INṬANNA 2
2
1Chuongchun, hnuoi le vân chu an chunga umhai po po le chun siem zo a ni tah a.
2 #
Heb 4.4,10 Chun, Pathienin ni sari nia chun a thilsiem chu a thaw zo a; ni sari nia chun a thilsiem po po chu a châwlsan tah a.
3 #
Ex 20.11 Chuongchun, Pathienin ni sari ni chu mal a sâwm a, ân ser tah a: chu ni chun Pathienin a thilsiem po po, thu ngawta a siem le kuta a siemhai chu a châwlsan ta leiin.
4Hnuoi le vân siem an ni lai khan an thlahai chu hieng hi an nih, LALPA Pathienin hnuoi le vân a siem nia khan.
5Hnuoia hlo hrim hrim hi hnuoiah a la um nawh a, hnuoia thlai hrim hrim khawm hi a mâwng bawk nawh. LALPA Pathienin hnuoi chungah ruo a lân sûrtir si nawh a, hnuoi inlettu dingin mihriem hlak an la um bawk nawh;
6amiruokchu, hnuoia inthawkin sûm a hung suok a, hnuoi chung po po chu a sukhnâwng a.
7 #
1 Kor 15.45,47 Chun, LALPA Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni tah a.
Eden huon
8Chun, LALPA Pathienin sak- tieng Edena chun huon a siem a; a mihriem siem chu chutaka chun ân umtir a.
9 #
Tp 2.7; 22.2,14,19 Chun, hnuoia inthawkin, LALPA Pathienin thing mitlatak le fâkmi tinrêng ân mâwngtir a; hringna thing khawm huon lailung taka chun ân mâwngtir bawk a; a suol le a ṭha hrietna thing khawm.
10Chun, Edena inthawkin huon sukhnâwng dingin vadung a luong suok a; chutaka inthawk chun ân ṭhe dar a, pali a hung ni tah a.
11A pakhatna hming chu Pison a na; chu chu Havila ram po po luong huoltu chu a nih; chutaka chun rângkachak a um a;
12chu rama rângkachak chu ṭhatak a nih; chutaka chun delium le onik lung khawm a um.
13Vadung pahnina hming chu Gihon a nih; chu chu Kus #Mesopotamia sim sak a ni el thei, or Susa ram po po luong huoltu chu a nih.
14Vadung pathumna hming chu Hiddekel a nih; chu chu Assuria ram saktienga luong chu a nih. Vadung palina chu Euphrates a nih.
15LALPA Pathien chun mihriem chu a ṭhuoi a, Eden huona chun enkawltu le vêngtu dingin a sie tah a.
16Chun, LALPA Pathien chun mihriem kuomah, “Huona thing tinrêng rahai hi i nuom nuomin i fâk thei a,
17a suol le a ṭha hrietna thing ra ruok hi chu i fâk ding a ni nawh; i fâk chun i fâk ni ngeiin i thi ngei ding a nih,” tiin thu a pêk a.
18Chun, LALPA Pathien chun, “Mihriem ama khât baka a um hi a ṭha nawh ie; ama ṭhangpuitu ding, ân kawppui ding âwm mî siempêk ka tih ie,” a ta.
19Chun, LALPA Pathien chun pilin ramsa tinrêng le chunglêng vate tinrêng chu a siem a; an hmingah ieng ieng am ân bûk ding ti hrietna dingin mihriem kuoma chun a ṭhuoi tâwl a; chun, thilhring tinrênghai chu mihriem chun an hming a lo inbûk po chu an hming a ni sawng tah a.
20Chuongchun, mihriem chun ran po po dâm, chunglêng vate dâm, ramsa tinrêng dâm hming chu a sak seng a; nisienlakhawm, mihriem ta ding chun a ṭhangpuitu ding a kawppui âwm mi a um nawh a.
21Chuongchun, LALPA Pathien chun mihriem chu inhniktakin ân intir a; chuongchun, a in tah a; chun, a nâkru pakhat a lâk a, chu ai chu tisain ân hluosiptir a;
22chun, LALPA Pathien chun mihriema inthawka a lâk nâkru chu nuhmeiah a siem a, mihriem kuoma chun a ṭhuoi a.
23Chun, mihriem chun, “Hi zet hi chu ka ru ang ru neia, ka tisa ang tisa nei ngei chu a nih; Pasala inthawka lâk suok a ni leiin, ‘Nuhmei’ ti ding nîng a tih,” a ta. #Hi zet hi chu ka rua ru, ka tisaa tisa
24 #
Mt 19.5; Mk 10.7; 1 Kor 6.16; Eph 5.31 Chuleiin, pasalin a nu le pa mâksan a ta, a nuhmei chel a tih, chuongchun, tisa pumkhat hung ni tâng an tih.
25Chun, pasal le a nuhmei chu an pahni chun saruokin an um a, an inzak chuong nawh a.
Valið núna:
INṬANNA 2: HMARCLBSI
Áherslumerki
Deildu
Afrita
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.