Popular Bible Verses from Mateo 23

Deildu

Ro pinakadungganon kinyo tanan hay dapat nga mangin inyong manogserbi.

Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi. Nagatao gid kamo sa Dyos it ikanapueong parti bisan ku inyong tanom nga mga panakot pero owa gid ninyo ginatumana ro mas importanti nga mga sugo sa Kasuguan it Dyos, nga dapat maghimo kamo it matarong sa inyong isigkatawo, maeueuy-on kamo ag masaligan. Dapat hay ginaobra ninyo ron ag padayon man gihapon kamo nga nagatao sa Dyos ku inyong mga ikanapueo.

“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi. Pareho kamo it tawo nga gahugas it baso ag pinggan nga ro liwan eang ag ro likod ro ginahugasan. Makaruyon kamo ay ro inyo eang nga eawas ro inyong ginalimpyuhan, pero ro una eang sa inyong kabubut-on hay puro kahangoe ag pagpang-agaw ku ana it iba sa pakusog.

Naghambae dayon si Jesus, “Ay, aki, kaeuoy kamo nga mga tagaJerusalem! Ginapinamatay ninyo ro mga propeta ag inyong ginapinangeapog it bato hasta mamatay ro mga ginapaadto it Dyos kinyo. Permi nakong ginahandom nga tilipunon kunta kamo pareho it mus-an nga nagatinipon ku anang mga isiw sa idaeom ku anang mga pakpak, pero indi man kamo magsugot.

Makaruyon gid 't-a kamo ay kon tan-awon it mga tawo hay mga matarong kamo, pero ro minatuod hay puro kaipokrituhan ro una sa inyong kabubut-on ag permi ninyong ginabaliwala ro Kasuguan it Dyos.”