Piancilna 12
12
Abram Kisam
1TOPA in Abram kiangah, "Na gam, na mite le na pa’ innkuante nusia-in nang kong lah ding gamah pai in.#Ns 7:3;Heb 11:8
2 "Nang minam lianpi kong suaksak ding a;#Pc 17:2,4;18:18
thupha kong pia ding hi;#Pc 24:1,35
na min ka liansak dinga,
nang, thupha khat na hi ding hi.
3 Nang thupha hong piate,
thupha ka pia dinga, nang hong hamsiat peuhmah ka hamsiat ding hi;#Pc 27:29; Ms 24:9
nang tungtawnin leitunga minam khempeuh
thupha kipia ding hi," ci hi.
4 Tua ciangin TOPA gensa bangin Abram in nusia a; Lot in amah zui hi. Haran pan a paikhiatin Abram kum sawm sagih le nga a upa ta hi. 5 A zi Sarai, a tupa Lot, a neihsa khempeuh le Haran-a a zat nasem khempeuh tonpih in Canaan gam zuanin paikhia uh a, tua lai-ah a tung uh hi.#Pc 11:31; 14:14
6 Abram in tua gam tawna, Shechem-a Moreh singkungpi phung dongah a pai hi. Tua hunin Canaan mite tua munah teng uh hi. 7 Abram kiangah TOPA kilanga, "Nang suante a#12.7 Ahikeh ci tungah hih gam ka pia ding hi," a ci hi. Tua ciangin amah in ama tunga kilang TOPA ading biakna-tau khat dawh hi.
8 Tua lai panin Bethel nisuahna lam mualte tungah paisuaka, a puanbuk a lam hi; a nitumna lamah Bethel oma, a nisuahna lamah Ai om hi. Tua lai-ah TOPA ading biakna-tau khat dawh a, TOPA min a lo hi. 9 Tua ciangin Abram paikhia-a, Negev manawh in paisuak hi.#Pc 4:26;13:3
Egypt ah Abram
10 Tua hun laitakin tua gamah kialpi tunga, kialpi nasia lua ahi manin Egypt ah tawlkhat sung a teng dingin Abram paisuk hi. 11 Egypt a lut kuan laitakin a zi Sarai kiangah, "Na mel a hoih mahmah lam ka thei hi. 12 Egypt-te in nang hong muh uh ciangin ‘Hih nu ama zi hi,’ ci-in kei hong thatin nang bel hong hingkhawi ding uh hi. 13 Nang hanga ka nuntakna bangmah a cih loh nadingin nang kei sanggamnu in kigen lecin kei hong limbawl ding uh hi," ci hi.#Pc 20:2
14 Egypt ah Abram a tun ciangin Egypt-te in tuanu numei melhoih mahmah khat ahilam a mu uh hi. Pharaoh’ uliante in tuanu a muh uh ciangin 15 Pharaoh kiangah amah phat uh a, ama kumpi innah a kipaipih hi. 16 Tuanu hangin amah in Abram limbawla, Abram tuuhon, bawnghon, laa a nu le a pa, nasem numei, nasem pasal le kala-oh-te ngah hi.#Pc 24:35; Job 1:3
17 Ahi hangin TOPA in Abram’ zi Sarai hangin, Pharaoh le a innkuanpihte tungah natna nasia mahmah tungsak hi. 18 Tua ciangin Pharaoh in Abram sama, "Kei bang hong cih na hi hiam? Bang hangin amah na zi ahilam hong gen lo na hi hiam? 19 Bang hanga amah ka zi dinga ka lak theih nadingin, ‘Amah ka sanggamnu hi,’ ci na hi hiam? Tua ahi ciangin tu-in hi lai-ah na zi om hi, la inla pai in!" ci hi. 20 Tua ciangin Pharaoh in Abram tawh kisai-in a mite thu pia a, a zi le a neihsa khempeuh tawh amah a khakhia uh hi.#Pc 20:1-18;26:1-11;1Kh 16:21
Valið núna:
Piancilna 12: ZIV
Áherslumerki
Deildu
Afrita
Want to have your highlights saved across all your devices? Sign up or sign in
Copyright 1994 Myanmar Center for World Mission