JOHANA 15
15
Jisua, Grep kung dik tak
1“Keimah hi grep kung diktak ki nit a, ki Pa arkul idontu a nit.#Isa.5:1-7; Ezek.19:10. 2Keimah-a kop iṭang irâ no murdi chu a pai ngai a, â râ murdi chu arthial infâi ngai, â râ a tam ualna rangin. 3Nin zianga ki thu sîr murdi sikah hin nin irthiang liai tâk a nit. 4Keimah-ah om mai unla, kei khom nangmaniah om mai ki ti. Iṭang khah grep kungah a kop mai non chu a khâtin a îrâ thei ino angkah takin, nangni khom keimah-ah nin om mai non chu irâ thei no tin u.
5“Keimah grep kung ki nit a, nangmani â ṭanghei chu nin nit. Tukhom keimah-ah a om mai a, kei khom amah-ah ki om maina chu itam takkan â râ ngai; keima boiin îte sin thei mak chei.#Joh.6:56. 6Tukhom keimah-ah om mai ino chu iṭang angkana paiin a om a, a châr ngai. Khanchu, an rikhôm a, meiah an pai a, a kâng rivâm ngai. 7Keimah-ah nin om mai a, ki thu khom nangmaniah a om maiin chu, nin inuam murdi zong unla, mu mai nin ti. 8Itam takka nin îrâ-ah hin ki Pa roinpuina inlangin ai om ngai a nit; khaangkan ki kôilômhei nin hong init a nit. 9Pan lung a ne ithlung angkan kei khomin lung nangni kî thlung a nit; ki lungthlungin om mai rei. 10Ki thupêkhei nin zômin chu ki lungthlungin om mai nin ti, keiman ki Pa thupêkhei ki zôm a, a lungthlunga kî om mai angkah hin.#Joh.14:15.
11“Ki lômna hi nangmaniah a om mai theina rang neh nin lômna arkip theina rangin hi thu hih nin ziangah ki îsîr a nit. 12Amahih ki thupêk chu a nit; lung nangni kî thlung angkah hin nangni khom lungrithlung risak rei.#Joh.13:34; 15:17. 13Miriamin a rualhei ta ranga a ringna ai pêk nêka lungthlungna lian ual tutên nei mak e. 14Ki thupêk nin zômin chu ki rualhei nîng nin ti. 15Suak nangni ti khâi no ning; suakin chu a pu sintho a riat ngai no sikin. Suak nangni ti nêkan rual nangni kî ti tâk a nit; ki Pa zianga rithoka thil kî riat murdi nangni ki îril tâk a nit. 16Nangmanin ner thlang mak chei a, keiman nangni ki irthlang a nit; ife a, irâ itam takkah va nei rang neh nin irâ om mai rangin nangni kî phun a nit; khanchu, ker minga Pa zianga nin ingên murdi chu nangni ai pêk rang a nit. #Joh.6:70; 13:18. 17Khasikin, hi thupêk hih nangni kî pêk a nit, lungrithlung rei.
Rammual inel
18“Rammualin nangni a nelin chu, nangni a nel maah khan keimah a ne lei inel tâk a nit iti remai rei.#Mat.24:9; Joh.7:7; 1 Joh.3:13. 19Rammual mi ni unla chu, rammualin ama ta angkan lung nangni ai thlung rang a nit. Khannisela, rammuala rithoka nangni ki irthlang suak nin nit a, rammual ta nin nit khâi no sikin rammualin nangni ai nel a nit. 20‘Suak khah a pu nêkan roinpui mak,’ iti thu nangni ki îril khah remai rei. Anni khan keimah nuamning an ne ilo angkah khan nangni khom nuamning nangni lông an ti; ki thu an zômin chu nin thu khom zôm an ti.#Mat.10:24; Lk.6:40; Lk.6:40; Joh.13:16. 21Nikhomsela, hi thilhei murdi hih ki ta nin nit sikin nin chungah an itho rang a nit, ne tirtu khah an riat no sikin. 22Keimah izuangin an ziangah thu isîr non lang chu suala thiamno chang an init ino rang pial; atûn chu an sual riphialna rang nei khâi mak e. 23Tukhom ne nel chu ki Pa khom ai nel a nit. 24Mi dang tutên an lai tho ngai ino thilhei khah an lâiah sin non lang chu, suala thiamno chang an init ino rang pial; atûn chu ki sinthohei khah an mu a, keimah neh ki Pa khah an ne inel tâk a nit. 25Îkhom ni seh, an Dân lekhabuah, ‘Anmanin a bi boiin an ne nel,’ iti riziak khah a hong tlung ngêtna ranga an itho a nit.#Lap.35:19; 69:4.
26“Thlangamtu, Pa ziang ata ki zuk tir rang, Paa rithoka suak, Rithla diktak, Pathian thutak inlangtu khah a zuang tenan ani khan ki thurchi isîr a ti.#Joh.14:6. 27Khabanah, nangni khom a tîr ata ki zianga om nin nit sikin ki thu retuhei nin nit.
Valið núna:
JOHANA 15: BIATBSI
Áherslumerki
Deildu
Afrita
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More