Popular Bible Verses from SAN MATEO 18

Deildu

Lo'o na' nga'a̱ na' lo'o ma̱ macala su ndyu'u ti'i̱ tucua sna tya'a ti ma̱ chacuaya' 'na.

’Chaca quiya' cacha̱' ji'i̱ ma̱ cha' chañi cha' cua'ni Sti na' nu ntucua nde cua̱ lcaa cha' nu ndijña ma̱ ji'i̱ Ni, masi tucua tya'a ti ma̱ ndu̱ ma̱, si stu'ba cha' nu ntsu'u tyiquee tyucuaa ma̱.

Li' ngusi'ya Jesús ji'i̱ sca nu piti cha' ca̱a̱ slo yu, cha' tyatu̱ nu piti slo ngu' nu ndyaca tsa'a̱ ji'i̱. ―Cha' liñi nchcui' na' lo'o ma̱ ―nacui̱ Jesús ji'i̱ ngu' bi'―, cha' ná caca tyatí̱ ma̱ cha' ji'i̱ ycui' Ndyosi cha' caca Ni loo ne' cresiya ji'i̱ ma̱ si ná cha'a̱ cha' tyiquee ma̱; nga'a̱ cha' caca tyiquee ma̱ ñi'ya̱ laca tyiquee nu piti re, cha' ná tyixi ndu'ni ngu' sube.

Sca ñati̱ nu laca ñi'ya̱ laca nu piti re, sca ñati̱ nu ná tyixi tyiquee, nu ná nti' tyiji̱loo ji'i̱ tya'a cha' caca ycui' sca ñati̱ tlyu, bi' laca nu ndulo la cha' ji'i̱ ca su laca ycui' Ndyosi loo.

Nu lo'o xtyucua ma̱ ji'i̱ sca ñati̱ ñi'ya̱ nti' nu piti re xqui'ya cha' ngusñi tso'o ma̱ cha' jna', la cui' jua'a̱ na nxtyucua ma̱ 'na laca.

’Cha' liñi laca nu nchcui' na' re, cha' lo'o ná cua'ni clyu ti' ma̱ ji'i̱ ñati̱ xqui'ya sca cha' cuxi nu ndyu'ni ñati̱ bi', la cui' jua'a̱ ná cua'ni clyu ti' ycui' Ndyosi ji'i̱ ñati̱ bi' nde loo la; pana lo'o cua'ni clyu ti' ma̱ ji'i̱ ñati̱, la cui' jua'a̱ cua'ni clyu ti' Ni ji'i̱ ñati̱ bi'.

’Ñi'ya̱ ngua'ni rey bi' ―nacui̱ Jesús ji'i̱ ngu'―, jua'a̱ cua'ni Sti na' nu ntucua nde cua̱ lo'o lcaa ma̱ nu ná tyucui tyiquee ma̱ ndyi'ya ma̱ cha' clyu ti' ji'i̱ tya'a ma̱.

’Si ntsu'u ñati̱ nu ndatsaa ji'i̱ xa' ñati̱ cha' cua'ni ngu' cha' cuxi', masi tatsaa ñati̱ bi' ji'i̱ nu piti re cha' cua'ni yu cha' cuxi, tso'o la masi tyaaca̱' sca quichi tonu yane ñati̱ cuxi bi', lo'o li' xtyú ngu' ji'i̱ ñati̱ bi' lo hitya tyujo'o cha' tye cha' ji'i̱ tsiya' ti; tso'o la si cajaa ñati̱ nu jua'a̱ ndu'ni, cha' nga'aa tatsaa ji'i̱ xa' la ngu' sube cha' cua'ni ngu' cha' cuxi.

’¿Ñi'ya̱ nti' ma̱ ni? Cua ntsu'u sca siyento tya'a xlya' ji'i̱ sca ñati̱, lo'o li' nguna' tsaca ji'i̱ yu. ¿Ñi'ya̱ cua'ni yu li'? Ndi'ya̱ cua'ni yu ñacui̱ na': xtyanu yu ji'i̱ taju xlya' quiña'a̱ bi' sii' ca'ya su tso'o ti ndi'i̱ ni', cha' tsaa yu tsaana yu ji'i̱ xlya' nu nguna' ji'i̱ yu bi'.