JOHANA 13
13
Jisuan a Kôilômhei ke arsûk
1Khante, Kalkan Kût rang nikhua a hong nit tâk a. Jisuan hi rammual ima a, Pa zianga a fe zoro a tlung tâk iti a riat a. Ama mi rammuala omhei khah lung a thlung a, a mong idênin lung ai thlung a nit.#Joh.11:55; 12:23; 16:38. 2Jisua neh a kôilômhei zânbu an rikhîl a. Soitana khan Simon Iskariota naipa Juda khah Jisua inman rangin ngaituana #13:2 Mss ṭhenkatah, ‘Jisua inmantu rangin a lei inkung,’ iti a nit. a lei innei thlâm tâk a.#Mk.14:10. 3Jisuan, Pan richamneina murdi a pêk iti neh Pathiana rithoka zuang a nit a, Pathian zianga fe nôk rang a nit iti a riat a. 4Khasikin, bukhêng kung ata khah a thoi a, a zakorfual a khek a, rirûkna puan a lâk a, a vong a. 5Khanungchu, tâborah tui a sung a, a kôilômhei ke arsûk tâk a, rirûkna puan ai vongah khan a rûk thiai a.
6Khante, Simon Petera ziang a hong tlung a, Petera khan, “Pumapa, nangman ki ke ni irsûk rang im?” a ti a.
7Jisuan a sâm a, “Ki sintho hih atûn chu la reh mak cheh; nikhomsela, nakanah chu la riang ni ti,” a ti a.
8Peteran a ziangah, “Nangman ki ke chu risuh tlak no tin,” a ti a.
Jisuan a sâm a, “Ni ke ker sûk non chu ki kôilôm ni khâi no tin e,” a ti a.
9Simon Petera khan a ziangah, “Pumapa, kha non chu ki ke bang ni loiin, ki kut neh ki lu khom risuh sa roh,” a ti a.
10Jisuan a ziangah, “Tukhom tui risil tâk chu a ke bang ti no chu risûk nang khâi mak e; a pumin ai fâi tâk a nit. Nin lâia mi khatkah ti no chu nin rêngkan nin ifâi tâk a nit,” a ti a. 11Jisuan ân man rangtu khah a riat ṭian sikin, “Nin lâia mi khatkah ti no chu nin rêngkan nin ifâi tâk a nit,” ai ti a nit.
12Khante, an ke arsûk pêk zoiin chu a zakorfual khah â hâk a, bukhêng a pan nôk a, an ziangah, “Nin chunga ki sintho hih a omzia nin riat thei im?#Lk.22:27. 13Nangmanin, Minriseitu neh Pumapa nin ne ti ngai a, nin itîn dik a nit; inih khom kî nit pial a nit. 14Keimah, nin Pumapa neh Minriseitu lua manin nin ke ker sûkin chu, nangmani khomin nin ke nin risûk risak rang a nit. 15Nin chunga kî tho angkah hin nangni khomin nin tho theina rangin enton rang nangni ki înmu a nit.#1 Pet.2:21. 16Thudik nangni ke ril, suak hih a pu nêkan roinpui mak a, tirtôn khom â tirtu nêkan roinpui ual mak e.#Mat.10:24; Lk.6:40; Joh.15:20. 17Atûn chu kha thudik khah nin riat tâk a, nin zômin chu lôm tak tak nin ti.
18“Nin rêngka thu ki îsîr ni mak e; ki irthlanghei chu keiman ki riat. Nikhomseh, Pathian Thubûn, ‘Ki bukhêng ne otpuitu kha ke râl a hong chang tâk,’ ai ti khah a hong tlung idik ngêt rang a nit. 19Amahih a hong tlung man nangni ki lei îril a nit, a hong tlung tikah, ‘Ani khah keimah ki nit,’ iti nin iam theina rangin. 20Thudik tak nangni ke ril, tukhom ki mi tir lei iham chu keima ne ham a nit a; tukhom ne ham chu ne tirtu ham a nit,” a ti a. #Mat.10:40; Mk.9:37; Lk.9:48; 10:16.
