Zenez Lentrodiksyon
Lentrodiksyon
Zenez, savedir lorizin, i non premye liv Labib. Sa liv i dekri kreasyon liniver, lorizin lemonn, ras imen, konmansman pese, soufrans dan lemonn e konman Bondye i azir anver limanite.
Liv Zenez i kapab ganny divize an de parti prensipal:
1. Kreasyon lemonn ek listwar premye ras imen. I rakont osi zistwar ki ti arive avek Adan ek Ev, Kaen ek Abel, Noe ek deliz, ek Tour Babel (sapit 1–11).
2. Listwar bann premye zanset pep Izrael. Premye ti Abrahanm, ki ti ganny rekonnet pour son lafwa ek son lobeisans anver Bondye. I swiv avek zistwar son garson Izaak ek son pti zanfan Zakob, ki ti apel osi Izrael, ek 12 garson Zakob ki form 12 tribi Izrael.
I donn en latansyon spesyal bann garson Zakob: Zozef ek bann levennman ki anmenn Zakob ek lezot son bann garson ansanm avek zot fanmir, viv Lezip (sapit 12–50).
Sa liv i en resi lo bann personnaz, me i premyerman en revi lo sa ki Bondye in fer. I konmans avek afirmasyon ki Bondye in kree liniver, e i fini avek promes ki Bondye pou kontinyen montre son konsern pour son pep. Atraver sa liv, personnaz prensipal i Bondye, ki zize e pini bann ki fer sa ki mal, ki diriz e ed son pep e vey lo devlopman zot listwar. Sa ansyen liv ti ganny ekri pour gard bann levennman listwar lafwa en pep e pour gard sa lafwa vivan.
Konteni
Kreasyon liniver ek ras imen 1.1—2.25
Konmansman pese ek soufrans 3.1-24
Adan ziska Noe 4.1—5.32
Noe ek deliz 6.1—10.32
Tour Babel 11.1-9
Senm ziska Abrahanm 11.10-32
Bann patriars: Abrahanm, Izaak, Zakob 12.1–35.29
Bann desandan Ezai 36.1-43
Zozef ek son bann frer 37.1—45.28
Bann Izraelit dan Lezip 46.1—50.26
Valið núna:
Zenez Lentrodiksyon: BSK
Áherslumerki
Deildu
Afrita
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.