RIPHUTNA 30
30
1Rakili khan Jakoba khah nai rêng rêng a nei pêk no sikin ân zirpuinu khah a thîk tâk a; Jakoba ziangah Rakili khan, “Nai ne pe roh, khanonchu, kî thi rang kêng,” a ti a.
2Jakoba kha Rakili chunga khan a ning a thik a, “Nai nei thei loi ranga nang isiamtu Pathian im kî nit hih,” a ti a.
3Rakili khan, “En ta, ki bôinu Bilhaii hih zâlpui inla; khanchu, kei khomin ama tak ata ki malpui chunga ke pom rang nai a ne inei pêk rang a nit,” a ti a. 4Khanchu, a bôinu Bilhaii khah a pasal Jakoba ziangah a pêk a, Jakoba khan ani khah a lei zâlpui a. 5Bilhaii khan nai a vong a, Jakoba khah naiipa a nei pêk tâk a. 6Khanungchu, Rakili khan, “Pathianin a ne ngaitua a, ki rôl a lei riat a, naiipa a ne ipêk a nit hih,” a ti a; arming kha Dana a sak a. 7Rakili bôinu Bilhaii khan nai a vong nôk a, Jakoba khah naiipa dang a nei pêk nôk a. 8Rakili khan, “Ribuanpui titakin ken zirpuinu chu ker buanpui a, ke nê tâk,” a ti a; arming kha Naftalia a sak a.
9Leaii khan nai dang nei nôk thei khâi mak iti arriatin chu a bôinu Zilpaii khah a ṭhui a, Jakoba a pêk a. 10Khanchu, Leaii bôinu Zilpaii khan Jakoba khah naiipa a nei pêk a. 11Leaii khan “Ki vân a ṭhat vang na!” a ti a; arming kha Gada a sak a. 12Leaii bôinu Zilpaii khan Jakoba khah naiipa dang a nei pêk nôk a. 13Leaii khan, “Ki lôm tlia na! Atûn chu nupanghein lômi an ne iti rang tâk a nit hih,” a ti a; arming kha Asera a sak a.
14Bu ât lâiin Reubena chu loiah a fe a, zôlaidi#30:14 Hebraiin Loisûl chi khatkah, nupang ipa nitna inthuar theia ibe a nit. Â neitu chang mîn an nuam a, nupang ta rang vângin chu nai vong ngêtnaa an ibe a nit. a mu a, a nu Leaii a hong chôi pêk a. Rakili khan Leaii ziangah, “Ringaiihoi takkan ni naipa zôlaidi ne sem viat roh,” a ti a.
15Leaii khan a ziangah, “Ki pasal ni ne isut hih thilte pai im ai nit? Ki naipa zôlaidi ten khom ne sut nôk nî tum na?” a ti a.
Rakili khan, “Ni naipa zôlaidi ne pen la, vuanzân Jakoban nang la zâlpui riseh,” a ti a.
16Khanchu, kholoiah Jakoba kha loia rithoka a hongin chu Leaii khan a lei va don a, “Vuanzân chu ki ziangah ni zâl rang a nit; ki naipa zôlaidin nang ki lei ilo tâk kêng,” a ti a. Kha zânah khan chu a ompui tâk a.
17Pathianin Leaii ṭongṭaina arngai pêk a, nai a vong a, Jakoba chu naiipa arngana a nei pêk nôk a, 18Leaii khan, “Ki bôinu chu ki pasal ziangah ki pêk sikin Pathianin ki lo a ne ipêk tâk a nit hi,” a ti a; arming kha Isakara a sak a. 19Leaii khan nai a vong nôk a, Jakoba kha naiipa â rukna a nei pêk nôk a. 20Leaii khan, “Pathianin thil ilu tak a ne ipêk a nit hih, naipa pasal irukkah ki nei pêk tâk sikin ki pasal hin ner ngaiinlu tâng a ti,” a ti a; arming kha Zebuluna a sak a. 21Kha nungah khan nai nupang a nei nôk a, arming Dinaii a sak a.
