John 1
1
Thu, Ci-le-sa Suak
1Atungin Thu om-a, tua Thu Pasian tawh omkhawmin, tua Thu Pasian ahi hi. 2 Atungin amah Pasian tawh a omkhawm hi.#Php 2:6; Kil 19:13
3 Ama tungtawnin na khempeuh kibawl hi. A kibawlsate khempeuh ama bawlloh a om kei hi. 4 Ama sungah nuntakna om-a, tua nuntakna, mite khuavak ahi hi. 5 Khuamial sungah tua khuavak tanga, ahi hangin khuamial in amah a theitel a#1.5 Ahikeh khuamial, le a khuamial in zo lo kei hi.#Ph 18:28; Jn 5:26; 1Co 8:6
6 Pasian kiang pana hong kisawl mi khat a om hi. Ama min John ahi hi. 7 Mi khempeuh in ama tungtawnin tua khuavak a up theih nadingin khuavak tawh kisai a theisak dingin teci-a hong pai ahi hi. 8 Amah ahileh tua khuavak ahi kei hi. Khuavak tawh kisai teci-a hong pai hi bek hi. 9 Mikim tungah a tang tua khuavak taktak leitungah hong pai hi. b#1.9 Ahikeh Hih in leitunga hong pai mikim tunga khuavak a pia thuman khuavak ahi hi#Mt 3:1
10 Amah leitungah om-a, leitung ama piansak hi napi leitung in amah a thei kei hi. 11 Ama aa mahmah ahi te kiangah hong pai ahi hangin ama aa te in amah a sang kei uh hi. 12 Ahi zongin amah a sangte khempeuh, ama min a umte khempeuh tungah Pasian tate suah nading thuneihna a pia hi. 13 Tuate pianngei tate c#1.13 Greek ah sisan mal banga suak hi lo, mihing khensatna bang le pasal deihna pana suak zong hi lo, Pasian pana suak ahi uh hi.#Isa 53:3
14 Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d#1.14 Ahikeh Khatbek a neihsun neihsun minthanna i mu khin hi.#Gal 4:4
15 Amah tawh kisai John in teci a pang hi. Amah in, "‘Kei nunga hong pai pa, kei ma-a om khin ahi manin amah in kei hong khup zo hi,’ ci-a ka genpa hih pa ahi hi," ci-in kiko hi. 16 A kicing ama hehpihna panin eite khempeuh in thupha khat khit khat i ngah hi. 17 Ahang in, Moses tungtawnin thukham kipia hi. Jesu Christ tungtawnin hehpihna le thutak hong pai ahi hi. 18 Kuamah in Pasian a mu ngei kei hi. Ahi hangin Pa kianga om Tapa neihsun bek e#1.18 AhikehKhatbek a neihsun f#1.18 Khutgelh pawlkhatah ahi hangin Khatbek a Neihsun,(ahikeh ahi hangin Tapa neihsun bek) in amah a kitheisak zo hi.
Baptize-pa John, Christ a Hilohna Kigen
19 Tu-in Jerusalem a Jew-te in, John kua hiam cih a dong dingin siampite le Levi-te ama kiangah a sawl uh ciangin ama teci panna hih ahi hi. 20 Amah ki-im loin teltakin kipulak a, "Kei, Christ ka hi kei hi," g#1.20 Ahikeh "Messiah" "Tua Christ" (Greek) le "tua Messiah" a nih in "Sathau Kinilh-Pa" cihna; tg.25 ah zong kici hi.#Lk 3:15, 16; Jn 3:28
21 Amaute in, "Tua ahileh nang kua na hi hiam? Elijah na hi hiam?" ci-in a dong uh hi.
Amah in, "Ka hi kei hi," a ci hi.
"Nang Kamsangpa pen na hi hiam?" ci-a a dot uh ciangin,#Tp 18:15
Amah in, "Ka hi kei hi," ci-in a dawng hi.
22 A tawpna ah amaute in, "Nang kua na hi hiam? Ko hong sawlte kianga ka gen kik ding uh dawnna khat hong nei in. Nang kua kici na hiam?" ci-in a dong uh hi.
23 John in Isaiah kammalte zangin dawng a, "‘Topa ading lampi na tangsak un,’ ci a gamlaka kiko pa aw, keimah ka hi hi," a#1.23 Isa. 40:3 a ci hi.#Mt 3:1
24 Tua ciangin a kisawl Pharisee-te pawlkhat in, 25 "Christ lah hi lo, Elijah lah hi lo, tua Kamsangpa lah hi lo na hileh bang hangin baptise na hi hiam?" ci-in a dong uh hi.
26 John in, "Keimah in tui in b#1.26 Ahikeh sung;tg. 31 le 33 ah zong ka baptize hi. Ahi hangin note lakah na theih loh uh mi khat a om hi. 27 Amah ka nunga hong pai pa ahi hi; ama khedapkhau sut ding nangawnin ka cin zo kei hi," ci-in a dawng hi.
