Popular Bible Verses from SAN MATEO 19

Deildu

―Bi' laca sca cha' nu ná nchca cua'ni ni sca ñati̱ chalyuu; pana ycui' Ndyosi ni, nchca ji'i̱ Ni cua'ni cha' tyalaa ngu' slo Ni ―nacui̱ Jesús ji'i̱ ngu'.

Nga'aa si'i tucua tya'a ñati̱ laca ngu', cua laca ji'i̱ ngu' ñi'ya̱ si laca ngu' sca ti ñati̱. Bi' cha' ná tso'o xtyanu ngu' ji'i̱ clyo'o ngu', cha' cua nda ycui' Ndyosi cha' clyo'o ji'i̱ ngu'.

―¿Ha bilya chcui' ma̱ lo quityi cha' ji'i̱ ycui' Ndyosi? ―nacui̱ Jesús ji'i̱ ngu' bi'―. “Clyo ngüiñá Ni ji'i̱ ñati̱, sca nu qui'yu lo'o sca nu cuna'a̱”, jua'a̱ nscua lo quityi bi'. Lo'o jua'a̱ ndi'ya̱ nacui̱ Ni: “Bi' cha' tyu'utsu' sca nu qui'yu slo sti yu, slo xtya'a̱ yu, cha' caja clyo'o lo'o sca nu cuna'a̱, cha' caca ngu' sca ti xtañi tyucuaa ngu'”.

pana hora ti nchcui' Jesús lo'o ngu' nu ndyaca tsa'a̱ ji'i̱ li': ―Ta ma̱ chacuayá' ji'i̱ nu sube cha' ca̱a̱ ngu' slo na' ―nacui̱ Jesús ji'i̱ ngu' bi'―. Ná cua'a ma̱ ji'i̱ nu sube bi'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi nu lo'o caca Ni loo ne' cresiya ji'i̱ ngu'.

Pana nu ngu' nu tyu'u tucua lo'o cua tye ti cha' bi' laca ngu' nu caca nde loo la; nu ngu' nu ndu'u tucua clyo, bi' ngu' laca nu tyanu nde chu̱' la li'.

Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.

―¿Ha chañi cha' nti' nu'u̱ cha' ca lubii cresiya ji'nu'u̱, cha' caja chalyuu nu ná nga'a̱ cha' tye jinu'u̱? ―nacui̱ Jesús ji'i̱ yu bi'―. Si chañi cha' nu nchcui' nu'u̱, yaa clya cujui' nu'u̱ lcaa cha' tso'o nu ntsu'u jinu'u̱; tyu'u cñi cha' ta nu'u̱ ji'i̱ ngu' ti'i li'. Lo'o li' sta ycui' Ndyosi sca cha' tso'o nu tyacua jinu'u̱ ca su ntucua ycui' Ni. Lo'o cua ngua'ni nu'u̱ cha' bi', li' ca̱a̱ nu'u̱ slo na' cha' tya'a̱ nu'u̱ lo'o na'.

Lo'o li' nchcui' Jesús lo'o yu: ―¿Ni cha' nchcui' nu'u̱ cha' tso'o tsa ndu'ni na'? ―nacui̱ Jesús ji'i̱ yu bi'―. Sca ti ycui' Ndyosi laca nu chañi cha' tso'o laca Ni. Pana taquiya' nu'u̱ ji'i̱ lcaa cña nu ngulo ycui' Ndyosi ji'i̱ ma̱, si nti' nu'u̱ caja chalyuu nu ná nga'a̱ cha' tye jinu'u̱.

Lasa la cña tyeje tacui sca na'ni quiya' cuxa, masi sca na'ni tonu ñi'ya̱ nti' sca camello, lasa la cha' bi'; tucui la tyalaa sca ngu' culiya' ca su laca ycui' Ni loo.

Cuentya jna' ni, ta na' sca cui̱i̱ lo'o ma̱ juani: Si ntsu'u sca ñati̱ nu nguxtyanu ji'i̱ clyo'o cha' caja clyo'o lo'o xa' nu cuna'a̱, ngua'ni tyucuaa ti' yu lo'o nu cuna'a̱ clyo'o yu. Sca ti si clyo'o yu ngua'ni suba' lo'o xa' nu qui'yu, liñi cha' xtyanu yu ji'i̱ nu cuna'a̱ bi' li'. La cui' jua'a̱, nu cuna'a̱ nu cua nguxtyanu clyo'o ji'i̱ bi', si xa' caja clyo'o lo'o chaca ñati̱, cha' suba' cua'ni ngu' bi' li'.

Li' nchcui' Jesús lo'o ngu' nu ndyaca tsa'a̱ ji'i̱: ―Cha' liñi nchcui' na' lo'o ma̱ juani ―nacui̱―, tucui tsa caca ji'i̱ ngu' culiya' cha' tyatí̱ ngu' cha' ji'i̱ ycui' Ndyosi, cha' caca Ni loo ne' cresiya ji'i̱ ngu'.