Popular Bible Verses from Mateo 22

Deildu

Nagsabat si Jesus, “ ‘Higugmaa ro Ginuo nga imong Dyos sa bug-os nimong tagipusuon, sa bug-os nimong kabubut-on ag sa bug-os nimong paino-ino.’ Raya ro pinakaimportanti nga sugo sa tanan. Ro ikaywa nga pinakaimportanting sugo hay raya. ‘Higugmaa ro imong isigkatawo pareho ku imong paghigugma sa imong kaugalingon.’

Ro daywa ngara nga ka sugo ro pinakapundasyon ku bilog nga Sagrado nga Kasueatan it Dyos nga ginsueat ni Moises ag ku mga propeta.”

Naghambae dayon si Jesus, “Abo ro ginakangay nga mangin sinakpan it Dyos pero sangkiri eang ro mga pinili.”

Nagsabat si Jesus, “Saea gid-a kamo tungod nga kon mabanhaw eon ro mga namatay hay bukon eon sanda it mag-asawa. Makaruyon man ro mga anghel sa eangit, owa man nagaasawa. Owa kamo kaeubot kon ano ro ginsueat sa Sagrado nga Kasueatan ag owa man kamo kasayod kon mauno kagamhanan ro Dyos.

Patan-awa ngani ako it kwarta ngaron nga inyong ginabayad sa buhis.” Ginpatan-aw nanda imaw it sangka denaryo ag nagpangutana dayon imaw, “Anyo nga itsura ag ngaean ro iya sa kwarta ngara?” “Ana ku Emperador,” sabat nanda. Ginhambae sanda ni Jesus, “Kon mawron, taw-an sa Emperador ro para sa Emperador ag taw-an ma't-a sa Dyos ro para sa Dyos.”