn n'a ʋ bɛ zànɩ sɛbɛ ɩ, ɛ́ bãw a sɛw à ŋá?»
16A Yeezu tɩ sɔw bɛ na: «A ɩ̃ kanʋ bɛ yi mãa zie ɩ, a sob nɛ na tõ m a zie n'a a yi. 17Nɩr wa bɔbr k'ʋʋ maalɛ a Naaŋmɩn pʋ-tɩɛrʋ a, ʋ na bãw nɩ a ɩ̃ kanʋ yib zie: a yi n Naaŋmɩn zie bɩɩ mãa n'ʋ nyɛ̃ ɩ̃ tʋɔra ƴɛ̀rɛ. 18Nɩr na nyɛ̃ ʋ tʋɔra ƴɛ̀rɛ a, ʋ bɔbr'ɩ ʋ tʋɔra yúor-vɩɛlʋ-danʋ. Ɛcɛ ʋlɩ sob nɛ na bɔbr a sob nɛ na tõ ʋ a yúor-vɩɛlʋ-danʋ a, sob nɛ yõ n'ʋ yere yel-mɩŋa, ʋ bɛ bãw ziri ɛ. 19Moyiir bɛ tʋ̃ɔ́ n'ʋ kʋ̀ nyɩ a Naaŋmɩn wulu ɛ? Ɛcɛ nyɩ been kãw za bɛ tuur a Naaŋmɩn wulu ɛ, bʋ̃ʋ n'ʋ so nyɩ bɔbr a ɩ̃ kʋb?» 20A zu-sɛbla tɩ sɔw na: «Kɔ̃tɔ̃-ìre nɛ b! Ãa n'ʋ bɔbr fʋ kʋb?»
21A Yeezu tɩ de nɩ a ƴɛ̀rʋ yel bɛ: «Tõ-been yõ n'ʋ ɩ̃ tõ, ʋʋ ɓãá nyɩ nʋɔr. 22Moyiir ƴãw nɩ nʋɔr kʋ̀ nyɩ kɛ́ nyɩ mɩ́ ŋma a nyɩ bidɛbli yɛɛ — a yel ŋa mɔ̃ mɩ̀ bɛ yi Moyiir zie ɩ, a sãàkʋm-kore zie n'a ʋ yi — ɛcɛ nyɩ mɩ́ tõ n a ton ŋa a pɩ̃ɛnʋ-bibir. 23Bɛlɛ mɩ́ wa tʋ̃ɔ́ ŋmãa a yʋ̀ɔr a pɩ̃ɛnʋ-bibir, ɛ́ bɛ sãw a Moyiir wulu a, bʋ̃ʋ n'ʋ so nyɩ nyɛ̃ nɩ mɛ̃ suur ɩ̃ na sanɩ nɩ-ɓil a pɩ̃ɛnʋ-bibir a? 24Nyɩ ta mɩ́ maalɩ a ƴɛ̀rʋ mɛ̃ a lɛ nyɩ na nyɛ̃ a ɩ, nyɩ mɩ́ maalɩ a ƴɛ̀rʋ a tu a yel-mɩnʋ.»
A Yeezu n'ɩ a Naaŋmɩn Nɩ-kabra bɩɩ?
25Zerizalɛm tẽw nɩbɛ bɛ mɩnɛ tɩ yere na: «A sob ŋa bɛ tʋ̃ɔ́ n'ʋ bɛ bɔbr a kʋb ɛ? 26Ɛcɛ ʋlɛ n'ɩ ŋa ƴɛ̀rɛ cãàmɩ́ a nɩ-yaga pʋɔ, ɛ́ bɛ bɛ ƴɛ̀rɛ ƴɛ̀rʋ za ʋ zie ɩ! A tɩ nɩ-bɛrɛ taa ɩrɛ wa sɩrɩ nyɛ̃ kɛ́ ʋlɛ n'ɩ a Kɩrɩta ʋ? 27Ɛcɛ a sob ŋa a, tɩ bãw nɩ be ʋ na yi a. Ɛ́ a Kɩrɩta wa wa a, nɩr za kʋ̃ bãw be ʋ na yi a ɩ.»
