RIPHUTNA 17
17
Sertan Thuthlung risinsiana
1Abrama khah kum sômikuakka ikuakkah mi a nit tenah khan, Pumapa kha a ziangah a zuang inlâr a, “El-Sadaia#17:1 ‘Pathian Tinrêngthothei’ tina nia ringai a nit. ki nit hih, ki thu zôm inla, ṭhat rikipin om roh. 2Khanchu, nangmah neh ei kârah thu thlung ki ta, richi suanpâr itam takka nang pêng ki ti,” a ti a. 3Abrama khah lingisikin rinêngah â bok a; Pathianin a ni khah â sôn a, 4“Ringai roh, hi thuthlung hih nangmah neh kî thlung a nit; Nang chu nam tin chi tinhei bulpui ni hong init rang tâk a nit iti ki înkung a nit. 5Ner ming khom Abrama ni khâi no nih, nam tin chi tinhei richibulin nang ki siam sikin Abrahama#17:5 Abrama ti chu ‘Pa Liana, Pa Roinpuia’ tina a nit, Abrahama tih chu ‘Mi tam takka pa’ tina a nit. nî nit tâk a nit.#Rom.4:17. 6Richi suanpâr itam takkah nang pêng ki ta, anni lâia a ṭhenhei chu rêng la hong chang an ti. A nit, nangma richi suanpârhei chu namin la hong iding an ti.
7“Ki thuthlung hih nangmah neh ne nunga ner chi suanpâr la om ranghei idênin kumkhuaka thuthlung rangin indet mai ki ti. Nangma Pathian neh ner chi suanpârhei Pathian kî nit mai rang a nit.#Lk.1:55. 8Ni ziangah neh ne nunga ner chi suanpârhei ziangah khan ni mikhualna ram, Kanan ram hih kumkhuaka nin lua rangin nangni kî pêk a nit; keimah hih an Pathian nîng ki ti,” a ti a.#TS.7:5. 9Pathian khan Abrahama ziangah thu â sîr mai a, “Nangmah khomin ki thuthlung hih ni vong inṭhat rang a nit; ne nunga ner chi suanpârhei murdi khomin an zôm mai rang a nit. 10Amahih nangmah neh ner chi suanpârhei kâra ki thuthlung nin zôm rang chu a nit: nin lâia ipa kangân chu ser nin tan rang a nit.#TS.7:8; Rom.4:11. 11-12Atûna rithokin naite ipa murdi chu sûn iriatkah a nitin â ser nin tan rang a nit; khapenah, nangmani richi kher nino suak nin ina inzirhei neh nin chipui nino suma nin irchôkhei khom ipa kangân chu an iser nin tan rang a nit. Kha ser nin itan khah nangmani neh keima kâra thuthlung risinsiana nîng a ti. 13Tu khatkah khom ipa rêng rêng chu ser itan ngêt rang a nit. Nin taksaah khan ki thuthlung risinsiana khah kumkhuakan a om rang a nit. 14Ipa tukhom, sertan ino chu, ani khan ki thuthlung a îsiat a nit sikin a suapuihei lâi ata ṭhângsena vôr#17:14 Vântlâng ata ûm isua rang tina a ni, ithat khom ai huam a nit. Pathianin a mia ai tep ino rang tina khom a nit. rang a nit,” a ti a.
15Pathian ngirin Abrahama ziangah, “Ni nupui khom Saraii itin koi khâi no tin e; atûna rithokin chu arming kha Sari#17:15 Saraii hi Rêng nainu tina a nit, Sari ti khom khangkah ngir chu a nit, ‘Rêngnu’ iti a irkôk ual a nit. a nit tâk. 16Ani chu ṭhatvur ki ta, nai ipa nang nei pêk a ti. Ṭhatvur ki ta, nam tin tin nu hong ni tâng a ti; ama richiheia rithokin rênghei la hong suak an ti,” a ti a.
17Khanchu, Abrahama khah nuaiah â bok a, â nui â zat a, a lungrilin, “Kum riza mi hin nai la nei ki ta, kum sômikuakka mi Sari khan nai a lai vong rang na?” a ti a. 18Abrahama khan Pathian ziangah, “Ismaela hih ker chon luatu ni zel thei no nîm a?” a ti a.
19Nikhomsela, Pathian khan a sâm a, “Ni thei no nih. Ni nupui Sari ngêi khan naipa nang nei pêk a ta; arming Isaka#17:19 Richâng sômleisarika ‘â nui a,’ iti hih a Hebrai ṭongin chu ‘isak’ iti a nit. Isaka ti chu ‘Inuiah’ tina nîng a ti. nî sak rang a nit. Ki thuthlung hih kumkho thuthlung rangin amah neh â nunga archi suanpârhei ziangah khan kumkhuakan ki îndet rang a nit. 20Ismaela chungchânga ni ngênna khom ki riat tâk; khasikin, ani khom ṭhatvur ki ta, nai itam takka pen, richi suanpâr itam takkah pêng ki ti. Ani chu rêng sômleiinikahei pa nîng a ta, archihei chu nam ilian takin la siam ki ti. 21Nikhomsela, ki thuthlung chu ni naipa Isaka, Sarin nakum hingka tik taka nang ai nei pêk rang ziangah khan ki îndet rang a nit,” a ti a. 22Thu â sîr zoiin chu Pathian khan Abrahama kha a mâk tâk a.
23Abrahama khan a naipa Ismaela neh a suak, a ina inzir neh suma a irchôk murdihei khom, a ina om ipa rêng rêng kha a ṭhui a, Pathianin a zianga a ti pêk lam angkah takin, kha nî zelah khan an sermôr vun khah a tan pêk tâk a. 24Abrahama khah â sermôr vun a tan lâiah khan kum sômikuakka kuakkah mi a nit tâk a, 25a naipa Ismaela kha chu kum sômlei kum ithumka mi a nitin â sermôr vun itan a nit. 26Kha nî ata khah Abrahama neh a naipa Ismaela chu sertan an hong nit tâk a, 27a ina om suak ipa murdihei khom ama rualin sertan an hong init tâk a nit.
Valið núna:
RIPHUTNA 17: BIATBSI
Áherslumerki
Deildu
Afrita
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More