Jisuan inmana a om rang a lei inpuang
(Mat.26:20-25; Mk.14:17-21; Lk.22:21-23)
21Jisuan kha thu khah â sîr zoiin chu, â lung a sôl tak tak a, “Thudik tak nangni ke ril; nin lâia mi khatkan nen man a ti,” itin ân puang a. 22Kôilômhei khan a tu bîk im ai ti an riat no sikin an ri-en risak a.
23A Kôilômhei lâia khatkah, Jisuan lung ai thlungah khah, Jisua dep takah khalai iotin â ṭhung a.#Joh.19:26; 20:2; 21:7,20.
24A tu tak im ai ti riatna rangin zâizirin Simon Petera khan ani khah ân ridon a.
25Khanchu, kha mi khah Jisua tiang a var thîn a, “Pumapa, tu tak im ai nit?” itin ardon a.
26Jisuan a sâm a, “Ibai lek ichiang ki ta, kî pêk tak khah nîng a ti,” a ti a. Khanchu, ibai lek a lâk a, â chia a, Simon Iskariota naipa Juda khah a pêk a. 27Juda khan ibai lek khah a lâk kaneh chu a sungah Soitana a lût zel tâk a. Jisuan a ziangah, “Ni tho rang khah tho vak vak ta roh,” a ti pêk a. 28Kha docham rikhîlhei lâia tutên amakhah îtho sika a ziangah Jisuan ai ti pêk manih iti reh mak a. 29Kôilôm ṭhenkan chu Juda khan sumkok â kol sikin Jisuan, “Kût mangna rang thil ei inanghei richoh roh,” ai ti manih, anitnole, “Inrianghei ziangah itika peh roh,” ai ti pêk manih an sôn a.
30Khanchu, Juda khan ibai khah a lâk a, a rot zel tâk a. Kha zoro khah zân a nit.
Thupêk Ithar
31Juda a rot zoiin chu Jisuan an ziangah, “Atûn chu Miriam Naipa chôiinrisângin a om tâk, ama sikin Pathian khom chôiinrisângin ai om tâk a nit.#Joh.17:1; 12:33. 32Amah-ah Pathian chôiinrisângin a omin chu Pathian khomin amah-ah khan Miriam Naipa chôiinrisâng a ti, chôiinrisâng zel a ti. 33Ki naihei o, nin lâiah zoro sôt om khâi no ning e. Nangmanin ne zong nin ti; khanniseh, ‘Ki fena rangah fe thei no tin u,’ Judahei zianga kî ti pêk angkah khan nangmani ziangah khom kî ti a nit. #Joh.7:34. 34Khante, atûnah hin thupêk ithar nangni kî pêk a nit: lungrithlung rei. Lung nangni kî thlung angkah hin lungrithlung ngêt rei.#Joh.15:12,17; 1 Joh.3:23; 2 Joh.5. 35Lung nin rithlungin chu mi tinin ki kôilômhei nin nit iti riang an ti,” a ti a.
Peteran a phial rang thu Jisuan a rillôk
(Mat.26:31-35; Mk.14:27-31; Lk.22:31-34)
36Simon Peteran a ziangah, “Pumapa, takâm ni fe rang?” itin ardon a.
Jisuan a sâm a, “Atûn chu ki fena rangah ne la zui thei no tin e; nikhomseh, nakanah chu ne la zui ni ti,” a ti a.#Joh.21:18; 2 Pet.1:14.
37Peteran, “Pumapa, ithôm atûn chu nang kî zui thei ino rang? Nangma rang sikin chu ki ringna khom pêng ki ti,” a ti a.
38Jisuan a sâm a, “Keima rang sikin ni ringna nî pêk rang na? Thudik tak nang ke ril, nangman âr khuang man voi thumkah ne phial ni ti,” a ti a.
Valið núna:
JOHANA 13: BIATBSI
Áherslumerki
Deildu
Afrita
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More