Maloko Eli na kalanʉ
Eli na kalanʉ
Bádha Ngali maka lɨ Maloko aye lɨe-e, akpo lita e ne nazɨba me Bádha Ngali ango-o a ko na Yesu Kilisito , Ndɨlɨ gba Ebhe. Anɨ asuno Yesu maka kpála na kulu di na angu. Angu gba anɨ ngau lɨe bhʉ́ nasuno gba anɨ, ne bhʉ́ angu gba anɨ pɨ si siti bua di ne bhʉ́ nambu lɨ osisiti ’ngʉ́ gba okpála. Yesu ngakpokpo ’ngʉ́ gba e makpe maka Ndɨlɨ gba kpála ɨnde ago ngʉ́ naha mʉkobho gba e ngʉbula nagbegbe okpála bhʉ́ sisiti ’ngʉ́ gba o-o.
Maloko akpokpo ’ngʉ́ gba Yesu-o mbámbá, anɨ agama ’ngʉ́ naali pɨ́ndjɨ kulu lɨ Yesu amene e ane bhende lɨ Yesu akpokpo e di ne bhende anɨ asuno e-o. La-a, lɨ omʉkpata gba Yesu adʉ la lɨe abhue ne anɨ bhʉ́ dabɨlɨ bini-e, u atsia ambɨla anɨ ndjɨndjɨ. Engʉ́ bini, obhʉlʉ yala gba anɨ adʉ matá akolo pɨ anɨ ne siti bua naali.
Olukuluku (9-20) ɨnde u a aye e sʉnda oehe bhisi me-e, ngau lɨe me aye ne kpála koko. Maloko ye ngae de.
Ongbengbe ongʉ́ ɨnde bhʉ́ bhuku ɨnde-e ngae ɨnde:
Lita Bádha Ngali-o 1:1-13
Kulu lɨ Yesu amene e bhʉ́ ká okpála abhʉ́ Galilaya 1:14 – 9:50
Dhʉkʉ gba Yesu nayie bhʉ́ Galilaya ngʉ́ nanʉ abhʉ́ Yelusalema 10:1-52
Oekpɨ́ nasoso gba Yesu abhʉ́ Yelusalema 11:1 – 15:47
Nazuku gba Yesu 16:1-8
Nakoto ka Yesu lɨ okpála, ne naʉ ka anɨ abhʉ́lá 16:9-20
Valið núna:
Maloko Eli na kalanʉ: mdm
Áherslumerki
Deildu
Afrita
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.