MITHEW 1
1
Jisu Puhang Pahang Na
(Luk. 3:23-38)
1Jisu Khrista David atu ate Abraham sanao pa puhang pahang na jiekka shi. 2Abraham hi Isaac hina mapa, Isaac na Jacob hina mapa Jacob na Judah akha chu ulenao ngei mapa. 3Judah na Perez lea Zerah mapa, hana manu na Tamar, Perez na Hezron mapa, Hezron na Ram mapa. 4Ram na Amminadab mapa. Amminadab na Nahshon mapa, Nashon na Salmon mapa. 5Salmon na Boaz mapa manu na Rahab Obed mapa na Boaz akha chu manu na Ruth, Jesse mapa na Obed. 6Akha chu arengpa David manu chu Uriah namei ae. 7Rehoboam mapa na Solomon, Abijah mapa na Rehoboam, Asa mapa na Abijah. 8Jehoshaphat mapa na Asa. Jehoram mapa na Jehoshaphat, Uzziah mapa na Jehoram. 9Jotham mapa na Uzziah Ahaz mapa na Jotham Hezekiah mapa na Ahaz. 10Manasseh mapa na Hezekiah, Amon mapa na Manasseh. Josiah mapa na Amon. 11Akha chu Jeconiah lea uleh nao ngei mapa na Josiah, Babylon na phaija ta lei sunga don.
12Babylon na phaija ta nutienga Jeconiah hi shealtiel ma pa ae. Zerubbabel mapa na Shealtiel. 13Abiud mapa na Zerubbabel. Eliakim mapa na Abiud. Azo mapa na Eliakim. 14Zadok mapa na Azos. Akim mapana Zadok. Eliud mapa na Akim. 15Eleazar mapa na Eliud. Mathan mapa na Eeazar. Jacob mapa na Matthan. 16Akha chu Khrista Jisu ta kok Messiya manu Mary pasal na Josep hina mapa na Jacob.
17Abram hai thou David phao shunga meerul asom inly, Huna David hai thou Babylon na phaija tah phao sung hina meerul asom inly. Huna hai thou wa khrista phao sung kom meerul asom inly.
Jisu Khrista Don Na
(Luk. 2:1-7)
18Jisu Khrista hi ta don ae, manu Mary hi Josep kolla nuhla ranga reikung silsha so weh chuti weta manui ani na taichang matieng Mary chu muihla athieng na nao ron so ae. 19Chuna mapasal chang angpa Josep chu adiek tullu lu mee sou chu mee ngei na thei hap matienga athei chak alung sunga daitiek ta hran hou rang hal so. 20Rouram lim mahal su nutienga Arengpu wanrui na ma manga amo ta kok, “David sanao Josep, Mary ta nei ang ati no oh rouram chu mawon sunga naoron chu muihla athieng hai thou ae. 21Namei hana spa don ange akha chu nangna maming hi Jisu ta kokko, amona mamee ngei ta pak hai thou sanpi ange.”
22Nalim pa hi Arengpu rou ma ril rouphu na rilsha ha thungpi ranga ae. 23“Athieng snu chunga naoron nange amo na spa akha don ange, akha chu amota Immanuel ta kokkange” (hina rilna chu, “Anita am haso Chungthieng.”)
24Josep na eenhrang lakjuija Areng wanrui na amo ta trongsan pek nu juija amona Mary ta anamei changa ma inn na rui phao. 25Chuti weta amona nao don ma lim ma anamei ae ta jalha hrun ha no ae. Akha chu aming ko amo na Jisu ta kokkae.
Valið núna:
MITHEW 1: CHOTBSI
Áherslumerki
Deildu
Afrita
Want to have your highlights saved across all your devices? Sign up or sign in
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.