28A lɛ n'a a Yeezu, na tɩ kanɛ nɩ a nɩbɛ a Ŋmɩn-yir-kpɛ̃ɛ pʋɔ a, tɩ zɛw kɔkɔr yel: «A ɩ lɛ nyɩ bãw mɛ̃, ɛ́ bãw a ɩ̃ yib zie u! Ɛcɛ mãa bɛ n'ʋ nyɛ̃ ɩ̃ tʋɔra wa ɩ. A sob nɛ na tõ m a ɩ n yel-mɩŋa sob. A ʋl a, nyɩ bɛ bãw ʋ ɛ. 29Mãa bãw ʋ na: a ʋ zie n'a ɩ̃ yi wa, ɛ́ ʋlɛ n'ʋ tõ m.» 30A lɛ n'a bɛ tɩ bɔbr kɛ́ bɛ nyɔw ʋ, ɛcɛ kãw za bɛ tɩ sàw zɛw nũu tɔ n ʋ ɛ, a ʋ daar na bɛ tɩ ta sɛr a ƴãw. 31A zu-sɛbla pʋɔ a, nɩ-yaga tɩ sàw na de ʋ ɛ́ yere: «A Naaŋmɩn Nɩ-kabra wa wa a, ʋ na tʋ̃ɔ́ na maalɩ yele-na-ɩ-bãwfʋ-sãá a zuo à á ŋá a sob ŋa na maalɩ a bɩɩ?»
Sojarɩ cen na kɛ́ bɛ tɩ nyɔw a Yeezu
32A Yeezu ƴɛ̀rʋ a nɩbɛ na tɩ waalɛ ƴɛ̀rɛ a zu-sɛbla pʋɔ a tɩ lo n a Faarizɩ̃ɛ mɩnɛ tobe pʋɔ. A lɛ n'a a bàwr-maal-nɩ-bɛrɛ nɩ a Faarizɩ̃ɛ mɩnɛ tɩ tõ a Ŋmɩn-yir-kpɛ̃ɛ gùrbɛ, kɛ́ bɛ cen tɩ nyɔw a Yeezu. 33A Yeezu tɩ yel'a: «Ɩ̃ kʋ̃ cãà be a nyɩ zie kɔwrɩ ɛ, ɩ̃ cere nɩ a sob nɛ na tõ m a zie. 34Nyɩ na bɔ m'a, ɛ́ nyɩ kʋ̃ nyɛ̃ m ɛ, bʋ̃ʋ n'ʋ vɛ̃, a be ɩ̃ na be a, nyɩ kʋ̃ tʋ̃ɔ́ wa a be ɩ.» 35A Zifʋ mɩnɛ tɩ sowre nɩ taa: «Nyɩnɛ n'a ʋ pãa na cen ɛ̀ tɩ bɔ ʋ gù a? Ʋ na cen na tɩ páw a Zifʋ mɩnɛ bɛl na zɔ yaarɩ be a Gɩrɛkɩ bʋʋrɛ pʋɔ a bɩɩ? Ʋ na cen na tɩ wule a Gɩrɛkɩ mɩnɛ bɩɩ? 36A ƴɛ̀rʋ ŋa ʋ na ƴɛ̀r a pɛr'ɩ bo: “Nyɩ na bɔ m'a, ɛ́ kʋ̃ nyɛ̃ m ɛ”? Nɩ: “Nyɩ kʋ̃ tʋ̃ɔ́ wa a be ɩ̃ na be a ɩ?”»
Kʋ̃ɔ-nyúur wa kpɩɛr nɩr a, ʋ wa a ɩ̃ zie
37A cuw bibi-pɛ-baara, na ɩ a bibi-kpɛ̃ɛ za a, a Yeezu tɩ àr'a yere kpɛ̃w za: «Kʋ̃ɔ-nyúur wa kpɩɛr nɩr a, ʋ wa a ɩ̃ zie wa nyũ, 38“A ʋlɩ sob na sàw de m a, mamɛ na zɔrɛ nɩ kʋ̃ɔ yire a ʋ pʋ̃ɔmɩ”, mɛ̃ a lɛ a Sɛb-sõw na yel a.» 39A Naaŋmɩn Vʋʋrʋ, a bɛlɩ dem na sàw de ʋ a, na waar nãà páw a, ʋlɛ n'ʋ ʋ tɩ yere a lɛ. Bɛ bɛ tɩ tɩr a Naaŋmɩn Vʋʋrʋ sɛr ɛ, a Yeezu na bɛ tɩ nyɛ̃ yúor-vɩɛlʋ-danʋ sɛr a ƴãw.
