JOHONIN 3
3
Isua le Nikodem
1Pharisi bila mi khat a oma a raming chu Nikodem. Ama ha Juda ngai ruaipu khat ani. 2Ama ha zana Isua kom ahonga: “Rabbi, Pathian kom ata ahong minchupu nei ni ti koinin nana riata, Pathian na bila a om ani nok anten hiva boidong sin nei tho ngai hi tuten tho thei no ni,” ati na.
3Hava suale Isuan akoma, “Atak taka kei na ril ani zei, mi anzirret nok anten Pathian reng changna ram mu thei no ni,” atia a masanga.
4Nikodemin akoma, “Mi atar sua nuka hontinmo ei anzir ret thei rang? A nu von sunga voi anni changna ei luta ei anzir ret rang mo?” ati na.
5Isuan, “Atak taka kei na ril ani zei, tia le Ratha ata anzir nok ten Pathian reng changna rama lut thei no ni. 6Taksan ei mazir chu taksa hanuk Rathan ei mazir chu ratha ani. 7Anzir thar ret u ro kei na ti u hi na chang mandong u no ro. 8Thinthi hi ei zot na tiang keng ei se, ten arasa chu na riat u, hovan ata ahong mo hovan tiang mo ei se rang riat u mak che. Mitin Rathana anzir chu hantin anga ei om rang,” atina a masanga.
9Nikodemin, “Hiva ngai hi hontinmo ei ni thei rang?” ati na a masanga.
10Isuan, “Nang ro Israel ngai anchu bila ansangkhit nei ni, hiva ngai hi nei riat nok mo? 11Atak taka keina ril ani u zei, koinin chu nei riat hakeng nei ril, nei mu sua rui keng nei man riat, hanum nisela koinin nei riatna tuten apom zot om u mak che. 12Ramual rui kei na ril u na lua iam u mak che, vanram rui vang chu ril ngal ila hontin nei iam u rang? 13Vanram ata ahonga chum Miring Sapa rong nok anten tute vanrama akal la om ngai mak,” atina a masanga.
14Mosin philchar rama thir len sin marul ei tar ang han, Miring Sapa ham lan tar nget inti. #Mip 21.9 15Hasik han ama a iam tak pei chu taituan damna chang inti. 16Asik chu Pathianin ramual adit rahaia a Naipasal selep ei hong phal, Ama a iam tak pei chu pei anchang no ni a, tenchu taituan damna keng ei chang. 17Pathianin ramual tak chunga rui aril ranga a Naipasal ei hong tir nimak, tenchu Ama zara ramualin sandam ei lei chang thei na ranga.
18A Naipasal a iam tak chu a rui anril lai no ni tenchu Ama a iam thei nok tak chu a rui anril sua keng ani zei, asik chu Pathian Naipasal selep raming ei iam nok sika han. 19Ruirilna chu hiva hi ani zei, ramuala ra-ang ahonga mi ngaiin ra-ang neka azing kar aliak adit u, asik chu asin tho u ngai dora asiat sua keng ani zei. 20Asia atho doran chu ra-ang a mumaka, hatuka ra-ang tiangam hong u no ni, asik chu asin tho salui ngai lam anlang ving ngai. 21Adik atho ngaiin chu ra-ang tiang ahonga, Pathian he tel chunga asin tho u ngai ha ra-anga ei anlang thei na ranga.
Johonin Isua Rui Aril
22Hava suale chu Isua a zolai ngai le Judai rama ase u na, hatuka amani bila a om lena hanuk baptisma a peka. 23Johon ham Salim khua kola Ainona baptisma, alei hong peka, hava muna han ti ei tam sika, mipui ngai chu akoma ase u na hatuka aman baptisma alei peka. 24Asik chu hava lai han Johon lungina lan khum maka. #Mt 14.3; Mk 6.17; Lk 3.19-20
25Hatuka Johon a zolai ngai lehan Juda mi khat anthiangna dan ruia ankhal u na. 26Hava suale Johon koma ahong u na, “Rabbi, Jordon varala na bila a om, arui nei rilpu han, enta, sova son baptisma a peka, mi dora ama kom ase zit zei,” ava ti u na.
27Hataka Johonin, “Van ata Pathian pek ani nok anten, miringin ite ei nei om mak. 28‘Koi chu Krista ni makung, ama a matona aleia hong ranga alei hong antir keng ka ni, atina kei na ril u ha nangni ngai len ha ariat na la ni u.’ #Jn 1.20 29Muisa ava ruai chu makpa anina, makpa amal han akola anding chiana makpa chong ei rangaia achan arai ei lei man san; havan tin anga han ka raisanna ei tung ani zei. 30Ama chu lan son riam intia, ten koi chu lan kei tir ka tinga.” atina a masanga.
Van ata Ahongpu
31Chung tiang ata ahongpu chu alom reng chunga alian khit ani na ramual ata ahonga suak aniten, ama chu ramual mi anina, hanuk ramual rui um ei ril. Van ata ahong chu alom reng chunga alian khit ani.
32Aman chu ei mu le ei riat ngai keng ei na manriat; tenchu ei riat ngai tute apom pe om mak.
33Ama ei ril ngai apom tak chu Pathian chu atak ani ati na, mor azema.
34Asik chu Pathianin ei hong tir tak chu Pathian chong keng ei ril, asik chu Pathianin Ratha hi amai chaka ei pek ni mak. 35Pa han Naipasal adita, ama kuta aloma apek zita. #Mt 11.27; Lk 10.22 36Naipasal a iam tak pei chu taituan damna aman sua zei, tenchu Naipasal atel nok tak chu damna mu thei lai no ni, haneka Pathian taksitna achunga a om keng ani zei.
Valið núna:
JOHONIN 3: RANGBSI
Áherslumerki
Deildu
Afrita
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.