Popular Bible Verses from SAN MARCOS 1

Deildu

Lo'o bilya quixee chaca tsa̱, li' ndyatu̱ Jesús; ndu'u yu, ndyaa yu xi nde ne' quixi̱' su ti̱ ti ndu̱ chalyuu, cha' chcui' yu lo'o ycui' Ndyosi cajua.

―Cua ndyalaa hora cha' caca ycui' Ndyosi loo ne' cresiya ji'i̱ ñati̱ ―nacui̱ Jesús―. Ca tyuju'u ti' ma̱ ji'i̱ lcaa cha' cuxi nu ntsu'u ji'i̱ ma̱; culochu̱' ma̱ ji'i̱ cha' cuxi bi', cha' li' taca xñi ma̱ cha' tso'o nu ji'i̱ ycui' Ndyosi nu cua'ni lyaá ji'i̱ ma̱.

Lo'o cua tyu'u ti Jesús lo hitya, li' na'a̱ cha' cua ndyaala tyucui̱i̱ nde cua̱. Li' ngua'ya Xtyi'i ycui' Ndyosi su ndu̱ Jesús; ñi'ya̱ ndyacui sca tyupe', jua'a̱ ngua'ya Xtyi'i ycui' Ndyosi lo Jesús li'. Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

Lo'o hitya ti ntyucuatya na' ji'i̱ ma̱, pana ná tyucuatya yu bi' ji'i̱ ngu' lo'o hitya ti, masi cua'ni yu cha' tyanu Xtyi'i ycui' Ndyosi ne' cresiya ji'i̱ ngu' cha' caca lubii ngu' tsiya' ti, nu lo'o tyucuatya yu ji'i̱ ngu'.

Nchcui' Jesús lo'o ngu' bi' li': ―Tsaa ma̱ lo'o na' ―nacui̱ Jesús ji'i̱ ngu'―. Xa' cña culu'u na' ji'i̱ ma̱ juani, cha' clyana ma̱ ji'i̱ ñati̱ chalyuu nu nguna' chalyuu ji'i̱ xqui'ya cha' cuxi, cha' caca ngu' bi' ñati̱ jna' ―nacui̱. Ndyuna ngu', lo'o hora ti nguxtyanu ngu' taraya ji'i̱ ngu', ndu'u ngu' ndya'a̱ ngu' lo'o Jesús li'.

Lo'o ndyuna ngu', li' ndube tsa ti' ngu' ñi'ya̱ cha' nclyu'u Jesús ji'i̱ ngu'. Ngua ti' ngu' cha' tlyu tsa chacuayá' ntsu'u ji'i̱ yu lo'o nchcui' yu lo'o ngu', si'i ñi'ya̱ nclyu'u mstru nu nclyu'u cha' jo'ó ne' laa.