Popular Bible Verses from SAN MARCOS 2

Deildu

Lo'o ndyuna Jesús cha' nu nchcui' nu ngu' tlyu bi', li' nacui̱ yu: ―Ná ntsu'u cha' caca jo'o ji'i̱ ñati̱ nu tso'o ti ti' ―nacui̱ Jesús ji'i̱ ngu'―, caca jo'o ji'i̱ ngu' quicha ―nacui̱―. Lo'o na' ni, ná lijya̱ na' cha' culu'u na' cha' tso'o ji'i̱ ycui' Ndyosi ji'i̱ ñati̱ nu nclyacua ti' cha' tso'o tsa ycui' ca ngu'; na cua lijya̱ na' ca nde cha' culu'u na' cha' tso'o bi' ji'i̱ ñati̱ nu jlo ti' cha' ntsu'u qui'ya ji'i̱ ngu' ―nacui̱ Jesús.

Lo'o na'a̱ Jesús cha' jlya tsa ti' ngu' ji'i̱ yu, li' nchcui' yu lo'o nu quicha bi': ―Cua ngua'ni clyu ti na' jinu'u̱ ji'i̱ qui'ya nu ntsu'u jinu'u̱, sñi' ―nacui̱ Jesús ji'i̱.

’Ná nti' ycui' Ndyosi xcube' ji'na lo'o nchcui' Ni cha' caca sca tsa̱ nu tyi'i̱ cña' na; tso'o la tyi'i̱ na si caja sca tsa̱ nu tyi'i̱ cña' na, ngua ti' Ni.

Ná ngua ji'i̱ ngu' tyalaa ngu' ca slo Jesús lo'o nu quicha bi', cha' tachaa tsa ndu̱ ñati̱; bi' cha' ndyacuí̱ ngu' hique ni'i̱ lo'o nu quicha bi'. Jlyacua que ni'i̱ bi'. Lo'o li' ngusaala ngu' que ni'i̱ su ndi'i̱ Jesús cha' tyatí̱ catya̱ su ntsiya nu quicha. Li' nda'ya ngu' ji'i̱ catya̱ ca su nga'a̱ Jesús.

Tso'o lacua. Nti' na' cha' caca cuayá' ti' ma̱ cha' ntsu'u chacuayá' jna' cua'ni clyu ti' na' ji'i̱ ñati̱ chalyuu nu ntsu'u qui'ya ji'i̱; ntsu'u chacuayá' jna', xqui'ya cha' cua nda Ni 'na lijya̱a̱ lo yuu chalyuu cha' caca na' ñati̱. Caca cuayá' ti' ma̱ lo'o ña'a̱ ma̱ cha' tyaca tso'o nu quicha re juani ―nacui̱ Jesús. Li' xa' nchcui' yu lo'o nu quicha bi': ―Culo na' cña jinu'u̱ juani ―nacui̱ Jesús ji'i̱―. Tyatu̱ nu'u̱, xatu'ba nu'u̱ catya̱ jinu'u̱, cha' tsaa lo'o nu'u̱ ji'i̱ ca to' tyi.

Ná ndiya ti' ma̱ cha' cua nacui̱ na' ji'i̱ nu quicha re: “Cua ngua'ni clyu ti' na' jinu'u̱ ji'i̱ qui'ya nu ntsu'u hi̱”. ¿Ha tso'o la si chcui' na' lo'o nu quicha lacua: “Tyatu̱ nu'u̱, xatu'ba nu'u̱ catya̱ jinu'u̱ cha' tyaa lo'o ji'i̱ to' tyi”? ―nacui̱ Jesús―.

Hora ti ndyatu̱ nu quicha bi', ngusñi catya̱ ji'i̱, ngutu'u ndyaa li'; na'a̱ lcaa ngu' nu lo'o ndu'u nu ngua quicha bi' ndyaa lo'o catya̱ ji'i̱. Ndube tsa ti' ngu', li' ngua'ni tlyu ngu' ji'i̱ ycui' Ndyosi xqui'ya cha' bi': ―Ni sca ya bilya ña'a̱ ya sca cha' tlyu ñi'ya̱ nu ngua'ni nu'u̱ juani ―nacui̱ ngu' ji'i̱ ycui' Ndyosi li'.