A nɩbɛ bʋ́r'ɩ taa a Yeezu ƴãw
40A nɩbɛ na tɩ wõ a ƴɛ̀rʋ á ŋá a zu-sɛbla pʋɔ a, bɛ mɩnɛ tɩ yere na: «A nɩr ŋa sɩrɩ n'ɩ a naaŋmɩn-ƴɛ̀r-manɛ!» 41Ɛ́ bɛ mɩnɛ yere: «Ʋlɛ n'ɩ a Naaŋmɩn Nɩ-kabra!» Ɛcɛ bɛ mɩnɛ kãw tɩ yere na: «A Naaŋmɩn Nɩ-kabra na tʋ̃ɔ́ na yi Galile bɩɩ? 42A Sɛb-sõw ƴɛ̀r-bie bɛ tʋ̃ɔ́ yel k'ʋʋ na ɩ n Daviir bʋʋrɛ nɩr ɛ́ yi Bɛtɩlɛm na ɩ a Daviir tẽ-dɔwra a ɩ?#7:42 Nyɛ̃ 2Sa 7.12, Ssy 89.4-5, Zer 23.5, Mi 5.1.» 43À ŋá n'a a zu-sɛbla tɩ bʋ́r taa a Yeezu ƴãw. 44A bɛ pʋɔ a, bɛ mɩnɛ tɩ bɔbr'ɩ a ʋ nyɔwfʋ, ɛcɛ kãw za bɛ tɩ sàw zɛw nũu tɔ n ʋ ɛ.
A Zifʋ mɩnɛ nɩ-bɛrɛ bɛ sàw de a Yeezu ɛ
45A Ŋmɩn-yir-kpɛ̃ɛ gùrbɛ na tɩ lɛb cen a, a Faarizɩ̃ɛ mɩnɛ nɩ a bàwr-maal-nɩ-bɛrɛ tɩ sowri bɛ na: «Bʋ̃ʋ n'ʋ so nyɩ bɛ nyɔw a Yeezu wa n?» 46A Ŋmɩn-yir-kpɛ̃ɛ gùrbɛ tɩ sɔw na: «Nɩsaalɛ za bɛ dãw ƴɛ̀r mɛ̃ a nɩr ŋa a ɩ!» 47A Faarizɩ̃ɛ mɩnɛ tɩ yel bɛ na: «A nyɩɩm mɩ̀, nyɩ mɩ̀ bɛr'a ʋ bɛlɩ nyɔw nyɩ ɩ? 48Nyɩ jieli nyɛ̃, a nɩ-bɛrɛ pʋɔ nɩ a Faarizɩ̃ɛ mɩnɛ pʋɔ a, nɩ-been yõ sàw na de a ʋ yele e? 49A zu-sɛbla ŋa na bɛ bãw bom za na càarɩ a Wulu a Moyiir na kʋ̀ tɩ a, bɛl tɛwr nɛbɛ sàw de ʋ. Baw-bio dem nɛbɛ!»
50A Nikodem, a ʋl na tɩ sɔwrɩ kãw cen tɩ páw a Yeezu a, mɩ̀ tɩ ɩ n Faarizɩ̃ɛ. Ʋ tɩ sowr'a: 51«A tɩ Naaŋmɩn wulu tɩ na tuur a, tɩ na tʋ̃ɔ́ na ƴãw bɛ kʋ nɩr, ɛ́ bɛ dãw de niwn wõ a ʋ sob ƴɛ̀rʋ, bãw ʋlɩ bom nɛ ʋ na ɩ a bɩɩ?» 52Bɛ tɩ sɔw ʋ na: «A fʋ̃ʋ mɩ̀, fʋ mɩ́ yi n a Galile bɩɩ? Jɛl a Sɛb-son kaa, ɛ́ fʋ na nyɛ̃ na kɛ́ naaŋmɩn-ƴɛ̀r-manɛ kãw za bɛ dãw yi Galile ɩ.» [ 53Al pùorí, ŋa za tɩ lɛb'a kul a ʋ yir.
Valið núna:
Zã 7: DBDC
Áherslumerki
Deildu
Afrita
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.