28 Hihte khempeuh John baptisena mun Jordan galkhat lam Bethany khua a thupiang ahi hi.
Jesu Pasian Tuuno
29 A zing ciangin ama lam manawh a Jesu hong pai John in a muh ciangin, "En un, leitung mawhna a puakhia Pasian Tuuno! 30 ‘Ka nunga hong pai pa, ka mai-a omsa ahi manin kei hong khup zo hi,’ ci-a ka kiko lai-a ka genpa hih pa ahi hi. 31 Kei zong amah ka thei kei hi. Ahi hangin baptise-a kong paina pen Israel-te tunga amah a kipulak nading ahi hi," a ci hi.#Pc 22:8; Isa 53:7
32 Tua ciangin John in teci panga: "Vantung panin vakhu bangin Kha hong kumsuka, ama tunga khawlden ka mu hi. 33 Baptize dinga kei hong sawlpa, ‘Kha hong kumsukin ama tunga a khawlna pa pen Khasiangtho-a hong baptize ding pa ahi hi,’ ci-in kei hong hilh lo hileh amah ka thei kei ding hi. 34 Ken ka mu khin ta a, Pasian Tapa hi, cih teci ka pang hi," ci-in a gen hi.#Mt 3:16; Mk 1:8
Jesu Nungzui Masate
35 A zing ciangin John a nungzuite lakah nih tawh tua lai-ah a om kik uh hi. 36 Amah in Jesu hong pai a muh ciangin, "En un, Pasian’ Tuuno!" a ci hi.
37 A nungzuite in hih thu a zak uh ciangin Jesu nung a zui uh hi. 38 Jesu kihei-a, amaute in a nung a zuih uh a muh ciangin, "Bang deih na hi uh hiam?" ci-in a dong hi.
Amaute in, "Rabbi, (Siapa cihna) nang koi-a taam na hi hiam?" a ci uh hi.
39 Amah in, "Hong pai le uh cin na mu ding uh hi," ci-in a dawng hi.
Amaute va pai uh a, a omna a mu uh hi. Amah tawh tua ni a taam khawm uh hi. Tua hun nai sawmna pawl ahi hi.
40 John thugen za-a Jesu nung a zui nihte lakah Simon, Peter sanggampa Andrew khat ahi hi. 41 Andrew in a hih masak pen a sanggampa Simon zonga, "Messiah (Christ cihna) ka mu zo uh hi," ci-in a va gen ahi hi. 42 Tua ciangin Jesu kiangah amah a paipih hi.#Jn 4:25
Jesu in amah en a, "Nang John tapa Simon na hi hi, na min ‘Cephas’ (a kileh ciang Peter c#1.42 Cephas (Aramaic) le Peter (Greek) a nih in suangpi cihna) kici ding hi," a ci hi.#Mt 16:18
Jesu in Philip le Nathanael Sam
43 A zing ciangin Jesu in Galilee lamah pai a sawm hi. Philip mu-a, "Ka nung hong zui in," a ci hi.#Mt 4:19; Jn 6:5-7
44 Andrew le Peter mah bangin Philip zong Bethsaida khuapi mi mah ahi hi. 45 Philip in Nathanael a muh ciangin, "Moses in Thukham sunga ama thu a gelh, kamsangte in zong amah tawh kisai a na gelh uh, Joseph tapa Nazareth mi Jesu ka mu zo uh hi," a ci hi.
46 Nathanael in, "Nazareth e! Tua panin na hoih piang thei maw?" ci-in a dong hi.#Jn 7:41-42
Philip in, "Hong pai inla hong en in," a ci hi.
47 Nathanael ama kiang zuana pai Jesu in a muh ciangin, "Hih lai-ah a sunga khialhna khat beek a om lo Israel mi taktak khat a om hi," ci-in a gen hi.
48 Nathanael in, "Kei bang hong ci theih na hi hiam?" ci-in a dong hi.
Jesu in, "Philip in nang hong sap ma, theikung nuai-a na om lai-in kong thei zo hi," a ci hi.
49 Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.#Jn 12:13
50 Jesu in, "Theikung nuai-ah nang kong mu zo hi, ci-a kong gen manin na um d#1.50 Ahikeh nang na um ...? hi. Tua sanga thupizaw nate na mu ding hi," a ci hi. 51 Amah in, "Nang e#1.51 Greek ah a tam genna thutak kong geninah: Van kihongin, Mihing Tapa tungah Pasian vansawltakte a kumsuk le a kahto na f#1.51 Greek ah a tam genna mu ding hi," ci-in a genbeh lai hi.#Pc 28:12; Mt 3:16
Valið núna:
John 1: ZIV
Áherslumerki
Deildu
Afrita
Want to have your highlights saved across all your devices? Sign up or sign in
Copyright 1994 Myanmar Center for World Mission