Mak 9
9
1GO Yecu jam, Wek a ya yok ayic, koic kaic ke gho aci bi t̤ou, angotke ke kec ceng de N̤ialic kang ting abuo ke riel.
2Ku te ci koic jal lo nin nin kad̤atam, ke Yecu col Pita, ku Jakop, ku Jon, ku ghat̤ ke kur dit nom kepeic. Go koic n̤yin de Yecu ting ci war, 3ku alet̤ke aci gher aret, a bik le bar, acin ke ci kang gher alo ghon kela. 4Ku tul koic karou, e Ilaija ke ke Mot̤et̤, ku jamke ke Yecu. 5Go Pita Yecu yok, An Rabai, apuat̤ aret te to gho eten. Caku ghot kadiak loi, tok tong yin, ku tok tong Mot̤et̤, ku tok tong Ilaija. 6Pita akuic welke ce luel, koic arioic. 7Ku bi piar ku kum koic, ku jam rol e piaric, An kan e Wendien ca n̤iar, piangka welke. 8Ku te ci kerot̤ wel, ke yok koic nia ke liu, Yecu yetok yen aci dong ke ke.
9Ku te d̤uk kek piny e kur nom, ke Yecu jam, An duongka lek ran do ke nia cak ting, te ngot Wen Dit de ran kec rot gwa jot e rangic. 10Ku mukeke, ku t̤iec kerot̤ e jon bi Yecu ber jot e t̤ouic. 11Goke Yecu yok, An koic ke waragak aluel An Ilaija abi kang ben. 12Go Yecu d̤uk, Ilaija abuo tueng atet, ku abi kang ked̤ia d̤uk. Ye gor andi etong Wen Dit de ran, abi d̤il e gum, ku abi koic bui? 13Wek a ya yok, An Ilaija aci ben, ku koic aci puot̤ken loi tong yen, acit ke ci gor tong e t̤er.
14Ku te ci kek ber rom ke koic puoic Yecu, ke ting teng dit e koic agol ke, ku koic ke waragak at̤iec ke. 15Ku koic ked̤ia te ci ke Yecu ting ke gai, ku ringke ku muot̤ke ye. 16Go Yecu t̤iec, An yengu yaka t̤iec tong ke? 17Go ran tong to tengic jam, An Bain̤, an aci man̤die be tong yin, anong jongden ci ye rok rol. 18Ku te ci jok ye dom, ke yuit piny, ku jol t̤ok juat, ku rem yelec, ku noai. Ku an aci koicku t̤iec nia lan bi ke jok ciec we met̤ gwop: ku cik leu. 19Go Yecu ber jam, An wek riec rec a gam. Ba ceng ke we run kadi? Ku ba we puol edi? Beika met̤ eten. 20Goke met̤ be. Ku te ci jok Yecu ting, ke yuit met̤ piny, ku jol ler piny, ku jol t̤ok juat. 21Go Yecu un t̤iec, An ci man̤du ci jok dom nin? Go un jam, An adom eye met̤, 22ku aye but e yuit maic, ku yuit e pulic ya, lan ben e nok. Ku te leu yin e luoi, cok puondu akoic e gho ku koin̤ gho. 23Go Yecu yok, An te leu yin. Ran gam abi kang ked̤ia leu e luoi. 24Go un de met̤ cot ku jiam, An ghan agam, koin̤ gam can yi gam. 25Ku te ting Yecu teng dit e koic ke ci gwer, ke waic jong raic ku jiam, An yin jong raic ci ruok rol ku ci ming, yin e a yok, Bar be yegwop ku dunga ber lo t̤in. 26Go jok cot, ku pat be met̤ gwop, ku jol ben be. Ku dur met̤ t̤ou. Ku jam koic kok, An met̤ aci t̤ou. 27Go Yecu met̤ kwak cin piny ku jot; ku kaic met̤. 28Ku te ci Yecu ber lo ghot, go koickek puoic goke t̤iec, An yengu cu ghok e leu e ciec we? 29Go Yecu jam, An jong cit kan abi ben be e long de N̤ialic abaic.
30Go koic jal, ku retke Galiliic, ku Yecu aci yuic bi koic ye n̤yic. 31Ku wet Yecu koickek puoic ku jiam, An Wen Dit de ran abi koic dom, ku abi nok, ku te ci ye nok abi rot ber jot e nin karou. 32Ku kuicke welke, ku rioicke t̤iec. 33Goke lo Kapernaum. Ku te to yen ghot ke t̤iec ke, An yengu terka d̤olic? 34Goke biat. Kek aci wel ter d̤olic nia, An yenga bain̤ e ghok? 35Ku n̤yuic Yecu, ku col koicke kat̤ier ku rou, ku yok ke, An te vuic ran bi koic ngor, kʼabi to cien, ku abi a aluang de koic ked̤ia. 36Go Yecu man t̤i col ku tau koic cialic, ku bom met̤ ku jiam, 37An te gong ran met̤ acit man̤e e rincie, ke yen agong an ya: ku ran gong an, agong yen cʼa tuoic piny. 38Go Jon jam, An Bain̤, gho aci ran ting nia aciec jak raic we koic gwup e rinku, goku pen, yen aci e randa. 39Go Yecu jam, An duongka pen. Acin ran bi luoi dit goi koic loi e rincie, ku ber a bui. 40Ran ci ter ke gho akoin̤ gho. 41Ku te moic ran we piu ba ke dek, we mit̤ ke Mat̤ia; wek a ya yok ayic riobde aci bi mar. 42Ku ran ci man̤ tok e mit̤ Ca gam ca riet̤, te ruk kur dit e gwar yeyet̤ ku cuat weric, e kepuat̤ tong rane. 43Ku te ci cindu yi riet̤, toka yicin we. Te ler yi pan e N̤ialic yin nong cian tok, angwen diet yin nong cin karou abi yi cuat Giena, main dit dar puok. 44Te nong ruoi ci bi t̤ou, ku main dar puok. 45Ku te ci cokdu yi riet̤, yi tam yicok we. Te le yin pan e N̤ialic yi ci cok tem we, angwen diet yin nong cok karou abi yi cuat Giena, 46te nong ruoi ci bi t̤ou, ku main dar puok. 47Ku te ci n̤yin yi riet̤, puic yin̤yin be. Te le yin pan e N̤ialic yi nong n̤yian tok, angwen e diet yin nong n̤yin karou abi cuat Giena, 48te nong ruoi ci bi t̤ou, ku main dar puok. 49Ku ran eben abi riel e maic. 50Awai apuat̤, ku te puol awai, yengu bi ber ghat̤ t̤in bi ber piat̤? Nangka gwupkuen awai, ku nangka dor.
Valið núna:
Mak 9: CIEC1916
Áherslumerki
Deildu
Afrita
Want to have your highlights saved across all your devices? Sign up or sign in
© British and Foreign Bible Society