RIPHUTNA 35
35
Bethelah Pathianin Jakoba ṭhat a vur
1Pathianin Jakoba ziangah khan, “Thoi inla, Bethelah fen la, amakhan om roh; ni u Esauva ziang ata lâizâm ni tho lâia ni zianga inlâr Pathian rangah khan mâichâm siam roh,” a ti a.#Riph.28:11-17.
2Khanchu, Jakoba khan a insungkuahei neh a zianga om murdihei ziangah khan, “Ram dang pathian nin idônhei khah pai riai rei. Rithâr rithiang unla, nin silbom ifâihei ihâk rei. 3Hi mun hih iman Bethelah ei ife rang a nit; ki lungdong lâia ne donsui a, ki fena tina ki zianga om mai Pathian rangah khan mâichâm kî siam rang a nit,” a ti a. 4Khanchu, ram dang pathian an kuta om murdi khah Jakoba an pêk a, an ikuara kuarbet an ibet murdi khom an pêk a; Jakoba khan Sekem kho kôla saso kung thuaiah khan a phûm tâk a.
5Jakoba neh a naipahei kha an rithok lâiah khan kha khua vêla om mihei chu Pathiana rithoka ṭina natinsat takin a zuang man tâk a; khanchu, anni khah rizûl khâi mak a. 6Khanchu, Jakoba khan Kanan ram Luz khua an iti ngai Bethel khah a mihei neh khan an tlung a. 7Amakhan mâichâm a siam a, a u ziang ata lâizâm a tho lâiah khan kha munah khan Pathian a ziangah a zuang inlâr sikin kha mun khah El-Bethel#35:7 ‘Pathian in Pathian’ tina. ai be a nit. 8Rebeki dontu Debori khah a thi a, Bethel sim tianga saso kung thuaiah khan an phûm a; khasika khan kha mun riming khah Alon-bakut#35:8 ‘Ṭapna saso thing bil’ tina. an iti tâk a nit.
9Jakoba khan Mesopotamia rama rithoka a hong kîr nôkah khan a ziangah Pathian ân lâr nôk a, ṭhat a vur a. 10Pathian khan a ziangah, “Ner ming hih Jakoba a nit a; nikhomsela, atûna rithokin chu Jakoba nang ti khâi no ni a, ner ming chu Israela ai nit rang tâk a nit,” a ti a. Khanchu, arming khah Israela iti a nit tâk a.#Riph.32:28. 11Pathian ngirin a ziangah, “Keimah, El-Sadaia (Pathian Tinrêngthotheia) ki nit. Richi itam takka neiin hong pung roh; nam dang dang itam takkah nangma rithokin la hong om an ta, ni ṭhâlbea rithokin rênghei khom la hong suak an ti. #Riph.17:4-8. 12Abrahama neh Isaka kî pêk ram hih nang pêng ki ta, ne nunga ner chi suanpâr la hong iomhei rangin hi ram hih nang kî pêk a nit,” a ti a. 13Khanungchu, amah â sônna mun ata khah Pathian khan Jakoba khah a mâk tâk a. 14Pathianin â sônna munah khan Jakoban riatlengna lung a phun a; a chungah khan uain neh oliv riak ibuakin a thâr tâk a.#Riph.28:18-19. 15Khanchu, Jakoba khan kha mun riminga khan Bethel a be tâk a.
Rakili thi thu
16Jakoba neh a insungmihei khah Bethela rithoka khan an fe nôk a; Efratha khua an tlung rangtoah khan Rakili khah nai nei zoron a hong de a, naihan a sê tâk a. 17Naihan a sê inrik lâiah khan mi nai innei ngai nu khan, “Ṭi no roh; naipa dang nî nei a nit hih,” a ti a. 18Nikhomsela, ani chu ithi rangin a om tâk a, a thi rangtoah khan a naipa riming kha Benoni#35:18 Benoni tih hi ‘ki lungzîng nai’ tina a nit. a sak a. A pa khan chu Benjamina#35:18 Benjamin iti hih ‘changtiang naipa’ tina a nit, amakhah ‘naipa vânnei rang’ tina a nit. a sak a. 19Rakili khah a thi a, Efratha lampuiah khan an phûm a, Efratha khua khah Bethlehem khua an iti tâk hi a nit. 20Â thlânah khan Jakoban lung a phun a; amakhah atûn tenan Rakili thlânah khan a lai om a nit. 21Israela kha a fe thiai mai a, Mig-dal-eder#35:21 Mig-dal-eder, Bethlehem kho kôlah khan bera neh kêl enkoltuhein an ran an thlîrna rang in risâng a om a, ‘ran lôm in risâng’ tina a nit. khêlah khan ommun a khuar tâk a. 22Kha ramah a om lâiah khan Reubena khan a pa thâikêm Bilhaii khah a zâlpui a; Israela khan amakhah a lei riat a, a ning a thik tak tak a.#Riph.49:4.
Jakoba naihei
(1 Rich.2:1-2)
Jakoba khan naipa sômleiinikah a nei a. 23Leaii naihei: Reubena (Jakoba nai lutîr), Simeona, Levia, Juda, Isakara, Zebuluna hei an nit. 24Rakili naihei: Josefa neh Benjamina an nit. 25Rakili somnu Bilhaii naihei: Dana neh Naftalia an nit. 26Leaii somnu Zilpaii naihei: Gada neh Asera an nit. Khahei khah Jakoba naihei, Mesopotamia ramah a om lâia suakhei chu an nit.
Isaka thi thu
27Kiriat-arba, Hebron an iti tâk rama Mamre khua, a pa Isaka omna kha Jakoba khan a tlung tâk a. Kha mun khah a nit Abrahama neh Isaka lei omna mun chu. #Riph.13:18. 28Isaka chu kum rizalei sômiriatka ulian a nit a. 29Isaka khah ulian ok tarkûla damin a thi a, a chipuihei ziangah iṭhuiin a om tâk a; khanchu, a naipa Esauva neh Jakoba khan an phûm tâk a.
Valið núna:
RIPHUTNA 35: BIATBSI
Áherslumerki
Deildu
Afrita
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More