22Pathianin Rakili khah a riat mai a, Pathianin a ṭongṭai arngai pêk a, a sûl â ong pêk tâk a. 23Khanchu, nai a vong a, naiipa a nei tak a; “Pathianin ki mualinphoina a lîp tâk,” a ti a. 24A naipa riming kha Josefa#30:6-24 Jakoba naihei riming omzia hingka hin a nit: Dan - roiirêlpêk; Naftali - idoi; Gad - vânnei; Aser - hamṭha; Isakar - rilofa (mi insin) manih, loman imu rang manih; Zebulun - thilpêk idong; Josefa - pe kîr riseh manih, ‘a lei boi tâk’ iti manih a nit. a sak a. Pumapa khan nai ipa dang ne pe nôk sa riseh, a ti a;
Jakoba neh Labana an ridôr
25Rakilin Josefa a nei zoi nungah khan, Jakoba khan Labana ziangah, “Ki omna, ki ram tiang ki kîr nôkna rangin nen fe ta roh. 26Ni sin ki thona bi ki nupuihei neh ki naihei hi ne pen la, nen fe ta roh; ni sin ki thon ṭhatzia ni riat a,” a ti a. 27Labana khan a ziangah, “Ringaiihoi takkan la om hi rei; Pumapa khan nangma zârin ṭhat a ne ivur a nit iti riatna kî nei a nit. 28Khasikin, ni lo rang khah tin la nang pêng ki ti,” a ti a.
29Jakoba khan a ziangah, “Ni sin ki tho dân ni riat a, ki enkolna nuaia ni berahei an hong pung dân khom ni riat riai a. 30Ki hong maah khan chu iroicheka bang kha atûn chu itam takkah a hong init tâk hih; ki ke chuangna tiang tiang Pumapa khan ṭhat nang ai vur mai a nit. Atûn chu keima ridîna ki sin rang zoro ai nit tâk a nit,” a ti a.
31Labana khan, “Im nang ki pêk rang?” a ti a.
Jakoban, “Îte ni ne pêk nang mak; hi thil hi ni ne tho pêkin chu ni ran lômhei chu enkol nôk ki ti. 32Vuanah hin ni ran lômhei chu va en suak zit ki ta; bera lâia a vom murdi hei, kêl lâiah a ngoia riziahei neh a ngoia det lok lokhei chu a ranin ṭhui ki ti. Atûna rithokin chu khangkana zuang inzirhei murdi chu ki lo rang ni riseh. 33Ki lo chungchâng en infel ni hong tikah khan, ki iamom neh omno chu mu thei zel ni ti. Ki ranhei lâiah bera a vom ni no, kêl angoia ṭial nino neh a ngoia det lok lok nino nî mu kangân chu ki irûkin la be roh,” a ti a.
34Labana khan, “A ṭhat, ni ti lam takah khan ni riseh,” a ti a. 35Nikhomsela, kha nî zela khan Labana khan, kêlchal a ngoia ṭial neh a ngoia det lok lok murdi hei, kêlpui a ngoia rizia neh a ngoia det lok lok murdi, a ngoi iṭang murdihei neh bera a vom murdihei kha â thlei a, a naipahei ân enkol a. 36Jakoba omnaa rithoka sûn thumka lamah ân om a; Jakoba khan Labana ran lôm danghei murdi khah a enkol zui mai a.
37Jakoba khan thingkung rizar chi â êm a lâk a; arkôl a khek inṭial a. 38Kha thingiṭang ai khok inṭialhei khah ran lômhei tui inna rikuang kôlah, an mu thei rangin a sia a, tui iin an hong zoroah khan an rizui ngai sikin ai sia pêk a nit. 39Khanchu, ran lômhei kha irol iṭial ien puma an inrâiin chu a zia ritan hei, a zia ṭial ngûihei, a zia det lok lokhein te an nei ngai a.
40Jakoba khan berahei khah kêlhei ata a ranin a sia a, irol iṭial khah Labana kêl â vom murdihei mu rangin a sia a. Khangkah khan ama ta rang kha ân pung a, Labana ta ata kha a ranin a sia mai a.
41Ran chi ṭhahei khah an rizui fengin irol iṭial kha an mu rangin an tui inna rikuang kôlah khan a sia pêk mai ngai a. 42Khannisela, ran a chi ṭha rak inohei mu ranga khan chu irol iṭial kha seh pêk ngai mak a; khangkan ran ṭha rak inohei murdi khah Labana ta a hong nit tâk a, â ṭha murdi khah Jakoba ta a hong init tâk a nit. 43Jakoba chu natinsat takkan a hong richong tâk a, ran lômhei itam takkah a nei a, isom nupang neh ipahei khom a nei intam a, saringseihei neh sakuartunghei khom a hong nei tâk a.
Valið núna:
RIPHUTNA 30: BIATBSI
Áherslumerki
Deildu
Afrita
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More